Rajendra Shingane : मी सध्या जरी अजित पवार (Ajit Pawar) गटात असलो तरी आगामी निवडणूक ही शरद पवार (Sharad Pawar) यांच्या गटाकडून तुतारी चिन्हावर लढवावी असे 99 टक्के कार्यकर्त्यांचे म्हणणे असल्याचे वक्तव्य आमदार डॉ. राजेंद्र शिंगणे (Rajendra Shingane) यांनी केलं. पुढील दोन दिवस मी जिल्हाभरात फिरुन जिल्ह्यातील सर्व कार्यकर्त्यांच्या भावना जाणून घेणार आहे. त्यांच्या भावना जाणून घेतल्यानंतर पुढील 2 दिवसानंतर मी माझा निर्णय जाहीर करणार असल्याचे शिंगणे म्हणाले. गेल्या एका महिनाभरपासून माझी आणि अजित पवार यांची कुठलीही बातचीत झाली नाही किंवा भेटही झाली नसल्याचे शिंगणे म्हणाले.
माझी आणि शरद पवार यांची भेट झाली नाही, मात्र, जयंत पाटलांना भेटलो
मतदारसंघातील कार्यकर्त्यांच्या भावना जाणून घेण्यासाठी राजेंद्र शिंगणे यांनी आज कार्यकर्त्यांचा मेळावा घेतला होता. यावेळी ते बोलत होते. राज्यात अनेक नेत्यांना घरातूनच विरोध झालेला आहे. त्यामुळं लोकशाहीत सर्वांना तो अधिकार आहे. आगामी काळात कोणाला किती विरोध होतो हे दिसेलच असेही शिंगणे यावेळी म्हणाले. माझी आणि शरद पवार साहेबांची भेट झाली नाही. मात्र मी जयंत पाटलांना भेटल्याचे शिंगेण म्हणाले. मी जायचं तर उघडपणे जाईल, चेहऱ्यावर फाईल लपवून जाणार नाही. त्या दिवशी सुप्रिया सुळे यांच्या गाडीत मी नव्हतोच असा खुलासा देखील शिंगणे यांनी केला.
शरद पवार गटाकडून निवडणूक लढवावी अशी कार्यकर्त्यांची इच्छा
1995 पासून मी राजकारणात आहे. त्यापूर्वीही माझ्या वडिलांचे आणि शरद पवार साहेबांचे संबंध चांगले होते असे राजेंद्र शिंगणे म्हणाले. मी जरी अजित पवार साहेबांच्या गटात असलो तरी आगामी निवडणूक ही शरद पवार साहेबांच्या गटाकडून तुतारी चिन्हावर लढवावी असे 99 टक्के कार्यकर्त्यांचे म्हणणे असल्याचे शिंगणे म्हणाले. कार्यकर्त्यांच्या भावना जाणून घेण्यासाठी मी आज हा मेळावा घेतल्याचे शिंगणे म्हणाले. पुढील दोन दिवस मी जिल्हाभरात फिरुन जिल्ह्यातील सर्व कार्यकर्त्यांच्या भावना जाणून घेणार असल्याचं त्यांनी सांगितलं. जिल्हाभरातील कार्यकर्त्यांच्या भावना जाणून घेतल्यानंतर पुढील दोन दिवसानंतर मी माझा निर्णय जाहीर करणार आहे. त्यामुळं आता राजेंद्र शिंगणे नेमका काय निर्णय घेणार याकडं सर्व कार्यकर्त्यांचं लक्ष लागलं आहे. मात्र, शिंगणे पुन्हा शरद पवार गटात जाणार असल्याची चर्चा राजकीय वर्तुळात मात्र सुरु आहे.
महत्वाच्या बातम्या: