bhiwandi : बादलीत पडून चिमुकल्याचा दुर्दैवी मृत्यू, भीवंडीतील घटनेने हळहळ

बादलीत पडून एक वर्षाच्या चिमुकल्याचा दुर्देवी मृत्यू झाला आहे. भिवंडी शहरातील (bhiwandi) देव नगर परिसरात ही घटना घडली आहे.

bhiwandi news

भीवंडी :  बादलीत पडून एक वर्षाच्या चिमुकल्याचा दुर्देवी मृत्यू झाला आहे. भिवंडी शहरातील (bhiwandi) देव नगर परिसरात ही घटना घडली आहे. याप्रकरणी  भोईवाडा  पोलीस ठाण्यात अकस्मीत मृत्यूची नोंद करून पोलिसांनी तपास सुरू केला आहे. दिलकैश अन्सारी असे मृत्यू झालेल्या चिमुरड्याचे नाव आहे. 

याबात पोलिसांकडून मिळालेली माहिती अशी, मृत दिलकैशचे कुटुंब भिवंडीतील देव नगर भागात राहात आहे. घटना घडली त्यावेळी दिलकैशची आई किचनमध्ये  जेवण तयार करीत  होती. तर कुटुंबातील इतर मुले घरातच हॉलमध्ये टीव्ही पाहात होती.  त्यावेळी खेळता खेळता चिमुरडा बाथरूम मधील पाण्याने भरलेल्या बादलीत जाऊन पडला व त्यातच त्याचा दुर्दैवी मृत्यू झाला.

मृत दिलकैश अन्सारी याला 6 भावंडे असून तो सर्वात लहान होता. या प्रकरणी आई शबाना अन्सारी (वय 29 ) यांच्या तक्रारी वरून भोईवाडा पोलीस ठाण्यात घटनेची नोंद करून पोलिसांनी तपास सुरू केला आहे. पोलीस  तपासाअंती नेमकी घटना कशी घडली याचे सत्य समोर येईल. लहान चिमुरड्यांवर मातापित्यांनी अधिक लक्ष देण्याची गरज आहे हेच या घटनांवरून दिसून येत आहे. 

दरम्यान, या घटनेने भीवंडीत राहात असलेल्या दिलकैशच्या कुटंबावर शोककळा पसरली आहे. अवघ्या एक वर्षाच्या चिमुरड्याचा मृत्यू झाल्याने परिसरातून हळहळ व्यक्त होत आहे. दिलकैश हा घरातील सर्वांचाच लाडका होता. त्याच्यावरच काळाने घाला घातला.  

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha

महत्वाच्या बातम्या