आज जे सुरुय त्याला लोकशाही म्हणायला फार मोठं धाडस लागेल, कोणत्याच राजकीय पक्षात अंतर्गत लोकशाही राहिली नाही हे खूप धाडसाने मी बोलतोय; पृथ्वीराज चव्हाणांचं थेट वक्तव्य
कोणत्याच राजकीय पक्षांमध्ये अंतर्गत लोकशाही राहिली नाही खूप धाडसाने मी बोलत असल्याची थेट प्रतिक्रिया काँग्रेसचे ज्येष्ठ नेते पृथ्वीराज चव्हाण यांनी दिली आहे.
Prithviraj Chavan: आज जे काय चाललं आहे त्याला लोकशाही म्हणायला फार मोठं धाडस लागेल, पैशाचा जो गैरवापर चालू आहे त्याला आपण लोकशाही म्हणू शकतो का? कोणत्याच राजकीय पक्षांमध्ये अंतर्गत लोकशाही राहिली नाही खूप धाडसाने मी बोलत असल्याची थेट प्रतिक्रिया काँग्रेसचे ज्येष्ठ नेते पृथ्वीराज चव्हाण यांनी दिली आहे. पृथ्वीराज चव्हाण म्हणाले की, बाबासाहेब आंबेडकरांनी जे संविधान देशातील त्यानुसार आपण लोकशाही राबवली. किती चांगलं संविधान असलं तरी अप्रमाणिक लोकांच्या हातात गेलं की काही चांगलं घडणार नाही.
पक्षांतर आता होणारच नाही असं ते म्हणाले पण झालं उलटं
पक्षांतर बंदी कायद्यावर ते म्हणाले की, पक्षांतर बंदी कायदा राजीव गांधी यांनी आणला. उत्तर भारतामध्ये जे काही प्रकार घडले त्यानंतर आणला. आयाराम गयाराम हा वाक्प्रचार प्रचलित झाला. चांगल्या आणि शुद्ध हेतूने याला आळा घालण्यासाठी पक्षांतर बंदी कायदा आणला. 1/3 आमदार खासदार आणि पक्ष सोडला तर नेमकं काय करायचं यासंबंधी कायदा होता. 2003 साली अरुण जेटली यांनी या कायद्यामध्ये संशोधन केलं त्यांचं म्हणणं होतं त्यांनी कायदा कडक केला, अरुण जेटली यांचं मला अजूनही वाक्य आठवतं. पृथ्वीराज, हमने कानून बदला है अब अँटी डिफेक्शन नही होगा. पक्षांतर आता होणारच नाही असं ते म्हणाले पण झालं उलटं. महाराष्ट्र शिवसेनेच्या बाबतीत जे घडलं त्याची 50 कारण दिली आहेत.
सध्याचा पक्षांतर बंदी कायदा हा कचऱ्याच्या टोपलीत टाकला पाहिजे
त्यांनी सांगितले की, आता स्थानिक स्वराज्य संस्थांच्या निवडणुका झाल्या. महाविकास आघाडी आणि महायुतीच्या दोन्ही उमेदवारांनी जिंकण्यासाठी मतदाराला पाच पाच लाख रुपये दिले. मधुकर लिमये यांनी पक्षांतर बंदी कायदा करत असताना म्हटलं होतं की तुम्ही हे करू नका खासदार गुलाम होतील आणि आज ती परिस्थिती निर्माण झाली आहे. सध्याचा पक्षांतर बंदी कायदा हा कचऱ्याच्या टोपलीत टाकला पाहिजे. सोपा कायदा करा तुम्ही जर पक्षाच्या विरोधात मत केलं की तुमचा सगळा अधिकार संपून जाईल, अशी मागणी त्यांनी केली. त्यांनी सांगितले की, न्यायव्यवस्था आहे, निवडणूक आयोग आहे मात्र ते सुद्धा कॅप्चर केलं आहे. काही करून निवडणूक जिंका हाच राज्य मार्ग ठरला आहे. मेजॉरिटी मिळाली नाही तर ती मॅन्युफॅक्चर करा हे चाललं आहे.
इतर महत्वाच्या बातम्या
महत्त्वाच्या बातम्या
