Navi Mumbai Bribe Case : नवी मुंबईत शिक्षण मंडळाच्या विभागीय अध्यक्षाने लाज आणली, 20 हजारांची लाच घेताना राजेंद्र अहिरेंना रंगेहाथ अटक
Navi Mumbai Bribe Case : ७ एप्रिल रोजी सापळा रचून आहिरे यांना त्यांच्या केबिनमध्ये तक्रारदाराकडून लाच स्वीकारताना पकडण्यात आले. याप्रकरणी वाशी पोलीस ठाण्यात भ्रष्टाचार प्रतिबंधक कायद्यान्वये गुन्हा दाखल करण्यात आला आहे.
नवी मुंबई : नवी मुंबईतील वाशी येथे महाराष्ट्र राज्य माध्यमिक व उच्च माध्यमिक शिक्षण मंडळाच्या (MSBSHSE) मुंबई विभागीय कार्यालयात मोठी कारवाई (Navi Mumbai Bribe Case) करत लाचलुचपत प्रतिबंधक विभागाने (ACB) विभागीय अध्यक्ष राजेंद्र आहिरे (वय ५५) यांना २२ हजार रुपयांची लाच स्वीकारताना रंगेहाथ अटक केली. मंगळवारी ही कारवाई करण्यात आली.(Navi Mumbai Bribe Case)
लाचलुचपत प्रतिबंधक विभागाचे उपअधीक्षक धर्मराज सोनके यांनी दिलेल्या माहितीनुसार, तक्रारदाराला १ सप्टेंबर २०२५ ते ३१ ऑगस्ट २०२६ या कालावधीसाठी वाशी येथील मंडळाच्या कार्यालयातील विद्युत देखभाल व दुरुस्तीचे कंत्राट देण्यात आले होते. नोव्हेंबर २०२५ ते फेब्रुवारी २०२६ या कालावधीतील सुमारे ३.१६ लाख रुपयांचे बिल मंजूर करण्यासाठी आहिरे यांनी ७ टक्के कमिशन म्हणून २२,१७६ रुपयांची लाच मागितल्याचा आरोप आहे. ही मागणी भांडार विभाग प्रमुख मनोहर पवार यांच्या माध्यमातून करण्यात आली होती.(Navi Mumbai Bribe Case)
२५ मार्च रोजी तक्रारदाराने ACB कडे तक्रार दाखल केल्यानंतर ६ एप्रिल रोजी पडताळणी करण्यात आली आणि लाच मागणीची खात्री पटली. त्यानंतर ७ एप्रिल रोजी सापळा रचून आहिरे यांना त्यांच्या केबिनमध्ये तक्रारदाराकडून लाच स्वीकारताना पकडण्यात आले. याप्रकरणी वाशी पोलीस ठाण्यात भ्रष्टाचार प्रतिबंधक कायद्यान्वये गुन्हा दाखल करण्यात आला आहे.(Navi Mumbai Bribe Case)
दरम्यान, याच आहिरे यांनी यापूर्वी फेब्रुवारी महिन्यात एका वेगळ्या प्रकरणात तक्रार दिली होती. निवृत्त शिक्षण उपसंचालक नितीन उपासनी यांच्यासह १९ जणांविरोधात फसवणूक, बनावट कागदपत्रे तयार करणे आणि विश्वासघाताचे आरोप करण्यात आले होते. अलीबाग आणि खोपोली येथील दोन शैक्षणिक संस्थांमधील शिक्षक भरतीसाठी बनावट कागदपत्रांच्या आधारे शालार्थ आयडी तयार करण्यात आल्याचा आरोप होता.
या प्रकरणात २०१८ पासून सुमारे १.२५ कोटी रुपयांच्या सरकारी वेतन अनुदानाचा अपहार झाल्याचा आरोप आहिरे यांनी केला होता. मात्र, आता स्वतः आहिरेच लाच प्रकरणात अटकेत आल्याने शिक्षण विभागात खळबळ उडाली असून, पुढील तपास सुरू आहे.
Navi Mumbai Bribe Case : राजेंद्र अहिरे कोण आहेत?
मागील अनेक वर्षांपासून ते शिक्षण विभागात विविध पदांवर कार्यरत आहेत
* सुरुवातीला ते मुंबई विभागात शिक्षण निरीक्षक म्हणून कार्यरत होते
* त्यानंतर त्यांची बदली राज्य मंडळाच्या नाशिक विभागीय सचिव पदी झाली
* काही काळ मुंबई विभागीय शिक्षण उपसंचालक म्हणून कार्यरत होते
* छत्रपती संभाजी नगर विभागीय शिक्षण उपसंचालक राजेंद्र अहिरे यांनी काम पाहिला आहे
* सध्या राज्य मंडळाच्या मुंबई विभागीय अध्यक्ष पदी राजेंद्र अहिरे मागील काही दिवसांपासून काम पाहत आहेत
Before You Go
Bajrang Sonawane On PM Modi Meet : पंतप्रधान मोदींची भेट कशासाठी? खासदार बजरंग सोनवणेंचा खुलासा
महत्त्वाच्या बातम्या
