मोठी बातमी : उदयनराजे भोसलेंनी घेतली फडणवीसांची भेट; साताराच्या उमेदवारीवरून घडामोडींना वेग
Udayanraje Bhosale Met Devendra Fadnavis : भाजपकडून जाहीर करण्यात आलेल्या उमेदवारांच्या यादीत उदयनराजे यांचे नाव नसल्याने त्यांचे समर्थक आक्रमक झाल्याचे पाहायला मिळाले होते.
Udayanraje Bhosale Met Devendra Fadnavis : भाजपचे राज्यसभेचे खासदार उदयनराजे भोसलेंनी (Udayanraje Bhosale) मंगळवारी रात्री उशिरा उपमुख्यमंत्री देवेंद्र फडणवीस (Devendra Fadnavis) यांची भेट घेतली आहे. या दोन्ही नेत्यांमध्ये तब्बल 2 तास चर्चा झाली आहे. भाजपकडून उमेदवारांच्या (BJP Candidate) आतापर्यंत दोन याद्या जाहीर करण्यात आल्या असून, त्यात उदयनराजे भोसले यांचे नाव नसल्याने त्यांचे समर्थक आक्रमक झाले होते. त्यामुळे उदयनराजे नाराज असल्याची चर्चा होती. अशात आता उदयनराजे भोसलेंनी फडणवीसांची भेट घेतली असून, या भेटीत देखील याबाबत चर्चा झाल्याची माहिती मिळत आहे.
सातारा लोकसभा मतदारसंघामधून महायुतीचा उमेदवार अजूनही जाहीर झालेला नाही. त्यातच भाजपकडून जाहीर करण्यात आलेल्या उमेदवारांच्या यादीत उदयनराजे यांचे नाव नसल्याने त्यांचे समर्थक आक्रमक झाल्याचे पाहायला मिळाले. दोन दिवसांपूर्वी भाजप नेते गिरीश महाजन यांनी उदयनराजे यांची भेट घेतली होती. तर, उदयनराजे देखील नाराज असल्याची चर्चा होती. याचवेळी आता फडणवीस आणि उदयनराजे यांची भेट झाली आहे. या भेटीत नेमकी काय चर्चा झाली याची माहिती समोर आली नसली, तरीही सातारा लोकसभा मतदारसंघाच्या अनुषंगाने ही भेट झाल्याची माहिती मिळत आहे.
उदयनराजे समर्थक नाराज...
भाजपकडून जाहीर करण्यात आलेल्या यादीत उदयनराजे यांचे नाव नाही, त्यात भाजप प्रदेशाध्यक्ष चंद्रशेखर बावनकुळे यांनी सातारा दौऱ्यामध्ये उदयनराजे भोसले यांच्या उमेदवारीवर कोणतेही स्पष्ट संकेत दिले नव्हते. या सर्व घडामोडींमुळे उदयनराजे समर्थक प्रचंड नाराज आहेत. तर, संतापलेल्या उदयनराजे समर्थकांनी भाजप जिल्हाध्यक्ष धैर्यशील कदम यांना घेराव घालत जाब देखील विचारला होता. भाजपच्या पहिल्या यादीत उदयनराजे यांचे नाव नसने म्हणजेच हा छत्रपतीच्या गादीचा अपमान असल्याची भावना कार्यकर्त्यांनी बोलवून दाखवली आहे. अशात आता फडणवीस आणि उदयनराजे यांची भेट झाली आहे.
फडणवीसांच्या बैठकांवर बैठका...
लोकसभा निवडणुकीच्या जागावाटपासह उमेदवारीवरून महायुतीमध्ये अनेक घडामोडी घडतांना पाहायला मिळत आहे. त्यामुळे नाराजांची संख्या देखील मोठी असल्याचे दिसत आहे. अशात फडणवीसांकडून याबाबतीत बैठकांवर बैठका घेण्यात येत आहेत. जागावाटपाचा मुद्दा असो किंवा एका जागेवर दोघांची उमेदवारीच्या दाव्याचा मुद्दा असो यावर तोडगा काढण्यासाठी फडणवीसांकडून प्रयत्न केले जात आहे. त्यामुळे फडणवीसांची भेट घेणाऱ्यांची मोठी गर्दी पाहायला मिळत आहे.
इतर महत्वाच्या बातम्या :
Before You Go
Aaditya Thackeray NEET: नीट आंदोलनात गुन्हे दाखल झालेल्या ठाकरेंची मदत, केस लढण्यासाठी वकील मैदानात उतरवणार, आदित्य ठाकरेंची माहिती
महत्त्वाच्या बातम्या
