Uddhav Thackeray Vs Eknath Shinde: पक्ष आणि चिन्ह शिंदे गटाकडे (shinde group) आल्यानंतर आता मुख्यमंत्री एकनाथ शिंदे (eknath shinde) यांच्या गटाकडून पक्षांतर्गत बांधणीला लवकरच सुरुवात होताना पाहिला मिळणार आहे. शिवाय पक्षाच्या म्हणून ज्या काही बाबी आहेत, त्यावर देखील लवकरच हक्क सांगण्यात येणारं आहे. त्यामुळे आता शिवसेनेची (Shiv Sena) ताकद असणाऱ्या शाखा कुणाकडे जाणार? शिवाय शिंदे गटाची पुढील रणनीती काय असणार आहे? याबाबतच्या शक्यता जाणून घेणार आहोत.


निवडणूक आयोगातील लढाई शिंदे गटाकडून (shinde group) जिंकल्यानंतर आता पक्ष बांधणी आणि पक्षाचा असणाऱ्या सर्व बाबींवर हक्क शिंदे गटाकडून सांगण्यात येणार आहे. शिवसेना भवन शिवाई ट्रस्टच्या नावे असल्यामुळे शिंदे गटाकडे ते जाणार नसले तरी मुंबईतील शाखांचा प्रश्न मात्र अजून बाकी आहे मुंबईत 227 वॉर्डमध्ये शिवसेनेच्या शाखा असून काही ठिकाणी एक तर काही ठिकाणी दोन शाखा आहेत. यातील काही शाखा अनधिकृत देखील आहेत, तर बहुतेक शाखा शिवाई ट्रस्टच्या नावे आहेत. ज्या ट्रस्टच्या नावे नाहीत, त्या जुन्या शिवसैनिकांच्या नावावर आहेत 


शिवाई ट्रस्टच स्वरूप


1) लीलाधर ढाके - अध्यक्ष


2) रवींद्र मिरलेकर- सदस्य 


3) अरविंद सावंत- सदस्य


4) विशाखा राऊत-सदस्य


5) सुभाष देसाई- सदस्य


5) दिवाकर रावते- सदस्य


आणि नव्याने नुकतच अॅड करण्यात आलेलं नाव म्हणजे


7) उद्धव बाळासाहेब ठाकरे (uddhav balasaheb thackeray) 


सध्या अचानक उद्धव ठाकरे यांच नावं अॅड करण्यात आल्यामुळे कुठं तरी राज्यांतील सध्याचा सत्तासंघर्ष आणि पक्षाची झालेली स्थिती हे तर कारण तर नाही अशी चर्चा राजकीय वर्तुळात रंगू लागली आहे. विरोधकांनी देखील यावर सडकून टीका करायला सुरुवात केली आहे.


शिंदे गटाकडून विधान भवनातील कार्यालयं ताब्यात घेण्यात आल्यानंतर ठाणे जिल्ह्यातील शाखांचं काय? हा प्रश्न अनुत्तरीत होताच. मात्र सूत्राच्या माहितीनुसार, ठाणे जिल्ह्यातील सर्व शाखा ठाणे जिल्हा शिवसेना मध्यवर्ती कार्यालयाच्या ताब्यात आहेत. त्यामुळे आपोआपच त्या शिंदे गटाच्या ताब्यात राहणार आहेत. शिंदे गटाच्या वतीने शाखांसोबतच पक्ष आणखी मजबूत करण्यावर भर असणार आहे. याचसाठी लवकरात लवकर कार्यकारणी बोलवण्यात येणार असून विविध प्रस्ताव सादर करण्यात येतील.


कोणते निर्णय घेतले जातील


1) मुख्य नेतेपदी एकनाथ शिंदे यांची निवड होईल.


2) महत्वाचे नेते सचिव ठरवतील.


3) आगामी काळात एबी फॉर्मवर सह्या कुणाच्या असतील याचा निर्णय होईल.


4) ठाकरेसोबत असलेल्या आमदारांना व्हीप बजावण्यासाठी पत्र देण्यात येईल.


5) घराघरात पोहचण्यासाठी प्रयत्न केले जातील.


दरम्यान, उद्धव ठाकरे गटाकडून मात्र याबाबत चुप्पी साधली जात असली, तरी शिंदे गटाकडून मात्र शाखांची माहिती गोळा करायला सुरुवात झाली आहे. एकदा माहिती एकत्रच झाली की, त्या शाखा ताब्यात घेण्यात देखील सुरुवात होतील, अशी माहिती सूत्रांकडून मिळाली आहे.