![ABP Premium](https://cdn.abplive.com/imagebank/Premium-ad-Icon.png)
कोरोनावरील लस येण्यासाठी अजून किमान सहा महिने लागतील : अदर पुनावाला
कोरोनाव्हायरसचा झालेला प्रादुर्भाव पाहता भारतासह जगभरात त्यावर लस शोधण्याचं काम युद्धपातळीवर सुरु आहे. कोरोना व्हायरसवरची लस कधी येणार हा प्रश्न सगळ्यांनाच पडला आहे. याबाबत सीरम इन्स्टिट्यूटचे सीईओ अदर पुनावाला यांनी उत्तर दिलं आहे.
![कोरोनावरील लस येण्यासाठी अजून किमान सहा महिने लागतील : अदर पुनावाला It will take at least another six months for coronavirus vaccine, says Adar Poonawalla कोरोनावरील लस येण्यासाठी अजून किमान सहा महिने लागतील : अदर पुनावाला](https://static.abplive.com/wp-content/uploads/sites/4/2020/07/07212106/Adar-Poonawalla.jpg?impolicy=abp_cdn&imwidth=1200&height=675)
पुणे : कोरोना व्हायरसवरची लस कधी येते याकडे सर्व जगाचं लक्ष लागलं आहे. पुण्यातील सीरम इन्स्टिट्यूटने ऑक्सफर्डसोबत लसीच्या संदर्भात करारही केला आहे. कोरोनावरची लस कधी येणार या प्रश्नाचं उत्तर देताना सीरम इन्स्टिट्यूटचे सीईओ अदर पुनावाला म्हणाले की, "कोरोनाची लस यायला अजून किमान सहा महिने लागतील. या वर्षीच्या शेवटपर्यंत लस येणं अपेक्षित आहे." सीरम इन्स्टिट्यूटने ऑक्सफर्डसोबत लस बनवण्यासाठी करार केला आहे. ऑक्सफर्डकडून लसीच्या सध्या मानवी चाचण्या सुरु आहेत. या चाचण्यांच्या तिसऱ्या टप्प्याचे निकाल आले की आपण लस कधी येणार यासंदर्भात बोलू शकू, असंही अदर पुनावाला यांनी सांगितलं.
पुण्यातील मायलॅबने आरटी पीसीआर टेस्ट करण्यासाठी नवीन मशीन आज लॉन्च केली. कोविडची टेस्ट करण्यासाठी आरटी पीसीआर टेस्ट सगळ्यात उपयुक्त आहे. या मशीनच्या लॉन्चिंग कार्यक्रमात अदर पुनावाला बोलत होते. सीरम इन्स्टिट्यूटतर्फे मायलॅब कंपनीमध्येही गुंतवणूक करण्यात आली आहे. पुढे बोलताना अदर पुनावाला म्हणाले की, "नुकतीच एक बातमी आली होती की, लस बनवण्यासाठी एका कंपनीला घाई करण्यात आली. आम्हाला अशी घाई नाही. सुरक्षित आणि प्रभावी लस देणं हेच आमचं उद्दिष्ट आहे."
कोरोनाचं म्युटेशन हे आव्हान, पण सीरम इन्स्टिट्यूटची लस सर्व म्युटेशनवर प्रभावी ठरेल : अदर पुनावाला
लस येईपर्यंत जास्तीत जास्त कोरोनाच्या चाचण्या करणं महत्त्वाचे असल्याचं अदर पुनावाला यांनी सांगितलं. पण आपल्याकडे पाहिजे तेवढ्या चाचण्या होत नसल्याचा आरोपही त्यांनी केला. कोरोनाच्या चाचण्यांसाठी आवश्यक असलेले टेस्ट किट्सचं पुरेसं उत्पादन करण्याची भारतीय कंपन्यांची क्षमता आहे. पण तेवढ्या चाचण्याच केल्या जात नाही, असं अदर पुनावाला म्हणाले.
Vaccine on Corona | कोरोनावरील लस भारतात तयार होणार! 'सीरम' इन्स्टिट्यूटचे अदर पुनावाला यांची माहितीमहत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)