![ABP Premium](https://cdn.abplive.com/imagebank/Premium-ad-Icon.png)
Pune PFI News: 'पीएफआय'चे बेकायदेशीर आंदोलन; 60 ते 70 कार्यकर्त्यांविरोधात पुण्यात गुन्हा दाखल
परवानगी नसताना केलेल्या आंदोलनामुळे पोलिसांनी 60-70 पीएफआय कार्यकत्यांविरोधात गुन्हा दाखल केला आहे.
![Pune PFI News: 'पीएफआय'चे बेकायदेशीर आंदोलन; 60 ते 70 कार्यकर्त्यांविरोधात पुण्यात गुन्हा दाखल Case registered against a man named Riyaz Sayyad along with 60-70 other PFI workers Pune PFI News: 'पीएफआय'चे बेकायदेशीर आंदोलन; 60 ते 70 कार्यकर्त्यांविरोधात पुण्यात गुन्हा दाखल](https://feeds.abplive.com/onecms/images/uploaded-images/2022/09/24/2c065669d0da9f61656e8057fdde6ac61663999015787442_original.png?impolicy=abp_cdn&imwidth=1200&height=675)
Pune PFI News: पॉप्यूलर फ्रंट ऑफ इंडिया (PFI) या संघटनेच्या पदाधिकाऱ्यांना दहशतवादी विरोधी पथकाने अटक केली होती. त्यांच्या अटकेच्या निषेधार्थ संघटनेच्या कार्यकर्त्यांनी पुण्यातील (Pune) जिल्हाधिकारी कार्यालयासमोर बेकायदेशीरपणे आंदोलन केलं. या आंदोलनाला बंड गार्डन पोलिसांनी परवानगी नाकारली होती. मात्र तरीही पीएफआयच्या कार्यकर्त्यांनी एकत्र येत बेकायदेशीर आंदोलन केलं. परवानगी नसताना केलेल्या आंदोलनामुळे पोलिसांनी 60-70 पीएफआय कार्यकत्यांविरोधात गुन्हा दाखल केला आहे.
रिजाज जैनुद्दीन सय्यद (वय 26, शिवनेरी नगर कोंढवा खुर्द) याच्यासह 60 ते 70 जणांवर गुन्हा दाखल करण्यात आला आहे. पोलीस हवालदार नवनाथ डांगे यांनी याप्रकरणी तक्रार दिली आहे. त्यानुसार या सगळ्यांवर पोलिसांनी गुन्हा दाखल केला आहे. या आंदोलनामुळे जिल्हाधिकारी कार्यालयासमोर तणावाचे वातावरण निर्माण झाले होते. मोजक्या चार लोकांसोबत जाऊन जिल्हाधिकाऱ्यांना निवेदन द्या, अशा सूचना पोलिसांनी पॉपुलर फ्रंट ऑफ इंडियाच्या पदाधिकाऱ्यांना केल्या होत्या. मात्र जिल्हाधिकारी कार्यालयासमोर हळूहळू कार्यकर्त्यांनी गर्दी केली. शुक्रवारी दुपारी तीन वाजता जिल्हाधिकारी कार्यालयाच्या मुख्य गेटसमोर तसंच बोल्हाई चौकात जमले. त्यांनी तेथील रस्ता अडवला. त्यामुळे चौकात वाहतूक कोंडी झाली. प्रत्येक कार्यकर्ता फोन करुन इतर कार्यकर्त्यांना बोलवत होते. जमावाकडून कायदा आणि सुव्यवस्थेच्या दृष्टीने कोणताही अनुचित प्रकार घडू नये, यासाठी पोलिसांनी लगेच कारवाई करायला सुरुवात केली होती.
अब्दुल कयूम शेख, रझी अहमद खान दोघांना अटक
दहशतवादी कृत्यांसाठी पैसे पुरवल्याच्या संशयावरुन राज्य दहशतवादी विरोधी पथकाने पीएफआय या संघटनेच्या कोंढव्यातील कार्यालयावर छापा टाकला. त्यात पुण्यातील पीएफआयच्या दोन महत्वाच्या नेत्यांना राहत्या घरातून अटक केली होती. अब्दुल कयूम शेख, रझी अहमद खान अशी या दोघांची नावं होती. राज्यस्तरीय कार्यकर्त्यांना अटक केल्याच्या निषेधार्थ मोठमोठ्याने घोषणा देऊन वाहनांना अडथळा निर्माण केला. पोलिसांच्या सूचनांचं पालन कार्यकर्त्यांनी केले नाही. त्यामुळे लगेच पोलिसांनी कारवाई करत काही कार्यकर्त्यांना ताब्यात घेतलं आणि नोटीस देऊन सोडलं होतं.
एकाच वेळी अनेक ठिकाणी केली होती छापेमारी
एनआयए, ईडीसह स्थानिक तपास यंत्रणांकडून देशभरात पीएफआयच्या कार्यालयांवर छापेमारी केली होती. केरळमध्येच 50 ठिकाणी छापेमारी केली होती. त्याशिवाय कर्नाटक, आंध्र प्रदेश, तेलंगणा, राजस्थान, दिल्ली, उत्तर प्रदेश, मध्य प्रदेश, पश्चिम बंगालमध्ये छापेमारी करण्यात आली. काही राज्यांमध्ये पीएफआयचे पदाधिकारी, कार्यकर्त्यांना चौकशीसाठी ताब्यात घेतले होती. काहींना अटकही करण्यात आली होत
महत्वाच्या बातम्या...
NIA-ATS विरोधात निदर्शने करणाऱ्या पीएफआयच्या पदाधिकाऱ्यांवर जालना,बीडमध्ये गुन्हे दाखल
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)