राज ठाकरेंच्या पुणे दौऱ्यापूर्वीच मनसेला धक्का; रुपाली पाटील यांचा पक्षाला 'जय महाराष्ट्र', राष्ट्रवादीत प्रवेश?
MNS Leader Rupali Thombre Patil Resigned : मनसेला धक्का, माजी नगरसेविका आणि प्रवक्त्या रुपाली पाटील यांचा पक्षाला 'जय महाराष्ट्र'.
MNS Leader Rupali Thombre Patil Resigned : मनसेच्या माजी नगरसेविका आणि प्रवक्त्या रुपाली पाटील यांनी मनसेच्या सदस्यत्वाचा राजीनामा दिला आहे. आजपासून मनसे अध्यक्ष राज ठाकरे तीन दिवस पुणे दौऱ्यावर असणार आहेत. परंतु, राज ठाकरेंच्या पुणे दौऱ्यापूर्वीच मनसेला मोठा धक्का बसल्याचं पाहायला मिळत आहे. मनसे सदस्यत्वाचा राजीनामा दिल्यानंतर रुपाली पाटील यांची पुढची भुमिका काय असणार? याकडे सर्वांचं लक्ष लागलं आहे. अशात आपली भूमिका स्पष्ट करण्यासाठी रुपाली पाटील आज पत्रकार परिषद घेण्याची शक्यता आहे.
राज्यातील आगामी महापालिका निवडणुकांच्या पार्श्वभूमीवर मनसेनं कंबर कसली आहे. मनसे अध्यक्ष राज ठाकरे महाराष्ट्र दौऱ्यावर आहेत. पुढील तीन दिवस राज ठाकरे पुणे जिल्हा आणि पुणे शहराच्या दौऱ्यावर आहेत. मात्र, राज ठाकरे पुण्यात येण्याआधीच रुपाली पाटील यांनी राजीनामा दिला आहे. त्यामुळे ऐन महापालिका निवडणुकीपूर्वी मनसेला धक्का बसल्याचं बोललं जात आहे. मनसेला 'जय महाराष्ट्र' केल्यानंतर रुपाली पाटील राष्ट्रवादी काँग्रेसमध्ये प्रवेश करणार असल्याची माहिती मिळत आहे. उपमुख्यमंत्री अजित पवार यांच्या उपस्थितीत शुक्रवारी त्या राष्ट्रवादीचं घड्याळ हातात बांधू शकतात, अशी सुत्रांची माहिती आहे.
पाहा व्हिडीओ : मनसे नेत्या रुपाली पाटील-ठोंबरे यांचा पक्षाच्या प्राथमिक सदस्यत्वाचा राजीनामा
मनसेचा पुण्यातील चेहरा म्हणून रुपाली पाटील-ठोंबरे यांची ओळख होती. रुपाली पाटील अनेकदा महिलांचे प्रश्न मांडताना दिसायच्या. तसेच त्यांचा जनसंपर्कही दांडगा आहे. परंतु, गेल्या अनेक दिवसांपासून त्या पक्ष सोडणार असल्याची चर्चा होती. त्या पक्षात नाराज होत्या. काही दिवसांपूर्वी त्यांनी आपली नाराजी उघडपणे बोलूनही दाखवली होती. अशातच रुपाली पाटील-ठोंबरे यांच्या राजीनाम्यामुळे मनसेला मोठा धक्का बसला आहे.
दरम्यान, रुपाली पाटील यांनी मनसे अध्यक्ष राज ठाकरे यांनी एक पत्र लिहिलं आहे. या पत्रात त्यांनी मी माझ्या महाराष्ट्र नवनिर्माण सेना पक्षातील सर्व पदासह पक्षाचा प्राथमिक सदस्य पदाचा राजीनामा देत आहे, असं नमूद केलं आहे.
महत्त्वाच्या इतर बातम्या :
Pune School Reopen : पुण्यात 16 डिसेंबरपासून पहिली ते सातवीच्या शाळा सुरु होणार
मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह
महत्त्वाच्या बातम्या
