Mega Block: नवीन वर्षाची सुरुवात 'मेगाब्लॉक'ने, रविवारी मध्य आणि हार्बर मार्गांवर मेगाब्लॉक, घराबाहेर पडण्याआधी लोकलचं वेळापत्रक तपासा...

Mumbai Local Train Mega Block : उद्या मुख्य आणि हार्बर मार्गावर मेगाब्लॉक घेण्यात येणार आहे. उद्या सकाळी 11 ते दुपारी पावणे 4 वाजेपर्यंत हा ब्लॉक घेण्यात येणार आहे.  

Mumbai Local Train Mega Block

Mega Block: नवीन वर्षाची सुरुवात जंगी सेलिब्रेशनने करण्याचा आणि त्यासाठी घराबाहेर पडण्याचा विचार करत असाल तर मुंबईकरांनो (Mumbai) ही बातमी तुमच्यासाठी महत्त्वाची आहे. कारण उद्या मुख्य आणि हार्बर मार्गावर मेगाब्लॉक (MegaBlock)  घेण्यात येणार आहे. उद्या सकाळी 11 ते दुपारी पावणे 4 वाजेपर्यंत हा ब्लॉक घेण्यात येणार आहे.  
 
सीएसएमटीवरुन सकाळी सव्वा दहा ते सव्वा तीन  वाजेपर्यंत सुटणाऱ्या धीम्या मार्गावरील सेवा या जलद मार्गावर वळवण्यात येणार आहे. दरम्यान, पश्चिम मार्गावरील प्रवाशांची ब्लॉकमधून सुटका झाली आहे. लोकलच्या सर्व सेवा सुरळीत सुरू राहतील, अशी माहिती पश्चिम रेल्वेने पत्रकाद्वारे दिली आहे.

मुख्य मार्गावर मेगा ब्लॉक

सकाळी 11.05 ते दुपारी 3.55 पर्यंत माटुंगा- मुलुंड अप आणि डाउन धिम्या मार्गावर ब्लॉक

छत्रपती शिवाजी महाराज टर्मिनस मुंबई येथून सकाळी 10.14 ते दुपारी 3.18 वाजेपर्यंत सुटणाऱ्या धीम्या मार्गावरील सेवा माटुंगा आणि मुलुंड स्थानकांदरम्यान दरम्यान डाउन जलद मार्गावर वळवण्यात येतील. या सेवा माटुंगा आणि मुलुंड स्थानकांदरम्यान शीव, कुर्ला, घाटकोपर, विक्रोळी, भांडुप आणि मुलुंड या स्थानकांवर थांबून पुन्हा डाऊन धिम्या मार्गावर वळवण्यात येतील. या सेवा गंतव्यस्थानी नियोजित वेळेच्या 15 मिनिटे उशीराने पोहोचेल.

ठाणे येथून सकाळी 10.58 ते दुपारी 3.59 वाजेपर्यंत अप धिम्या मार्गावरील सेवा मुलुंड आणि माटुंगा दरम्यान अप जलद मार्गावर वळवण्यात येतील. या सेवा मुलुंड, भांडुप, विक्रोळी, घाटकोपर, कुर्ला आणि शीव येथे थांबतील. पुढे अप धीम्या मार्गावर वळवण्यात येतील आणि 15 मिनिटे उशिराने गंतव्यस्थानावर पोहोचतील.

हार्बर मार्गावरही ब्लॉक

पनवेल- वाशी अप आणि डाउन हार्बर मार्गावर सकाळी 11.05 ते दुपारी 4.05 पर्यंत ब्लॉक (बेलापूर/नेरुळ-खारकोपर लाईन वगळून)

पनवेल/बेलापूर येथून सकाळी 10.33 ते दुपारी 3.49 वाजेपर्यंत सुटणाऱ्या व छत्रपती शिवाजी महाराज टर्मिनस मुंबईकडे जाणाऱ्या अप हार्बर मार्गावरील सेवा 

छत्रपती शिवाजी महाराज टर्मिनस मुंबई येथून सकाळी 9.45 ते दुपारी 3.12 या वेळेत पनवेल/बेलापूरकडे जाणाऱ्या अप हार्बर मार्गावरील सेवा रद्द राहतील.

• पनवेल येथून सकाळी 11.02 ते दुपारी 3.53 वाजेपर्यंत सुटून ठाण्याकडे जाणारी अप ट्रान्सहार्बर मार्गावरील सेवा
• ठाणे येथून सकाळी 10.01 ते दुपारी 3.20 वाजेपर्यंत पनवेल करीता जाणाऱ्या ट्रान्सहार्बर मार्गावरील सेवा रद्द राहतील.
• ब्लॉक कालावधीत छत्रपती शिवाजी महाराज टर्मिनस मुंबई-वाशी भागामध्ये विशेष उपनगरी (लोकल) ट्रेन चालविण्यात येतील.
• ब्लॉक कालावधीत ठाणे - वाशी/नेरुळ स्थानकांदरम्यान ट्रान्सहार्बर लाईन सेवा उपलब्ध असेल.
• ब्लॉक कालावधीत बेलापूर/ नेरुळ - खारकोपर लाईन सेवा उपलब्ध असतील.

पश्चिम मार्गावर ब्लॉक नाही

दरम्यान, पश्चिम मार्गावर 1 जानेवारी 2023 रोजी ब्लॉक घेण्यात येणार नाही. लोकलच्या सर्व सेवा सुरळीत सुरू राहतील, अशी माहिती पश्चिम रेल्वेने पत्रकाद्वारे दिली आहे.