LIVE UPDATES | आयपीएल 2020 स्पर्धा पुढे ढकलली, 29 मार्चपासून सुरु होणारी स्पर्धा 15 एप्रिलपासून सुरु होणार

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

1. जीवघेण्या कोरोनाचा देशात पहिला बळी, कर्नाटकातील कलबुर्गीत सौदीतून आलेल्या वृद्धाचा मृत्यू, मुंबई, ठाणे,पुण्यात कोरोनाचे नवे रुग्ण, राज्यातील आकडा 14 वर

2. कोरोनामुळं शेअर बाजारात साडे नऊ लाख कोटीचं नुकसान, आयपीएलची तिकीटविक्री न करण्याचा निर्णय, तर अक्षय कुमारनं सूर्यवंशीचं प्रदर्शन पुढे ढकललं

3. कॉलेज-शाळांना सुट्टी जाहीर करावी, कोरोनाच्या भीतीपोटी पालक संघटनेची मुख्यमंत्र्यांकडे मागणी, मुंबईतल्या एका शाळेकडून वार्षिक परीक्षेआधीच सुट्टी जाहीर

4. कोरोनामुळे इराणमध्ये अडकलेल्या 120 भारतीयांची आज सुटका होणार, लष्कराकडून जैसलमेर आणि जोधपूरमध्ये खास क्वॉरन्टाईन वॉर्ड तयार

5. एनपीआरसाठी कोणतीही कागदपत्र मागितली जाणार नाही, गृहमंत्री अमित शाह यांची राज्यसभेत माहिती, एनपीआरला घाबरण्याची गरज नसल्याचंही आवाहन

6. रावसाहेब दानवेंच्या मुलीची पती आणि सासूविरोधात तक्रार, हर्षवर्धन जाधवांवर मारहाणीचा आरोप तर जाधवांच्या आईकडूनही विरोधात तक्रार

22:59 PM (IST)  •  13 Mar 2020

नवी मुंबई महापालिका निवडणुकीमध्ये शेतकरी कामगार पक्ष सर्वच 111 प्रभागांमध्ये आपले उमेदवार उभा करणार आहे. 2015 च्या निवडणुकीतही शेकापने आपले उमेदवार महापालिका निवडणुकीत उतरविले होते, मात्र त्यांना एकही नगरसेवक निवडून आणता आला नव्हता. ही निवडणूक लढविताना आम्ही समविचारी पक्षांना तसेच सामाजिक संस्थांना बरोबर घेऊन ही नेवडणूक लढवणार असल्याचे शेकापचे आमदार बाळाराम पाटील यांनी पत्रकार परिषदेमध्ये सांगितले. झोपडपट्टी पुनर्वसन तसेच सीडकोच्या मोडकळीस आलेल्या इमारतीचा प्रश्न हे मुद्दे निवडणुकी मध्ये प्रमुख्याने असणार आहेत. गेल्या वेळेला आम्हला अपयश आले, मात्र अनेक ठिकाणी आमचे उमेदवार दुसऱ्या आणि तिसऱ्या क्रमांकावर राहिले. यंदाचे वातावरण आम्हाला पोषक आहे. त्यामुळे आमचे नगरसेवक सभागृहात दिसणार असल्याचा विश्वास यावेळी पाटील यांनी व्यक्त केला आहे.

22:18 PM (IST)  •  13 Mar 2020

कोरोनामुळं दिशा कायदा लांबणीवर, महिला अत्याचाराला चाप लावण्याच्या दृष्टीनं आंध्र प्रदेशच्या धर्तीवर 'दिशा' कायदा आणण्यासाठी महाराष्ट्रात जोरदार तयारी, कोरोनाच्या संकटामुळे या अधिवेशनात विधेयक मांडता येणार नाही, पण सरकार दिशा कायद्याचा अध्यादेश काढण्याच्या तयारीत

16:43 PM (IST)  •  13 Mar 2020

जळगाव : जळगाव जिल्ह्यातील शिरसोली येथील दहावीच्या विद्यार्थिनीची गळफास घेऊन आत्महत्या, दहावीचा गणिताचा पेपर कठीण गेल्याने विद्यार्थिनीने केली आत्महत्या, गायत्री अस्वार असे विद्यार्थिनीचे नाव, राहत्या घरात गळफास घेवून केली आत्महत्या

09:58 AM (IST)  •  13 Mar 2020

राज्यातील कोरोनाबाधित रूग्णांची प्रकृती स्थिर, शाळांसदर्भात लवकरच निर्णय घेऊ : राजेश टोपे

14:33 PM (IST)  •  13 Mar 2020

BREAKING NEWS | आयपीएल 2020 स्पर्धा पुढे ढकलली, 29 मार्चपासून सुरु होणारी स्पर्धा 15 एप्रिलपासून सुरु होणार