पूजा जाधवच्या भोळ्याभाबड्या चेहऱ्यावर जाऊ नका. कारण यामागे एक कारस्थानी मेंदू आहे. भोसरी पोलिसांनी तिचा पर्दाफाश केला आहे.
पूजा जाधवनं काही दिवसांपूर्वी एका धनदांडग्याला आपल्या जाळ्यात ओढलं, त्याच्याशी लगट केली आणि त्यानंतर बलात्काराच्या आरोपाची धमकी देऊन पैसे उकळायला सुरुवात केली. संबंधित व्यक्तीनं पोलिस ठाणे गाठलं आणि पूजाचं बिंग फुटलं.
पूजा जाधवला यासाठी माया सावंत, रवींद्र सिरसाम आणि अन्य दोन महिलांचीही साथ असायची. ते दोघे सामाजिक कार्यकर्ते असल्याचं भासवायचे आणि धमक्या द्यायचे.
पूजानं हेरलेलं हे काही पहिलं सावज नाही. त्यामुळे याआधीच्या गुन्ह्यांचाही तपास पोलिसांनी सुरु केला. बडे ठेकेदार, बांधकाम व्यावसायिक, हॉटेल मालक आणि इंजिनियर्स अशी पूजाची हिटलिस्ट होती. त्यामुळे पूजानं तुम्हालाही गंडवलं असेल, तर तातडीनं भोसरी पोलिसांना गाठून तक्रार द्या.