Raj Thackeray and Uddhav Thackeray: स्टेजवर उद्धव ठाकरेंकडून सत्काराची घोषणा, राज ठाकरे ऑकवर्ड झाले, भगवी शाल 'दादू'च्या खांद्यावर टाकली

Raj Thackeray and Uddhav Thackeray: हिंदुहृदयसम्राट बाळासाहेब ठाकरे यांच्या जन्मशताब्दी वर्षाचा सोहळा मुंबईत अत्यंत भावनिक वातावरणात पार पडला.

Raj Thackeray and Uddhav Thackeray

Source : ABP Majha

Raj Thackeray and Uddhav Thackeray: हिंदुहृदयसम्राट बाळासाहेब ठाकरे (Balasaheb Thackeray) यांच्या जन्मशताब्दी वर्षाचा सोहळा मुंबईत अत्यंत भव्य आणि भावनिक वातावरणात पार पडला. माटुंगा येथील षण्मुखानंद सभागृहात आयोजित या सोहळ्याला शिवसेना (उद्धव बाळासाहेब ठाकरे) आणि महाराष्ट्र नवनिर्माण सेनेच्या वतीने संयुक्तरित्या आयोजन करण्यात आलं होतं. या ऐतिहासिक सोहळ्यासाठी उद्धव ठाकरे (Uddav Thackeray) आणि राज ठाकरे (Raj Thackeray) एकाच व्यासपीठावर एकत्र आले. महापालिका निवडणुकीच्या निकालानंतर प्रथमच दोन भाऊ एका कार्यक्रमानिमित्त एकत्र  आले होते. त्यामुळे या कार्यक्रमाकडे राज्यभराचे लक्ष लागले होते. 

Raj Thackeray and Uddhav Thackeray: राज ठाकरेंच्या अनपेक्षित कृतीने सगळेच चकित

कार्यक्रमादरम्यान एक असा क्षण आला, ज्याचा अंदाज उपस्थितांपैकी कुणालाही नव्हता. व्यासपीठावर उद्धव ठाकरे यांचा सत्कार करण्यासाठी राज ठाकरे यांना भगवी शाल देण्यात येणार होती. यासाठी उद्धव ठाकरे आणि खासदार संजय राऊत दोघेही शाल हातात घेऊन राज ठाकरे यांच्याकडे पुढे सरसावले. मात्र, याच क्षणी राज ठाकरे यांनी सगळ्यांनाच आश्चर्याचा धक्का दिला. संजय राऊत यांच्या हातातील भगवी शाल त्यांनी अत्यंत सहजतेने घेतली आणि ती थेट उद्धव ठाकरे यांच्या गळ्यात घातली. हा अनपेक्षित सत्कार पाहून सभागृहात काही क्षण स्तब्धता पसरली.

Raj Thackeray and Uddhav Thackeray: राज ठाकरेंच्या कृतीला टाळ्यांच्या कडकडाटात दाद

राज ठाकरे स्वतः उद्धव ठाकरे यांचा सत्कार करतील, याचा कुणालाही अंदाज नव्हता. या अचानक घडलेल्या प्रसंगामुळे उद्धव ठाकरेही क्षणभर गोंधळून गेले आणि त्यांच्या चेहऱ्यावर आश्चर्य स्पष्ट दिसत होतं. सभागृहात उपस्थित कार्यकर्ते आणि नेत्यांकडून या क्षणाला टाळ्यांच्या कडकडाटात दाद देण्यात आली.

Amit Thackeray and Uddhav Thackeray: अमित ठाकरे यांचाही भावनिक क्षण

या कार्यक्रमाला मनसे नेते अमित ठाकरे देखील उपस्थित होते. यावेळी उद्धव ठाकरे यांनी अमित ठाकरे यांचाही सत्कार करण्याचा प्रयत्न केला. मात्र, अमित ठाकरे यांनी नम्रपणे सत्कार स्वीकारण्यास नकार दिला. त्यांनी थेट उद्धव ठाकरे यांच्या पाया पडत काकांचे आशिर्वाद घेतले. हा क्षण उपस्थितांसाठी भावनिक ठरला.

इतर महत्त्वाच्या बातम्या