NCP Vidhan Parishad : राष्ट्रवादीचा विधानपरिषदेसाठी उमेदवार ठरला; माजी आमदार झिशान सिद्दीकी यांना दिली संधी

NCP Vidhan Parishad : बाबा सिद्धकी यांच्यानंतर विधानसभेपूर्वी झिशान सिद्धकी यांनी राष्ट्रवादी काँग्रेस पक्षात प्रवेश केला होता.

NCP Vidhan Parishad

Source : ABPLIVE AI

मुंबई : राष्ट्रवादी काँग्रेसमधून विधान परिषदेसाठी उमेदवारी माजी आमदार झिशान सिद्दीकी (Zeeshan Siddique) यांना उमेदवारी देण्यात आली आहे. झिशान सिद्दीकी माजी मंत्री बाबा सिद्दीकी यांचे चिरंजीव आहेत. राष्ट्रवादी काँग्रेस पक्षात फूट पडल्यानंतर काँग्रेसमधून अजित पवारांच्या नेतृत्वावर विश्वास ठेऊन येणारे बाबा सिद्दीकी पहिले नेते होते.  बाबा सिद्दीकी यांच्यानंतर विधानसभेपूर्वी झिशान सिद्दीकी यांनी राष्ट्रवादी काँग्रेस पक्षात प्रवेश केला होता. (NCPs candidate for Legislative Council decided)

राष्ट्रवादी काँग्रेस पक्षातील प्रमुख नेत्यांची फोनवरून चर्चा झाली होती. काल पक्षाच्या कोअर कमिटीची बैठक देखील पार पडली होती, त्याचबबरोबर राष्ट्रवादी काँग्रेसने मुख्यमंत्री देवेंद्र फडणवीसांची भेट घेतली होती. विधान परिषद निवडणुकीत राष्ट्रवादी काँग्रेसपक्षाकडून उमेदवारी कुणाला द्यायची याबाबत चर्चा झाली होती अशी माहिती आहे. चर्चेत माजी आमदार झिशान सिध्दकी यांचं नाव आघाडीवर होते. 

Who is Zeeshan Siddique : झिशान सिद्दीकी कोण आहेत?

झिशान सिद्दीकी हे बाबा सिद्दीकी यांचे पुत्र आहेत. 2019 च्या विधानसभा निवडणुकीत वांद्रे पश्चिम या मतदारसंघातून त्यांनी विजय मिळवला.झिशान हे त्यावेळी महाराष्ट्रातील सर्वात कमी वयाचे आमदार म्हणून निवडून आले होते. त्याशिवाय झिशान यांनी मुंबई युवक काँग्रेसचे अध्यक्ष म्हणून जबाबदारी पार पाडली होती. 

झिशान सिद्दीकी हे काँग्रेसचे ज्येष्ठ दिवंगत नेते आणि माजी राज्यमंत्री बाबा सिद्दीकी यांचे सुपुत्र आहेत. २०१९ च्या विधानसभा निवडणुकीत वांद्रे पूर्व मतदारसंघातून विजय मिळवून करून त्यांनी वयाच्या अवघ्या २७ व्या वर्षी विधानसभेत प्रवेश केला होता; त्याकाळी ते राज्यातील सर्वात तरुण आमदार ठरले होते. विधिमंडळातील कामगिरीसोबतच त्यांनी मुंबई युवक काँग्रेसच्या अध्यक्षपदाची धुराही यशस्वीपणे सांभाळली होती.

राजकीय प्रवासात मोठे वळण तेव्हा आले, जेव्हा १२ ऑक्टोबर २०२४ रोजी त्यांचे वडील बाबा सिद्दीकी यांची वांद्रे येथे हत्या करण्यात आली. या घटनेनंतर बदललेल्या राजकीय परिस्थितीत, विधानसभा निवडणुकीच्या पार्श्वभूमीवर झिशान सिद्दीकी यांनी अजित पवार यांच्या नेतृत्वाखाली राष्ट्रवादी काँग्रेसमध्ये प्रवेश केला. पक्षाने त्यांना पुन्हा वांद्रे पूर्व मतदारसंघातून निवडणूक रिंगणात उतरवले होते. या चुरशीच्या लढतीत त्यांना ४६,३४३ मते मिळाली, परंतु महाविकास आघाडीचे उमेदवार वरुण सरदेसाई यांच्याकडून त्यांना पराभवाचा सामना करावा लागला. निवडणुकीतील या पराभवानंतरही पक्षाने झिशान सिद्दीकी यांच्यावर विश्वास कायम ठेवला आहे. त्यांना आता विधान परिषदेवर पाठवण्यात येत आहे.