एक्स्प्लोर

निवडणूक निकाल २०२४

(Source: ECI/ABP News/ABP Majha)

युती केल्यास नुकसान, शिवसेनेच्या सर्वेक्षणातून अंदाज

By : एबीपी माझा वेब टीम | Updated at : 14 Jan 2017 12:57 PM (IST)

मुंबई : शिवसेना आणि भाजपने युतीबाबत निर्णय घेण्यापूर्वी स्वतंत्रपणे सर्वेक्षण केलं आहे. शिवसेनेच्या सर्व्हेनुसार युती केल्यास पक्षाचं नुकसान होण्याची शक्यता आहे. भाजप स्वबळावर लढल्यास अधिक जागा मिळण्याचा अंदाज भाजपच्या सर्वेक्षणात होता. शिवसेनेलाही त्यांच्या सर्वेक्षणात स्वबळावर लढल्यास जास्त जागा मिळण्याची शक्यता समोर आली आहे. शिवसेनेच्या सर्व्हेनुसार युती केल्यास त्यांचं नुकसान होण्याची शक्यता आहे. मुंबई महापालिका निवडणुकीसाठी शिवसेना स्वबळावर लढली तर 30 ते 40 जागा वाढण्याची शक्यता या सर्व्हेमध्ये वर्तवण्यात आली आहे. डिसेंबरच्या शेवटच्या आठवड्यात हा सर्व्हे करण्यात आला होता.

शिवसेनेच्या सर्वेक्षणात काय?

स्वबळावर लढले तर : शिवसेना : 105 - 115 भाजप : 60 - 80 काँग्रेस : 30 - 40 मनसे आणि राष्ट्रवादी काँग्रेस : 10 पेक्षा कमी जागा एमआयएम : 3 - 5 युतीत लढले तर : - भाजप 106 जागांवर लढण्यास आग्रही, तर शिवसेनेच्या वाट्याला 121 जागा येतील. त्यानुसार, शिवसेना : 80 - 90 भाजप : 50 - 60 काँग्रेस : 40 - 50 मनसे आणि राष्ट्रवादी काँग्रेस : 10 पेक्षा कमी जागा एमआयएम : 3 - 5

भाजपच्या सर्वेक्षणात काय?

भाजपने नुकत्याच केलेल्या सर्वेक्षणात भाजप स्वबळावर लढल्यास शंभरच्या आसपास जागा मिळतील असा निष्कर्ष काढण्यात आला आहे. अगदी कमीतकमी म्हणजे 85 जागा तरी निश्चित मिळवता येतील, अशी खात्री भाजपच्या नेत्यांना वाटत आहे. त्यामुळे शिवसेनेशी जागावाटपात नमते घेऊन 100 पर्यंत जागा पदरात पाडून घेण्यापेक्षा सरळ लढत द्यावी, असा भाजपच्या नेत्यांचा कल आहे. भाजप जर स्वबळावर लढलं नाही, तर जागावाटपात शिवसेनेचा वरचष्मा सहन करावा लागेल आणि महापौर शिवसेनेचाच स्वीकारावा लागेल, असा सूर भाजपमध्ये उमटत आहे. त्यामुळे शिवसेनेपुढे नमते घेऊन 100 ते 105 जागा पदरात पाडून घेण्यापेक्षा स्वबळावर लढून निवडणूक निकालानुसार सत्तेसाठीची पुढील रणनीती आखण्याचा मार्ग अधिक योग्य असल्याचं काहीच पक्षात काही नेत्यांचं आहे.