एक्स्प्लोर
Advertisement
मुंबई लोकल : आज तिन्ही मार्गावर मेगाब्लॉक
मध्य रेल्वेच्या मुख्य मार्गावर मुलुंड ते माटुंगा अप धिम्या मार्गावर, कुर्ला ते वाशी दोन्ही मार्ग आणि पश्चिम रेल्वेवर बोरिवली ते भाईंदर दोन्ही जलद मार्गावर ब्लॉक असेल. यात हार्बरवरील लोकल सेवा पूर्णपणे रद्द करण्यात आल्या आहेत.
मुंबई : ट्रॅक आणि ओव्हरहेड वायर यांसह अन्य तांत्रिक कामांच्या दुरुस्तीसह देखभालीच्या कामासाठी 23 डिसेंबर रोजी रेल्वेच्या तीनही मार्गावर मेगाब्लॉक घेतला जाणार आहे. त्यामुळे लोकल उशिराने धावतील.
मध्य रेल्वेच्या मुख्य मार्गावर मुलुंड ते माटुंगा अप धिम्या मार्गावर, कुर्ला ते वाशी दोन्ही मार्ग आणि पश्चिम रेल्वेवर बोरिवली ते भाईंदर दोन्ही जलद मार्गावर ब्लॉक असेल. यात हार्बरवरील लोकल सेवा पूर्णपणे रद्द करण्यात आल्या आहेत.
मध्य रेल्वे
मुलुंड ते माटुंगा अप धीम्या मार्गावर सकाळी 11.10 ते दुपारी 3.40 दरम्यान मेगाब्लॉक राहील. या ब्लॉकमुळे मुलुंड ते माटुंगादरम्यान अप धीम्या मार्गावरील लोकल अप जलद मार्गावर वळवण्यात येतील. त्यामुळे मुलुंड, भांडुप, विक्रोळी, घाटकोपर, कुर्ला, सायन स्थानकात लोकल गाडय़ा थांबतील. माटुंगानंतर पुन्हा अप धिम्या मार्गावर लोकल धावतील. कल्याणहून सुटणाऱ्या जलद व अर्धजलद लोकल गाड्यांनाही दिवा, मुलुंड, भांडुप, विक्रोळी, घाटकोपर, कुर्ला स्थानकात थांबा देण्यात येणार आहे. मुख्य मार्गावरील लोकल गाड्या दहा ते पंधरा मिनिटे उशिराने धावतील.
हार्बर रेल्वे
कुर्ला ते वाशी अप-डाऊन मार्गावर रविवारी सकाळी 11.10 ते दुपारी 3.40 वाजेपर्यंत ब्लॉक राहील. यामुळे छत्रपती शिवाजी महाराज टर्मिनस ते वाशी, बेलापूर, पनवेलदरम्यानच्या अप-डाऊन मार्गावरील लोकल फेऱ्या रद्द करण्यात आल्या आहेत. छत्रपती शिवाजी महाराज टर्मिनस ते कुर्ला आणि वाशी ते पनवेलदरम्यान विशेष लोकल धावतील.
पश्चिम रेल्वे
बोरिवली ते भाईंदर अप व डाऊन जलद मार्गावर रविवारी सकाळी 11.10 ते दुपारी 3 वाजेपर्यंत ब्लॉक राहील. या ब्लॉकमुळे विरार, वसई ते बोरिवली अप व डाऊन जलद मार्गावरील लोकल धीम्या मार्गावर धावणार आहेत. पश्चिम रेल्वेवरील लोकल दहा मिनिटे उशीराने धावतील.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
भारत
टेलिव्हिजन
क्राईम
पुणे
Advertisement