कोलांट्याउड्या मारण्याची स्पर्धा असती तर शरद पवारांना सुवर्णपदक मिळालं असतं: गोपीचंद पडळकर
Gopichand Padalkar On Sharad Pawar: 2029 ला शरद पवारांचा पक्षच राहणार नाही, असंही गोपीचंद पडळकर म्हणाले.
Gopichand Padalkar On Sharad Pawar सांगली: सांगलीमधील विटामध्ये भाजपचे नेते पंकज दबडे यांच्या वाढदिवस अभिष्टचिंतन सोहळ्याला आमदार नितेश राणे (Nitesh Rane), आमदार गोपीचंद पडळकर (Gopichand Padalkar), आमदार सदाभाऊ खोत एकत्र आले होते. यावेळी गोपीचंद पडळकर यांनी शरद पवार (Sharad Pawar) यांच्यावर जोरदार टीका केली.
कोलांट्याउड्या घेण्यामध्ये सुवर्णपदक द्यायची जर वेळ आली, तर यासाठी जगात एकमेव नाव शरद पवार (Sharad Pawar) यांचे आहे. कारण शरद पवारांनी इतक्या कोलांट्यउड्या त्यांच्या राजकारणामध्ये आतापर्यंत घेतल्या आहेत, अशी टीका गोपीचंद पडळकर (Gopichand Padalkar) यांनी केली. शरद पवार यांच्या पक्षात जे प्रवेश करत आहेत त्यांची तर आता कीव वाटतेय. कारण 2024ची निवडणूक ही शरद पवारांच्या पक्षाची शेवटची निवडणूक आहे. 2029 ला शरद पवारांचा पक्षच राहणार नाही, मग आज शरद पवारांच्या पक्षात जात असलेले 2029 नंतर मग कोणत्या पक्षात जाणार?, याचा त्या लोकांनी आधी विचार करावा, असा टोला देखील गोपीचंद पडळकर यांनी लगावला.
जरा वेळ जाऊ द्या...- गोपीचंद पडळकर
महाविकास आघाडीमधील जो-तो देवेंद्र फडणवीस यांच्यावर तुटून पडतायत. पण देवेंद्र फडणवीसांची आज वेळ खराब असेल, नशीब नाही. जरा वेळ जाऊ द्या..., असं गोपीचंद पडळकर म्हणाले. तसेच ऊठसूट ज्या भानगडी सुरु आहेत, त्या बंद होतील, असा सूचक इशारा देखील गोपीचंद पडळकर यांनी दिला. जेव्हा देवेंद्र फडणवीस मुख्यमंत्री झाले तेव्हा या भागातील टँकरचे मोर्चे संपले, चारा छावणीची मागणी संपली. कारण केंद्रातून आणि राज्यातून एका वेळी 50 हजार कोटी महाराष्ट्रच्या योजनांना देवेंद्र फडणवीस मुख्यमंत्री असताना मिळवून दिले असंही गोपीचंद पडळकरांनी सांगितले.
नितेश राणे काय म्हणाले?
आगामी विधानसभेच्या निवडणुकीत चुकून महाविकास आघाडीचे सरकार आले, तर आम्ही जेलमध्ये असू, असं विधान नितेश राणे यांनी केलं आहे. महाविकास आघाडीचं सरकार आले तर आम्हाला हे लोक बाहेर ठेवणार नाही. मला तर पहिल्या 100 दिवसातच आतमध्ये टाकतील. चुकून मविआचे सरकार आले तर आम्ही जेलमध्ये असू , आम्ही 6 महिन्यातच कोल्हापूरच्या जेलमध्ये गोट्या खेळत असू, असं नितेश राणे म्हणाले. तसेच मी बॅग भरून ठेवली आहे, पण मी पुन्हा भाजपला निवडून आणण्याचा निर्धार करुन बाहेर पडलोय, असं नितेश राणे यावेळी म्हणाले.
संबंधित बातमी:
संबंधित व्हिडीओ:
Before You Go
Abhijeet Dipke On Narendra Modi : मोदींची डिग्री खरी असावी.. अभिजीत दिपके थेटच बोलले..
महत्त्वाच्या बातम्या
