Pankaja Munde On PM Modi : मोदींनी देशालाच परिवार मानलं, तुम्ही 'विकासाचे फ्रेंड' आहात; पंकजा मुंडेंची भावनिक पोस्ट, मोदींच्या कार्यशैलीचे कौतुक
PM Narendra Modi Work Style : भाजप कोअर कमिटीच्या बैठकीतील अनुभव पंकजा मुंडेंनी यांनी शेअर केला. दिवसभर उपवास असूनही सतत साडे आठ तास फक्त गरम पाणी पिऊन मोदींनी काम केल्याचं मुंडेंनी म्हटलं.
मुंबई : पंतप्रधान नरेंद्र मोदी यांची ऊर्जा ही तरुणांनाही लाजवणारी आहे. उपवास असतानाही फक्त गरम पाणी पिऊन ते प्रचंड ऊर्जेने काम करतात. ज्यांना स्वतःचा परिवार नाही म्हणून हिणवले गेले, त्यांनी या देशालाच आपला परिवार मानले आहे, अशा शब्दांत राज्याच्या पर्यावरण व पशुसंवर्धन मंत्री पंकजा मुंडे यांनी पंतप्रधान नरेंद्र मोदी यांच्या कार्यशैलीचे कौतुक केले आहे. दिल्लीत आयोजित भाजपच्या कोअर कमिटीच्या बैठकीदरम्यानचा आपला थेट अनुभव सांगणारा एक विशेष व्हिडीओ पंकजा मुंडे यांनी सोशल मीडियावर पोस्ट केला असून, तो सध्या चांगलाच चर्चेत आला आहे.
PM Narendra Modi Meeting Highlights : अमेरिकेच्या दौऱ्यावरून थेट बैठकीला
पंकजा मुंडे यांनी व्हिडीओत दिलेल्या माहितीनुसार, त्या भाजपच्या कोअर कमिटीच्या बैठकीसाठी दोन ते तीन दिवस दिल्लीत होत्या. बैठकीच्या शेवटच्या दिवशी पंतप्रधान मोदी अमेरिकेचा अधिकृत दौरा पूर्ण करून कोणतीही विश्रांती न घेता थेट बैठकीला पोहोचले. प्रवासाचा थकवा न जाणवू देता त्यांनी प्रत्येक मतदारसंघाचा, स्थानिक प्रश्नांचा आणि विकासकामांचा सविस्तर आढावा घेतला. ही बैठक तब्बल साडेआठ तास चालली आणि त्यात केवळ चहा-कॉफीसाठी अल्प विश्रांती घेण्यात आली होती.
PM Narendra Modi Dedication Energy : उपवासातही प्रचंड ऊर्जा आणि एकाग्रता
बैठकीच्या दिवशी पंतप्रधान नरेंद्र मोदी यांचा उपवास होता. केवळ गरम पाणी पिऊन त्यांनी सलग साडेआठ तास प्रत्येक विषयावर सक्रिय सहभाग नोंदवला. उपवास असूनही त्यांच्या कामातील ऊर्जा, एकाग्रता आणि उत्साह किंचितही कमी झाला नव्हता. स्वतःला शिव्या देणाऱ्यांनाही माफ करण्याचा मोठेपणा त्यांच्याकडे आहे आणि तोच त्यांना श्रेष्ठ बनवतो," असे पंकजा मुंडे यांनी आवर्जून सांगितले.
PM Modi Message To Youth : 'तुम्ही देशाच्या विकासाचे आणि भवितव्याचे फ्रेंड आहात'
पंतप्रधान मोदींनी तरुणांना 'फ्रेंड' संबोधल्याचा उल्लेख करत पंकजा मुंडे म्हणाल्या, "ज्या दिवशी त्यांनी तरुणांना फ्रेंड म्हटले, त्या दिवशी प्रत्येकाच्या मनातील नकारात्मक भाव नाहीसा झाला. तुम्ही या देशाच्या विकासाचे आणि भवितव्याचे फ्रेंड आहात." या अनुभवामुळे सार्वजनिक जीवनाकडे पाहण्याचा दृष्टिकोन अधिक स्पष्ट झाला असून, देशाच्या विकासासाठी प्रत्येकाने आपला 'खारीचा वाटा' उचलावा, असे आवाहनही त्यांनी केले.
ही बातमी वाचा:
Before You Go
Narendra Modi On Jantar Mantar : मला आणि माझ्या आईला शिवीगाळ, मोदींकडून नवीन व्हिडिओ पोस्ट
महत्त्वाच्या बातम्या
