Crime News : एनसीबीनं ऑस्ट्रेलियाला जाणारं 50 लाखांचा चरस केलं जप्त, दोन जणांना अटक

एनसीबीनं 4.880 किलो चरस जप्त केलं आहे. जप्त केलेलं चरस 50 लाख रुपये किमतीचं आहे. याप्रकरणी दोन जणांना अटक करण्यात आली आहे.

Crime News

Crime News : मुंबईच्या नारकोटिक्स कंट्रोल ब्यूरोने (Narcotics Control Bureau) 4.880 किलो चरस जप्त केलं आहे. जप्त केलेलं चरस 50 लाख रुपये किमतीचं आहे. याप्रकरणी दोन जणांना अटक करण्यात आली आहे. जप्त करण्यात आलेलं ड्रग्स (चरस) वॉटर प्युरिफायरच्या आत बनवलेल्या विशेष पोकळीत लपवून ठेवण्यात आलं होतं. हे पार्सल ऑस्ट्रेलियाला नेण्यात येणार होतं. पण त्यापूर्वीच मुंबईच्या नार्कोटिक कंट्रोल ब्युरोनं ही कारवाई केली आहे.

दरम्यान, याप्रकरणी पोलिसांनी सांगितले की, विशिष्ट माहितीच्या आधारे नार्कोटिक कंट्रोल ब्युरोच्या मुंबईच्या पथकानं 10 जून रोजी मुंबई येथे 4.880 किलो चरस जप्त केला आहे. प्राथमिक चौकशीत कुरिअर फ्रँचायझी मालकाचाही अंमली पदार्थांच्या तस्करीत सहभाग असल्याचे निष्पन्न झाले आहे. कुरिअर एजंट प्रेषणकर्त्यांच्या ओळखीची पडताळणी न करता पार्सल पाठवतो आणि मुख्य प्राप्तकर्त्याच्या सूचनेनुसार अनेक वेळा पार्सल पाठवतो, असे एका पोलीस अधिकाऱ्याने सांगितले आहे. प्राथमिक चौकशीत कुरिअर फ्रँचायझी मालकाचाही अंमली पदार्थांच्या तस्करीत सहभाग असल्याचे निष्पन्न झाले आहे. कुरिअर एजंट प्रेषणकर्त्याच्या ओळखीची पडताळणी न करता पार्सल पाठवतो आणि मुख्य प्राप्तकर्त्याच्या सूचनेनुसार अनेक वेळा पार्सल पाठवत असल्याचे एका पोलिस अधिकाऱ्याने सांगितले.

कुरिअरद्वारे पार्सल पाठवण्यासाठी कन्साइनरने बनावट ओळखीचा वापर केला होता. या नेटवर्कने यापूर्वी अशा प्रकारचे अनेक पार्सल पाठवले आहेत. किंगपिनने डिलिव्हरी नेटवर्कमध्ये थर तयार केल्याची माहिती एका पोलीस अधिकाऱ्याने सांगितली आहे. याप्रकरणी एनसीबी मुंबईनं गुन्हा दाखल केला असून पुढील तपास सुरु आहे, असे पोलीस अधिकाऱ्यानं सांगितलं आहे. अमित घावटे, आयआरएस, झोनल डायरेक्टर, एनसीबी, मुंबई यांच्या मार्गदर्शनाखाली ही कारवाई करण्यात आली आहे.

महत्वाच्या बातम्या: