Pune Nasrapur Bhor Crime: आधीच्या प्रकरणातून निर्दोष सुटताच पहिले ते काम केलं; नसरापूर अत्याचारमधील आरोपीबाबत धक्कादायक माहिती

Pune Nasrapur Bhor Crime: नसरापूर लैंगिक अत्याचार प्रकरणातील सीसीटीव्ही निर्णायक ठरला. आरोपी मोबाईलच वापरत नव्हता.

Nasrapur Bhor Case

Source : ABP

Pune Nasrapur Bhor Crime: नसरापूर लैंगिक अत्याचार प्रकरणातील सीसीटीव्ही निर्णायक ठरला. आरोपी मोबाईलच वापरत नव्हता. त्यामुळे सीसीटीव्हीमुळे त्याला तातडीने पकडता आले, अशी माहिती पोलिसांच्या तपासातून समोर आली आहे. (Pune Nasrapur Bhor Case)

सरापूर लैंगिक अत्याचार प्रकरणातील आरोपी भोर तालुक्यात वेगवेगळ्या ठिकाणी शेतीची आणि मजुरीची काम करायचा. या प्रकरणात तपास सुरू असताना सीसीटीव्ही सापडला नसता तर आरोपीला शोधणे कठीण होते. कोणत्याही गुन्ह्याचा तपास करण्यासाठी सीसीटीव्ही आणि मोबाईल सगळ्यात महत्त्वाचं ठरतात. त्यात सुरुवातीला आरोपीचा मोबाईल जप्त करण्यात येतो. त्यानंतर सीसीटीव्ही चेक केला जातो. मात्र या नराधमाकडे मोबाईलच नसल्यामुळे सीसीटीव्ही निर्णायक ठरला आहे.

नेमकं काय घडलं? (Pune Nasrapur Bhor Crime)

पूर्वी केलेल्या दोन गुन्ह्यातून निर्दोष सुटका झाल्यानंतर मोबाईल वापरणे बंद केलं होतं. या प्रकरणात तपास सुरू असताना सीसीटीव्ही सापडला नसता तर आरोपीला शोधणे कठीण होते.एका ठिकाणी सीसीटीव्हीत आरोपी व चिमुकली पायी गोठ्याकडे जाताना दिसून आले आणि तपासाला वेग आला. आरोपीला काही ग्रामस्थांनी ओळखले. लागलीच त्याचा शोध सुरू केला. तेव्हा आरोपी एका ठिकाणी मिळून आला. सीसीटीव्हीच्या आधारेच पोलिसांनी या भागात शोध घेतला. तेव्हा त्या गोठ्यातच मुलीचा मृतदेह मिळून आला. त्यानंतर या प्रकरणाचा उलघडा झाला. सीसीटीव्ही नसता किंवा आरोपी सीसीटीव्हीत कैद झाला नसता तर या प्रकरणाला वेगळ्या दिशेला गेले असतं, असंही सांगण्यात येत आहे.

आरोपीची पत्नी काय म्हणाली? (Pune Nasrapur Bhor Crime)

आरोपीला जिवंत जाळा...उभं जाळा...मला त्याचं तोंडही पाहायचं नाही. त्याचा अंत्यविधी झाला तरी मला कुणी सांगायला पण येऊ नका...फाशीची शिक्षा त्याच्यासाठी किरकोळ आहे, त्याला जिवंत जाळलं पाहिजे, असं आरोपीच्या पत्नी म्हणाल्या. मला अकरा नातवंडं आहेत. त्या निष्पाप बाळाच्या आत्म्याला काय वाटलं असेल? तिच्या आईच्या काळजाचा तुकडा गेला, तिला काय वाटत असेल याची मी कल्पना करू शकते. मी सुद्धा कुणाची तरी आईच आहे. घटना घडल्यापासून माझ्या घशाखाली अन्नाचा घास उतरलेला नाही, असंही आरोपीच्या पत्नी म्हणाल्या. आरोपी पतीसोबत आमचा गेल्या 10 वर्षांपासून कोणताही संबंध नाही. मी आणि माझा मुलगा दोघेच एकत्र राहतो. या 10 वर्षांत आम्ही अनेकदा त्याला घरी बोलावण्याचा, नीट वागण्याचा प्रयत्न केला. पण तो नेहमी 'तुझं तू बघ' असं म्हणून आम्हाला झिडकारायचा, अशी प्रतिक्रियाही आरोपीच्या पत्नीने दिली. 

नसरापूर प्रकरणातील आरोपीची पत्नी काय काय म्हणाली?, VIDEO:

संबंधित बातमी: