Mumbai IIT on Oxygen | देशात ऑक्सिजनच्या निर्मितीसाठी मुंबई आयआयटीकडून नाविन्यपूर्ण प्रात्यक्षिक
आयआयटी मुंबईमध्ये नायट्रोजन जनरेटरचे रूपांतर ऑक्सिजन निर्माण करणाऱ्या जनरेटरमध्ये करण्याचे प्रात्यक्षिक पार पडले. ऑक्सिजन निर्मिती करण्याचा सर्वात सोपा आणि जलद पर्याय असल्याचे आयआयटीकडून सांगण्यात आले आहे.
मुंबई : देशभरात कोरोनाची स्थिती पाहता रुग्णांना लागणारी ऑक्सिजनची मागणी आणि पुरवठा पाहता आयआयटी मुंबईचे प्राध्यापक मिलिंद अत्रे यांनी आपल्या पायलट प्रोजेक्टमधून PSA (pressure swing adsorption) नायट्रोजन युनिटचे रूपांतर PSA ऑक्सिजन युनिटमध्ये केले आहे. देशभरातील इंडस्ट्रीयल प्लांट मधील नायट्रोजन प्लांटमध्ये वातावरणातील हवा कच्चा माल म्हणून वापरून ऑक्सिजनची निर्मिती मोठ्या प्रमाणावर निर्माण करण्याची क्षमता असल्याचं या संशोधनातून समोर येतय.
देशात ऑक्सिजनची मागणी पहाता मुंबई आयआयटी, टाटा कंसल्टिंग इंजीनियरिंग, स्पॅनटेक इंजिनीरिंग यांच्यात सामंजस्य करार ( MoU) साइन झाल्यानंतर अशा प्रकारचा अभ्यास ऑक्सिजन निर्मिती संदर्भात समोर आला. हा सगळा प्रोजेक्ट व त्याच्या प्रात्यक्षिकासाठी मुंबई आयआयटीच्या प्रयोगशाळेत तीन दिवसात हा संपूर्ण सेटअप तयार करण्यात आला व हे सगळे प्रात्यक्षिक पार पडून त्यातून काही निष्कर्ष समोर आले. या प्रात्यक्षिकतून 3.5 atmospheric pressure खाली 93-96% शुद्धता असलेला ऑक्सिजन निर्माण करता येऊ शकतो व देशातील इंडस्ट्रीयल प्लांटमध्ये अशा पद्धतीने ऑक्सिजन निर्मिती मोठ्या प्रमाणात वाढवून ऑक्सिजन पुरवठा सुरळीत होण्यात मदत होईल, असं तज्ज्ञांच मत आहे.
हा ऑक्सिजन कोविड रुग्णांसाठी रुग्णालयात वापरण्यासाठी मोठ्या प्रमाणावर उपयोगी पडेल व ऑक्सिजन अभावी जीव जाणाऱ्या रुग्णांचे प्राण वाचवता येणे शक्य होईल. त्यामुळे आयआयटी मुंबईचे संचालक सुभाषीश चौधरी यांनी सामाजिक संस्था, खाजगी कंपन्या व शासकीय पातळीवर सर्वांना मुंबई आयआयटी प्राध्यापक मिलिंद अत्रे, टाटा कंसल्टिंग इंजीनियरिंग यांच्याशी संपर्क साधून या प्रोजेक्टचा जास्तीत जास्त वापर देशभरात करावा, अशी विनंती केली आहे.
महत्त्वाच्या बातम्या
