Nashik Bus Accident : नाशिक (Nashik) जिल्ह्यातून धक्कादायक बातमी समोर आली असून देवळा मनमाड मार्गावर (Deola Manmad Highway) एसटीला भीषण अपघात झाला आहे. अपघातात महिला वाहकाचा जागीच तर एका प्रवाशी महिलेचा उपचारादरम्यान दुर्दैवी मृत्यू (Conductor Death) झाला असून अनेक प्रवासी जखमी असल्याची आहेत. सद्यस्थितीत जखमींना रुग्णालयात (Chandvad Hospital) दाखल करण्याचे काम सुरु असल्याची माहिती आहे.
कसा झाला अपघात?
नाशिक जिल्ह्यात गेल्या काही महिन्यांत एसटी अपघाताच्या (ST Bus Accident) घटनांमध्ये वाढ झाल्याचे चित्र आहे. अशातच मनमाड (Manmad) आगाराच्या बसला भीषण अपघात झाला आहे. चांदवड शहराजवळील मतेवाडीजवळ हा भीषण अपघात झाला असून बसमधील 20 ते 22 प्रवासी गंभीर जखमी झाले आहेत. ही बस मनमाड आगारातून सुटून नांदुरीकडे गेली होती. तिकडून परतत असताना चांदवड शिवारातील मतेवाडीजवळ हा भीषण अपघात झाला. समोरुन येणाऱ्या वाहनाने कट मारल्यानंतर एसटीचा रॉड तुटल्यामुळे चालकाचे नियंत्रण सुटले आणि एसटी बस थेट समोरील झाडावर आदळून अपघात झाला. अपघातात सारिका लहिरे या महिला कंडक्टरचा जागीच मृत्यू झाला तर एका महिला प्रवाशाचा उपचारा दरम्यान मृत्यू झाला आहे.
बसच्या एका बाजूचा चक्काचूर
दरम्यान मनमाड आगाराची एसटी बस नांदुरीहून मनमाडकडे जात होती. बसमध्ये बरेच प्रवासी प्रवास करत होते. याचवेळी देवळा-मनमाड रोडने मनमाडकडे येत असताना मतेवाडी शिवारातील गांगुर्डे वस्तीजवळ बस झाडावर आदळली. अपघात एवढा भीषण होता की, बसच्या एका बाजूचा चक्काचूर झाला आहे. या भीषण अपघातात महिला बस कंडक्टरचा जागीच मृत्यू झाला. तर काही प्रवासी गंभीर जखमी झाले आहेत. जखमींना तातडीने चांदवडच्या उपजिल्हा रुग्णालयात दाखल करण्यात आले आहे. यातील काही जखमींची प्रकृती गंभीर आहे.
इतर महत्त्वाच्या बातम्या :
Gadchiroli ST Bus Accident : गडचिरोली : एसटी बसची झाडाला धडक; 10 शालेय विद्यार्थ्यांसह 22 जण जखमी