Sharad Pawar : फडणवीसांच्या आरोपांवर शरद पवारांचे प्रत्त्युत्तर, म्हणाले...

Sharad Pawar : सरकार अस्थिर करण्याच्या प्रयत्नात अपयश येत असल्याने विरोधी पक्षनेत्यांनी टोकाची भूमिका घेतली असावी असे शरद पवार यांनी म्हटले.

Sharad Pawar : फडवणीसांच्या आरोपांवर शरद पवारांचे प्रत्त्युत्तर, म्हणाले...

Sharad Pawar on Devendra Fadnavis : विरोधी पक्षनेते देवेंद्र फडणवीस यांच्या आरोपावर राष्ट्रवादी काँग्रेसचे अध्यक्ष शरद पवार यांनी प्रतिक्रिया व्यक्त केली आहे. महाराष्ट्रातील सरकार तपास यंत्रणांचा वापर करूनही अस्थिर करण्याच्या प्रयत्नात यश येत नसल्यानेच ही टोकाची भूमिका फडणवीस यांनी घेतली असे शरद पवार यांनी म्हटले. 

विरोधी पक्षनेते देवेंद्र फडणवीस यांनी विधानसभेत सरकारी वकील आणि सरकारवर सनसनाटी आरोप केले. आपल्या आरोपांच्या पुष्ट्यर्थ फडणवीस यांनी व्हिडिओ रेकोर्डिंगचा पेनड्राइव्ह विधानसभा अध्यक्षांकडे सोपवला. या आरोपांमध्ये शरद पवार यांच्या नावाची ही उल्लेख झाल्याने खळबळ उडाली. फडणवीसांच्या आरोपानंतर शरद पवार यांनी प्रतिक्रिया व्यक्त केली आहे. शरद पवार म्हणाले, आरोपांचा काही भाग समजला. सरकारी अधिकाऱ्यांची १२५ तासांची रेकॉर्डींग होते ही कौतुकास्पद बाब आहे. केंद्रीय तपास यंत्रणांशिवाय हे अशक्य असल्याचे पवार यांनी म्हटले. अनिल देशमुखांविरोधात ९० छापे टाकण्यात आले. सत्तेचा गैरवापर करुन चौकशी केली जाते याचं उत्तम उदाहरण देशमुखांचं असल्याचे शरद पवार यांनी म्हटले. माझं अप्रत्यक्षपणे नाव घेतलं गेलं पण माझा काही संबंध नसल्याचेही पवार यांनी स्पष्ट केले. 

भाजपकडून सत्ताधाऱ्यांना नाउमेद करण्याचा प्रयत्न सुरू असल्याचे त्यांनी सांगितले. राज्यातील सरकारला कुणीही धक्का लावू शकत नाही. सरकार अस्थिर करण्याचा प्रयत्न होत असला तरी सरकार ५ वर्ष टिकणार असल्याचेही पवार यांनी म्हटले. रेकॉर्डिंगच्या सत्यतेबाबत पडताळणी करणे गरजेचे असल्याचे त्यांनी म्हटले. 

केंद्रीय यंत्रणांशिवाय रेकोर्डिंग अशक्य

125 तास रेकॉर्डिंग हे करण्यासाठी फडणवीस किंवा त्यांचे सहकारी यशस्वी झाले. ही बाब कौतुकास्पद आहे.  १२५ तास रेकॉर्डिंग करायचं म्हणजे ही प्रक्रिया किती दिवस चालली असेल. 125 तास रेकॉर्डिंग करायचं काम खरं असेल, तर त्यासाठी तशा शक्तीशाली यंत्रणांचा वापर केला असल्याचे दिसून येते.  अशा यंत्रणा फक्त भारत सरकारकडे आहे. त्यामुळे राज्यात राज्य सरकारच्या कार्यालयात अनेक तास रेकॉर्डिंग करण्यात यशस्वी झाले. हे खरं आहे का नाही हे सिद्ध झालं पाहिजे असेही शरद पवार यांनी म्हटले.

मलिकांचा राजीनामा नाहीच

भाजपकडून राज्याचे अल्पसंख्याक मंत्री नवाब मलिक यांच्या राजीनाम्याची मागणी होत आहे. तर, शरद पवार यांनी नवाब मलिकांचा राजीनामा घेण्याचा संबंधच नसल्याचे म्हटले आहे. नवाब मलिकांच्या पाठीशी राष्ट्रवादी खंबीरपणे उभी असून मुस्लिम कार्यकर्त्याचं नाव दाऊदशी जोडायचं हे घृणास्पद असल्याचे त्यांनी म्हटले. दाऊद इब्राहिमच्या संपत्तीचा व्यवहार करून मनी लाँड्रिंग केल्याप्रकरणी ईडीने मलिक यांना अटक केली आहे.

इतर महत्त्वाच्या बातम्या: