Pravin Darekar: फडणवीस-एकनाथ शिंदेंना खोट्या गुन्ह्यांत अडकवण्याचा प्रयत्न; दरेकरांची SITची मागणी, चौकशीचे आदेश, विधीमंडळात पुन्हा 'पेन ड्राईव्ह' चर्चेत
Pravin Darekar: देवेंद्र फडणवीस आणि शिवसेना पक्षप्रमुख एकनाथ शिंदे यांना खोट्या गुन्ह्यांत अडकवण्याचा पोलीस अधिकाऱ्यांच्या चर्चेची ओडीओ क्लिप सभागृहात सादर करण्यात आली आहे.
नागपूर: भाजपा गटनेते आमदार प्रविण दरेकर यांनी मुंबईचे माजी पोलीस आयुक्त संजय पांडे यांच्या ओडीओ क्लिपवरून एसआयटी चौकशीची मागणी केली आहे. प्रवीण दरेकर यांनी या प्रकरणाच्या चौकशीसाठी एसआयटी चौकशीची मागणी केली होती. महाविकास आघाडी सरकारच्या काळात तत्कालीन विरोधी पक्षनेते देवेंद्र फडणवीस आणि नगरविकास मंत्री एकनाथ शिंदे यांना अटक करून अडचणीत आणण्याचा डाव होता. देवेंद्र फडणवीस आणि शिवसेना पक्षप्रमुख एकनाथ शिंदे यांना खोट्या गुन्ह्यांत अडकवण्याचा पोलीस अधिकाऱ्यांच्या चर्चेची ओडीओ क्लिप सभागृहात सादर करण्यात आली आहे. प्रवीण दरेकर यांनी या प्रकरणाच्या चौकशीसाठी एसआयटी चौकशीची मागणी केली त्याचबरोबर तत्कालीन डीसीपी लक्ष्मीकांत पाटील यांचे निलंबन करावे अशी मागणी केली आहे.
नेमकं काय आहे प्रकरण?
यावेळी बोलताना प्रवीण दरेकर म्हणाले, एक स्टींग ऑपरेशन समोर आलं. तत्कालीन सरकारच्या आदेशानुसार तत्कालीन विरोधी पक्षनेते देवेंद्र फडणवीस व नगरविकास मंत्री एकनाथ शिंदे यांना अटक करण्याचे षडयंत्र बाहेर आले.आज ते सरकारच्या निदर्शनास आणून दिले. जो जबाब यामध्ये समोर आला, तो फडणवीस व शिंदे यांना अडकवा. डीसीपी लक्ष्मीकांत पाटील यांना ती जबाबदारी दिली होती. संजय पुनामिया यांचा जबाब वाचून दाखवतो. सदर आरोपीने एसीपी सरदार पाटील यांना विचारणा केली. तुम्ही टार्गेट नव्हता. तर, शिंदे व फडणवीस हे टार्गेट होते. हे व्हिडिओ समोर आले आहेत. सूड भावनेने सरकारने वागू नये असं सांगताना महाविकास आघाडी सरकारमध्ये शिंदे यांचे वर्चस्व वाढत होते म्हणून सूड बुद्धीने त्यांना अडकवण्याचा प्रयत्न केला, असंही त्यांनी पुढे म्हटलं आहे.
देवेंद्र फडणवीस सरकारचे भ्रष्टाचार मांडत होते. त्यांना गुंतवण्यासाठी सूडाच्या राजकारणाने पेटलेले सरकार त्यावेळी होते. मी चार मागण्या केल्या आहेत. या प्रकरणी गुन्हा दाखल करून एसआयटी चौकशी करण्यात यावी, डीसीपी लक्ष्मीकांत पाटील यांना निलंबित करून एसआयटी मार्फत चौकशी करा. सरकारी वकील म्हणून शेखर जगताप हे पॅनेलवर होते, त्यांना पॅनेलवरून काढावे संजय पाण्डेय यांच्याविरुद्ध गुन्हा दाखल करावा, या मागण्या केल्या आहेत. सरकारी स्तरावरुन ही नावं येतात, डीजींना आदेश कोणी दिले, लक्ष्मीकांत पाटील डीसीपीला कोणी आदेश दिले,चौकशी झाली की समोर येईल, आम्ही त्यांचा चेहरा उघड केलाय, असंही दरेकरांनी पुढे म्हटलं आहे.
शंभूराजे देसाई यांनी विधान परिषदेत एसआयटीची केली घोषणा
दरम्यान प्रवीण दरेकरांनी केलेली मागणी मान्य झाली आहे. पोलीस अधिकारी ओडिसी क्लिप प्रकरणात जेष्ठ आयपीएस अधिकाऱ्यांच्या अध्यक्षेखाली एसआयटी चौकशी घोषणा करण्यात आली आहे. मंत्री शंभूराजे देसाई यांनी विधान परिषदेत एसआयटीची घोषणा केली आहे. गरज भासल्यास माजी पोलीस महासंचालक संजय पांडे यांची चौकशी केली जाणार असल्याचे शंभूराजे देसाई यांनी सांगितले आहे. देवेंद्र फडणवीस व एकनाथ शिंदे यांना खोट्या गुन्ह्यांत अडकवण्याचा पोलीस अधिकाऱ्यांच्या चर्चेची ओडीओ क्लिप सादर करत चौकशीसाठी एसआयटी चौकशीची मागणी दरेकरांनी केली होती. तत्कालीन डीसीपी लक्ष्मीकांत पाटील यांचे निलंबन करावे अशी मागणी केली आहे.
Before You Go
Ravindra Dhangekar Pune: शिक्षक सरकारवर नाराज का? रवींद्र धंगेकरांनी सांगितलं पराभवाचं कारण
महत्त्वाच्या बातम्या
