Video: मुलीची बाजू घेतल्यामुळे माझ्याबद्दल गैरसमज; भिगवण प्रकरणात राहुल कुल यांची एंट्री, सगळंच सागितलं

मुलीची बाजू घेतल्यामुळे माझ्याबद्दल गैरसमज पसरवले जातात. याप्रकरणी दोषींवर कारवाई करण्यात यावी, आधी वस्तुस्थिती तपासावी आणि मग आरोप करावे, असे राहुल कुल यांनी म्हटले आहे.

Rahul kul on bhigwan kidnapping

Source : Abp

पुणे : जिल्ह्यातील भिगवण (Bhigwan) कथित अपहरण प्रकरणावरुन आता राजकारण रंगत असल्याचं पाहायला मिळत आहे. अपहरण करण्यात आल्याचा आरोप केल्यानंतर मुलीने आपण स्वत:हून मुलासोबत आल्याचं सांगितलं आहे. विशेष म्हणजे आज मध्यरात्री मुलगी आणि मुलगा दोघेही पोलीस स्टेशनमध्ये हजर झाले असून पोलिसांनी मुलीचा जबाब नोंदवला आहे. त्यामध्येही मुलीने आपण मर्जीने पळून गेलो असून अपहरण झालं नसल्याचं सांगितलं.  मात्र, याप्रकरणावरुन राजकीय वातावरण तापलं असून आमदार राहुल कुल (Rahul Kul) यांच्या भूमिकेवर प्रश्न विचारले जात आहेत. आता, याप्रकरणी आमदार कुल यांनी आपली बाजू मांडली.  ज्यावेळेस गुन्हा घडला, त्यावेळी मी मुलीच्या नातेवाईकांच्या संपर्कात होतो. मुलीचा शोध घेईपर्यंत मी पोलीस प्रशासनाच्या संपर्कात होतो. माझ्यावर जे आरोप झाले, पण मलाही एक मुलगी आहे, माझ्या घरात महिला पदाधिकारी आहेत.

मुलीची बाजू घेतल्यामुळे माझ्याबद्दल गैरसमज पसरवले जातात. याप्रकरणी दोषींवर कारवाई करण्यात यावी, आधी वस्तुस्थिती तपासावी आणि मग आरोप करावे, असे म्हणत आपल्यावर राजकीय हेतुने आरोप होत असल्याचे राहुल कुल यांनी सूचवले आहे. माझी नि:पक्षपाती भूमिका असल्यामुळे काही लोक दुखावले गेले असतील. त्यामुळे, याप्रकरणाला राजकीय वळण दिले जात आहे. गुन्हेगार कोण आहेत, मी त्यांना ओळखत नाही. कुणी कुणाचं स्टेटस ठेवावे आणि आरोप करावे त्याच्याशी माझा कोणताही संबंध नाही. माझे सगळे रेकॉर्डिंग काढावे, मी मला आलेले सगळे फोन घेतो. जे दोषी आहेत, त्यांच्यावर कठोरात कठोर कारवाई करण्यात यावी, अशी प्रतिक्रिया आमदार राहुल कुल यांनी दिलीय. मुलीच्या कुटुंबियांच्या मी संपर्कात आहे, मी भेटून त्यांना मदत करेल, असेही त्यांनी स्पष्टपणे सांगितले. 

मुलीच्या आईचा आरोप, राहुल कुल यांचा पाठिंबा

दरम्यान, अझर शेख याला आमदार राहुल कुल यांचा पाठिंबा असल्याचे मुलीच्या आईने म्हटलं आहे. त्यांच्या दबावाखाली माझी मुलगी गेली आहे, हिंदू समाजाने जागं झालं पाहिजे, असे म्हणत याप्रकरणात मंत्री तथा इंदापूरचे आमदार दत्तात्रय भरणे यांनी लक्ष घालावं, अशी देखील मागणी या महिलेने केली आहे. तर,  व्हॉट्सअप स्टेटस ठेवणारा अझर शेख हा मुलीच्या प्रियकराचा चुलता आहे. अझर शेख हा राहुल कुल यांचा कार्यकर्ता असल्याचा आरोप मुलीच्या नातेवाईकांचा आहे.

मुलीकडून प्रतिज्ञापत्राद्वारे जबाब

दरम्यान, गेल्या 1 वर्षापासून असलेल्या प्रेमसंबंधामुळे आमचा एकमेकांवर विश्वास असल्याने आई व भावाची नजर चुकवून मी प्रियकरासोबत निघून गेली होती, या पुढील आयुष्य मी त्याच्यासोबतच राहणार आहे, असे प्रतिज्ञापत्र मुलीने लिहून दिले आहे. मुलगा व मुलीने आजच मध्यरात्री पोलीस स्टेशनमध्ये धाव घेतली होती.

हेही वाचा