Raj Thackeray : 'शारीरिक वजन कमी करुन मला सामाजिक वजन वाढवण्याची गरज'; राज ठाकरेंची मिश्किली
Raj Thackeray On Weight : शारीरिक वजन कमी करुन मला सामाजिक वजन वाढवण्याची गरज आहे, असं म्हणत मनसे अध्यक्ष राज ठाकरेंनी मिश्किल टिप्पणी केली आहे.
Raj Thackeray On Weight: सध्याच्या धकाधकीच्या जीवनात प्रत्येक जण फिटनेसवर लक्ष केंद्रीत करत आहे. फिट राहण्यासाठी वजन कमी करण्याकडे अनेकांचा कल असतो. मात्र मनसे अध्यक्ष राज ठाकरे यांना मात्र वजन वाढवायचंय. पण हे वजन आहे सामाजिक वजन. शारीरिक वजन कमी करुन मला सामाजिक वजन वाढवण्याची गरज आहे, असं म्हणत मनसे अध्यक्ष राज ठाकरेंनी मिश्किल टिप्पणी केली आहे. राज ठाकरेंचे व्याही डॉ. संजय बोरुडे यांनी लठ्ठपणावर लिहिलेल्या पुस्तक प्रकाशन सोहळ्यात राज ठाकरे यांनी हे वक्तव्य केलं आहे.
प्रोफेसर संजय बोराडे यांच्या जनरेशन XL या पुस्तकाचा प्रकाशन सोहळा काल (23 मे) पार पडला. जनरेशन XL या लहानमुलांमधील स्थुलता या विषयावरील पुस्तक आहे. या सोहळ्याला ज्येष्ठ गायिका आशा भोसले , अभिनेता जॅकी श्रॉफ (Jackie Shroff) हे उपस्थित होते. लोअर परळच्या कोरम क्लबमध्ये हा सोहळा पार पडला.
राज ठाकरेंनी म्हटलं की, माझं वजन सध्या 82-83त आहे. आता कंट्रोल केलं नाही तर मी पण वजनाच्या नव्वदीत जाईन. आजकाल घराघरात डॉक्टर आहे. डायनिंग टेबलवर बसलं की प्रत्येक जण डॉक्टर होतो. वयानुरुप कमी खाल्लं पाहीजे. शर्मिला नेहमी सांगते की तुझा संकल्प करण्याचा उद्या कधी येतच नाही. मलाही अनेक आरोग्य समस्यांमधून जावं लागतं आहे. आधी बॅडमिंटन, क्रिकेट, टेनिस खेळायचो, आता मला काहीच व्यायाम करता येत नाही. खेळणं आता बरंच कमी झालंय. म्हणून एकदा काय ते ऑपरेशन करुन टाकू असं ठरवलं आहे, असं राज ठाकरेंनी सांगितलं. ऑपरेशन झाल्यावर फार धावता येणार नाही, असं डॉक्टरांनी सांगितलंय तर मी त्यांना म्हटलं मी काही पाकिटमार आहे काय धावायला? असं म्हणताच पुन्हा सभागृहात हशा पिकला.
राज ठाकरेंनी म्हटलं की, माझं वजन वाढण्याचं कारण हे मी कदाचित शिव्या खूप खातो म्हणून असेल. आता माझं शारिरीक वजन घटवून सामाजिक वजन वाढवायची वेळ आली आहे, असं त्यांनी म्हणताच एकच हशा पिकला.
यावेळी राज ठाकरे यांनी आशा भोसले यांचं कौतुक करताना म्हटलं की, आशाताई उत्तम सुगरण आहेत. उत्तम जेवण बनवतात. मला एकदा त्यांनी घरी जेवायला बोलावलेलं. तर अख्खं डायनिंग टेबल भरला होता. आणि ते फक्त माझ्यासाठी होतं, असं ते म्हणाले.
इतर महत्वाच्या बातम्या
Jackie Shroff : 'मला राजनं सांगितलं होतं महाराष्ट्रात राहतो तर मराठीमध्ये बोलता आलं पाहिजे': जॅकी श्रॉफ
महत्त्वाच्या बातम्या
