एक्स्प्लोर
भुजबळांच्या उपचारावरुन विधानपरिषदेत खडाजंगी
छगन भुजबळ यांना जे जे रुग्णालयाऐवजी लिलावतीसारख्या खासगी रुग्णालयात उपचार मिळावे, अशी मागणी राष्ट्रवादी काँग्रेसच्या आमदारांनी केली.
फाईल फोटो
मुंबई: तुरुंगात असलेले राष्ट्रवादी काँग्रेसचे नेते छगन भुजबळ यांच्यावरील उपचाराचा मुद्दा आज विधानपरिषदेत चांगलाच गाजला. छगन भुजबळ यांना जे जे रुग्णालयाऐवजी लिलावतीसारख्या खासगी रुग्णालयात उपचार मिळावे, अशी मागणी राष्ट्रवादी काँग्रेसच्या आमदारांनी केली. त्यावर शिवसेना नेते आणि परिवहन मंत्री दिवाकर रावते यांनी आक्षेप घेतला. रावतेंनी भुजबळ यांचे नाव न घेता, आरोपींना खासगी रुग्णालयात उपचार मिळावे अशी मागणी करणे, हा सरकारी रुग्णालयाचा अपमान आहे, त्यांच्या कामकाजावर प्रश्न उपस्थित करता असा मुद्दा मांडला. यावर राष्ट्रवादी काँग्रेसच्या आमदारांनी आक्रमक भूमिका घेतली. गोव्याचे मुख्यमंत्री मनोहर पर्रिकर मुंबईत येऊन उपचार घेतात, मग गोव्यात चांगली सरकारी रुग्णालयं नाही, असं म्हणायचं का? त्यामुळे मुद्दा चांगली ट्रीटमेंट मिळावी हा आहे, सरकारी रुग्णालयाचा नाही, असं राष्ट्रवादीच्या आमदारांनी म्हटलं. या वादात गोंधळ झाल्याने विधानपरिषदेचं कामकाज 15 मिनिटांकरिता तहकूब करण्यात आलं.
आणखी वाचा
महत्त्वाच्या बातम्या
मुंबई
अभिनेता म्हणून हा माणूस चांगला, पण माणूस म्हणून किती खालच्या पातळीचा; विजय पाटकरांवर राजेभोसलेंचा पलटवार
मुंबई
आता, कला क्षेत्रातही बिनविरोध निवडणुकांची प्रवृत्ती घुसतेय, हे घातक; यशोमती ठाकूरांचे कलाकारांना आवाहन
मुंबई
ABP माझा टॉप 10 हेडलाईन्स | 24 मे 2026 | रविवार
मुंबई
जसं मराठी बोलता येतं तसंच हिंदी पण आलं पाहिजे, भाजप आमदार कालिदास कोळंबकरांना हिंदीचा गोडवा
