kalyan : काकीनाडा भावनगर एक्सप्रेसमध्ये लूटमारीचा प्रयत्न, आरोपीत 14 वर्षीय मुलाचाही समावेश

kalyan : काकीनाडा भावनगर एक्सप्रेसमध्ये घडलेल्या घटनेत 14 वर्षीय मुलाचाही समावेश आहे. कल्याण जीआरपी पोलिसांच्या सतर्कतेमुळे पाचही आरोपी ताब्यात आहेत.

kakinada bhavnagar express

kakinada bhavnagar express : काकीनाडा भावनगर मेल एक्सप्रेसमध्ये लूटपाट करणाऱ्या पाच जणांच्या टोळीला कल्याण जीआरपी पोलिसांनी अटक केली होती. 27 फेब्रुवारी रोजी, कल्याणमध्ये पाच जणांच्या टोळक्यांनी प्रवाशांची लूटमार करण्याचा प्रयत्न केला. प्रसंगावधान राखत काही प्रवाशांनी 100 नंबर वर फोन करून नियंत्रण कक्षातून कल्याण जीआरपी आणि आरपीएफला माहिती दिली. त्यानंतर आरपीएफ जवानाने या पाच जणांना त्वरित ताब्यात घेतले. या सगळ्यात धक्कादायक बाब म्हणजे या पाच आरोपींमध्ये एका 14 वर्षीय मुलाचादेखील समावेश आहे. या आरोपींना आज न्यायालयात हजर केले. चार आरोपींना न्यायालयाने पाच दिवसांची पोलिस कोठडी सुनावली आहे. या प्रकरणाचा पोलिस पुढील तपास करीत आहेत.

काय आहे नेमकी घटना?

वसई येथे राहणाऱ्या जया पिसे या महिला त्यांच्या मुलीसोबत काकीनाडा भावनगर एक्सप्रेसमधून प्रवास करीत होत्या. त्या सोलापूर येथून गाडीत बसल्या होत्या. 27 जानेवारी रोजी गाडी कर्जत स्टेशनजवळ आली असता काही प्रवाशांनी चोर चोर असा आरडाओरडा सुरु केला. याच दरम्यान चार ते पाच जण महिलेच्या जवळ आले. वस्तूने भरलेली बॅग हिसकावून घेण्याचा त्यांनी प्रयत्न केला असता जया यांनी त्यांना प्रतिकार केला. एकाने चाकूचा धाक दाखवित महिलेकडील बॅग हिसकावून घेतली. याच दरम्यान एका सतर्क नागरिकाने 100 नंबरवरुन पोलिसांना फोन करून घडलेला सगळा प्रकार स्पष्ट केला. त्यानुसार, नियंत्रण कक्षातून कल्याण जीआरपी आणि आरपीएफला माहिती दिली गेली. या ट्रेनमध्ये ड्युटीवर असलेल्या आरपीएफ जवानाने त्वरीत या पाच जणांना ताब्यात घेतले. त्यानंतर त्यांना कल्याण जीआरपीच्या हवाली केले. 

पाचही आरोपी पुण्याचे 

याबाबत कल्याण जीआरपीच्या महिला पोलिस निरिक्षक अर्चना दुसाणे यांनी हे पाचही आरोपी पुणे येथील कोंढवा या परिसरात राहणारे आहेत असे सांगितले. तबरेज शेख ,दानिश खान, अजय दबडे, निजान शेख,आणि एका 14 वर्षीय मुलाचा समावेश आहे. कल्याण रेल्वे कोर्टात या चार जणांना हजर केले असता चारही आरोपींना पाच दिवसांची पोलिस कोठडी सुनावली आहे. या आरोपींची पोलिस कसून चौकशी करत आहेत.  

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha