(Source: Dainik Bhaskar)
सुशांत सिंह राजपूत आत्महत्या प्रकरणी व्यावसायिक वैमनस्याच्या अँगलचीही चौकशी करणार : अनिल देशमुख
सुशांत सिंह राजपूतच्या आत्महत्येला जबाबदार कोण? असा प्रश्न अनेकांकडून उपस्थित केला जाऊ लागला आहे. राज्याचे गृहमंत्री अनिल देशमुख यांनी याबाबत सांगितलं की, सुशांत सिंह राजपूतने आत्महत्या केली आहे, हे त्याच्या शवविच्छेदन अहवालातून स्पष्ट झालं आहे.
मुंबई : सुशांत सिंग राजपूतच्या आत्महत्येने संपूर्ण बॉलिवूड जगाला हादरवलं. मात्र त्याच्या आत्महत्येने काही प्रश्नही उपस्थित केले आहेत. सुशांत सिंह राजपूत याने जरी आत्महत्या केली असली तरी, या आत्महत्येला जबाबदार कोण? असा प्रश्न अनेकांकडून उपस्थित केला जाऊ लागला आहे. राज्याचे गृहमंत्री अनिल देशमुख यांनी याबाबत सांगितलं की, सुशांत सिंह राजपूतने आत्महत्या केली आहे, हे त्याच्या शवविच्छेदन अहवालातून स्पष्ट झालं आहे. मात्र त्याच्या आत्महत्या प्रकरणी व्यावसायिक वैमनस्याच्या अँगलचीही पोलीस चौकशी करणार असल्याचं अनिल देशमुख यांनी सांगितलं.
— ANIL DESHMUKH (@AnilDeshmukhNCP) June 15, 2020
सुशांत सिंह राजपूतने 14 जून रोजी वांद्रे येथे त्याच्या राहत्या घरी गळफास लावून आत्महत्या केली. त्याच्या अचानक अशा जाण्याने सगळ्यांनाच धक्का बसला. सुशांत सिंह राजपूतच्या आत्महत्येनंतर बॉलिवूडमध्ये काम करणार्‍या अनेकांकडून काही प्रश्न उपस्थित केले जाऊ लागले आहेत. आपल्या उघड वक्तव्यांमुळे नेहमी चर्चेत असणारी कंगना रानौतने एक व्हिडिओ शेअर करुन बॉलिवूडमध्ये प्रस्थापितांचं असलेलं वर्चस्व सुशांत सिंह राजपूतच्या आत्महत्येला जबाबदार असल्याचा घणाघाती आरोप केला.
सुशांत हा नैराश्यात होता अशी माहिती सुशांतच्या घरी काम करणाऱ्या नोकराने दिली आहे. सुशांत डिप्रेशनमध्ये होता त्याच्यावर उपचारही सुरू होते. सुशांतच्या घरी पोलिसांना काही औषधे मिळाली आहे त्यावरुन हा अंदाज लावण्यात आलेला आहे. मात्र आत्महत्येचं कारण अद्याप स्पष्ट झाले नाही. सुशांतच्या घरात सुसाइड नोटही सापडलेली नाही.
संबंधित बातम्या
- Sushant Singh Rajput | अभिनेता सुशांत सिंह राजपूतची आत्महत्या
- नैराश्यात होता सुशांतसिंह राजपूत, प्राथमिक माहितीत उघड
VIDEO | सुशांत सिंह राजपूतची आत्महत्या नाही तर प्लॅन मर्डर; कंगना रानौतचा बॉलिवूडवर गंभीर आरोप
महत्त्वाच्या बातम्या
ट्रेंडिंग न्यूज
