Coronavirus | मुंबईत कोरोना संशयित डॉक्टरचा मृत्यू; राज्यात 156 कोरोनाबाधित

मुंबईतील एका कोरोना संशयित डॉक्टरचा मृत्यू झाला आहे. मात्र, त्यांचे निदान खासगी प्रयोगशाळेत झालेले असल्याने त्याबाबत खातरजमा करण्यात येत आहे.

मुंबई : आज मुंबईतील एका खासगी रुग्णालयात एका 85 वर्षीय डॉक्टरांचा संशयित कोरोना आजाराने मृत्यू झाला. त्यांचे दोन नातेवाईक नुकतेच इंग्लंडहून परतलेले आहेत. या रुग्णाला मधुमेह होता. तसेच त्यांना पेसमेकरही होता. त्यांचे निदान खासगी प्रयोगशाळेत झालेले असल्याने त्याबाबत खातरजमा करण्यात येत आहे. शहरातील हिंदुजा रुग्णलयात त्यांच्यावर उपचार सुरू होती. दरम्यान, राज्यात दिवसेंदिवस कोरोना बाधितांचा आकडा वाढत आहे. यात मुंबईत सर्वाधिक रुग्ण आढळून आले आहेत.

आज मुंबईत एका 85 वर्षीय डॉक्टरचा संशयित कोरोनामुळे मृत्यू झाल्याचे सांगण्यात येत आहे. मात्र, त्यांच्या कोरोनाचे निदान खासगी प्रयोगशाळेत झाल्याने त्यासंदर्भात अद्याप अधिकॉत माहिती मिळालेली नाही. त्यांचे दोन नातेवाईक नुकतेच इंग्लंडहून परतलेले आहेत. त्यामुळे त्यांना कोरोनाची बाधा झाल्याची शक्यता आहे. मात्र, या रुग्णाला मधुमेह होता. तसेच त्यांना पेसमेकरही होता. त्यामुळे नक्की मृत्यू कशामुळे झाला याची पुष्टी झालेली नाही.

राज्यात कोरोनाग्रस्तांची संख्या वाढली राज्यात कोरोना रुग्णांची संख्या दिवसेंदिवस वाढताना दिसत आहे. आज दिवसभरात एकाच दिवसात 12 रुग्ण सापडल्याने खळबळ उडाली आहे. आज कोल्हापुरात दोन नवीन कोरोनाचे रुग्ण सापडले. राज्यात कोरोनाग्रस्तांची सर्वाधिक संख्या पश्चिम महाराष्ट्रात आहे. यात मुंबईतील लोकसंख्या दोन कोटींच्या घरात आहे. त्यामुळे मुंबईत कम्युनिटी ट्रान्समिशन जर चुकून झालं तर खूप गंभीर परिस्थिती निर्माण होईल. आज मुंबईत सर्वाधिक 51 कोरोना रुग्णांची संख्या आहे. दरम्यान, देशातही हा आकडा वेगाने वाढताना दिसत आहे. आज घडीला देशात 863 जण कोरोनाचे पॉझिटिव्ह आहेत. तर, आतापर्यंत 17 जणांचा यात बळी गेलाय. दिलायसादायक बाब म्हणजे यातील 73 जण पूर्णपणे बरे होऊन त्यांना घरी सोडण्यात आले आहे. महाराष्ट्रातही मुंबई, पुणे, औरंगाबाद शहरातील कोरोनाचे रुग्ण पूर्णपणे ठणठणीत झाले आहे.

अनधिकृत मार्गाने प्रवास करू नका जीवनावश्यक वस्तू मिळाव्यात म्हणून सरकारनं धाडसी निर्णय घेतला आहे. आता जीवनावश्यक वस्तुंची दुकानं 24 तास सुरू ठेवण्याचा निर्णय घेतला आहे. मात्र, काही गोष्टी बघून मला धक्काच बसला. लोक जिथे अडकले आहेत. त्यांची व्यवस्था केली जात आहे. मात्र, काही जण ट्रक आणि टँकरमधून प्रवास करत आहे. गावी जाण्यासाठी जीव धोक्यात घालून अनधिकृत मार्गाने प्रवास करू नका, असे आवाहन मुख्यमंत्री उद्धव ठाकरे यांनी केले आहे.

Coronavirus Update | सांगलीत सौदी अरेबियातून परतलेल्या चार जणांमुळे इतरांना लागण