Mumbai Local Megablock: आज ट्रान्सहार्बरवर मेगाब्लॉक; मध्य, पश्चिम आणि हार्बरवर मेगाब्लॉक नाही
Mumbai Local Megablock: रविवारी ट्रान्सहार्बर मार्गावर मेगाब्लॉक. मध्य, पश्चिम आणि हार्बर मार्गावर कुठलाही मेगाब्लॉक नसल्यानं प्रवाशांना दिलासा.
Mumbai Local Megablock: मुंबईकरांनो, आज रविवार सुट्टीचा दिवस. आज घराबाहेर पडणार असाल आणि त्यातही मुंबई लोकलनं (Mumbai Local News) प्रवास करणार असाल तर ही बातमी तुमच्यासाठीच. रविवारी ट्रान्सहार्बर मार्गावर (Trans Harbour) मेगाब्लॉक आहे, तर मध्य (Central Railway), पश्चिम (Western Railway) आणि हार्बर (Harbour Railway) मार्गावर कुठलाही मेगाब्लॉक (Megablock News) नसणार आहे. त्यामुळे या रविवारी रेल्वे प्रशासनाकडून (Railway Administration) प्रवाशांना दिलासा देण्यात आला आहे.
रविवारी ट्रान्सहार्बरवर मेगाब्लॉक (Megablock on Transharbour) घोषित करण्यात आला आहे. विविध अभियांत्रिकी आणि देखभालीच्या कामासाठी हा मेगा ब्लॉक घेतला जाणार असल्याची माहिती मध्य रेल्वेच्या वतीनं देण्यात आली आहे. मध्य, पश्चिम, हार्बर मार्गावर रेल्वे रूळ, ओव्हरहेड वायर, सिग्नल यंत्रणेची देखभाल दुरुस्ती करण्यासाठी दर रविवारी मेगाब्लॉक घेण्यात येतो. मात्र, आज (रविवारी) मध्य, पश्चिम, हार्बर मार्गावर मेगाब्लॉक घेण्यात येणार नाही. त्यामुळे आज घराबाहेर पडणाऱ्या प्रवाशांना मोठा दिलासा मिळणार आहे. तर, रविवारी दिवसा ट्रान्सहार्बर मार्गावर मेगाब्लॉक घेण्यात आला आहे. पश्चिम रेल्वेवर शनिवारी रात्री मेगाब्लॉक घेण्यात आला होता.
ठाणे-वाशी/नेरुळ अप आणि डाउन ट्रान्सहार्बर मार्गावर सकाळी 11.10 ते दुपारी 4.10 वाजेपर्यंत ब्लॉक असेल. वाशी (Vashi) /नेरुळ (Nerul) /पनवेलसाठी (Panvel) सकाळी 10.35 ते दुपारी 4.07 या वेळेत ठाण्याहून सुटणाऱ्या वाशी/नेरुळ/पनवेलसाठी सकाळी 10.25 ते दुपारी 4.09 वाजेपर्यंतच्या सर्व अप मार्गावरील सेवा रद्द राहतील. रविवारी मेन लाईन आणि हार्बर लाईनवर मेगाब्लॉक असणार नाही याची मुंबईकरांनी नोंद घ्यावी.
ट्रान्सहार्बर मार्गावर मेगाब्लॉक
- कुठे : ठाणे-वाशी / नेरुळ अप आणि डाऊन. (Thane-Vashi / Nerul Up and Down)
- कधी : सकाळी 10.35 ते दुपारी 4.10 वाजेपर्यंत
कोणत्या मार्गांवर होणार परिणाम : ब्लॉक कालावधीत ठाणे ते वाशी (Vashi) / नेरुळ (Nerul)/ पनवेल (Panvel) अप आणि डाऊन लोकल सेवा रद्द करण्यात आल्या आहेत. तर, रविवार मुख्य मार्गिकेवर आणि हार्बर मार्गावर मेगाब्लॉक नसेल.
रेल्वे रूळ, ओव्हरहेड वायर, सिग्नल यंत्रणेची देखभाल दुरुस्ती, या कामांसाठी आज ट्रान्स हार्बरवर मेगाब्लॉक घेतला जाणार आहे. त्यामुळे प्रवाशांना प्रवास करताना होणाऱ्या अडथळ्यांमुळे आणि गैरसोयीबद्दल रेल्वे प्रशासन दिलगीरी व्यक्त केली आहे.
महत्त्वाच्या बातम्या
