Pune Crime News: पुण्यात दोन गटांमध्ये तुंबळ हाणामारी; व्हिडीयो सोशल मीडियावर तुफान व्हायरल

पुण्यातील रस्त्यावरील हाणामारीचा व्हिडीओ व्हायरल झाला आहे. येरवडा परिसरात शिवराज चौक रस्त्यावर दोन गटात फ्री स्टाईल हाणामारी केली आहे.

Pune Crime

Pune Crime News: पुण्यातील रस्त्यावरील हाणामारीचा व्हिडीओ व्हायरल झाला आहे. येरवडा परिसरात शिवराज चौक रस्त्यावर दोन गटात फ्री स्टाईल हाणामारी केली आहे.  येरवडा येथील हाणामारीमुळे परिसरात भीतीचं वातावरण निर्माण झालं आहे. भररस्त्यातीत हाणामारीचा प्रकार घडलेल्याचा व्हिडीओ सध्या सोशल मीडियावर चांगलाच व्हायरल होत आहे.

या प्रकरणी येरवडा पोलीस ठाण्यात जीवे मारण्याचा प्रयत्न केल्याचा गुन्हा दाखल झाला असून मुक्तार सिंग भादा यांच्यासह इतर गंभीर जखमी झाले आहेत. दोन्ही गटांमध्ये जागेसाठी वाद झाला होता. या वादावरुन ही हाणामारी झाल्याचं समोर आलं आहे. दोन्ही गटात हाणामारी करणारे सराईत गुन्हेगार असल्याची माहिती समोर आली आहे. परिसरातील आजुबाजूच्या सामानाची तोडफोड केली आहे. या हाणामारीमुळे नागरीकांमध्ये दहशत निर्माण करण्याचं काम दोन्ही गटाकडून करण्यात आलं आहे. दोन्ही गटाने काठीने एकमेकांवर वार केले आहेत. त्यामुळे येरवडा पोलिसांनी या प्रकरणी गुन्हा नोंद केला आहे.

सध्या पुणे शहरात स्टंटबाजी, फ्री स्टाईल हाणामारी, खूनाच्या गुन्ह्यांमध्ये वाढ झाली आहे. त्यामुळे अनेक नागरीक संतापले आहे. भर रस्त्यात हे प्रकार घडत असल्याने नागरीकांच्या मानसिकतेवर परिणाम होत आहे. दोन दिवसांपुर्वी नाना पेठेत अक्षय वल्लाळ नावाच्या तरुणावर धारदार शस्त्राने तब्बल 35 वार करत त्याचा भररस्त्यात त्याचा खून करण्यात आला होता. ही घटना ताजी असताना हाणामारीची घटना समोर आली आहे.

यापुर्वी औरंगाबाद शहरातील पैठणगेट भागातील सब्जी मंडी परिसरात जमिनीच्या वादातून दोन गटात तुंबळ हाणामारी झाल्याची घटना समोर आली होती. यावेळी दोन्ही बाजूने दीडशे ते दोनशे लोकांचा जमाव आमने-सामना आल्याने झालेल्या मारहाणीत काही जखमी सुद्धा झाले होते. तर यावेळी वाहनांची तोडफोड सुद्धा करण्यात आली होती. याप्रकरणी दोन्हीं गटांच्या तक्रारीवरून एकमेकांच्या विरोधात गुन्हा दाखल करण्यात आला होता. सोबतच पोलिसांनी दिलेल्या वेगळ्या फिर्यादिवरून दोन्ही गटातील दीडशे ते दोनशे लोकांवर आणखी एक गुन्हा दाखल करण्यात आला होता.