Shivsena Prabhadevi : एकनाथ शिंदेंसोबत गेलो म्हणून मला बदनाम करण्याचा प्रयत्न; आमदार सदा सरवणकरांचा आरोप 

Shivsena Prabhadevi : मुंबईतील प्रभादेवीत (Prabhadevi) शिवसेना (Shivsena) आणि शिंदे गटात रात्री राडा झालाय. यावेळी आमदार सदा सरवणकर (Shinde Group MLA Sada Sarvankar) यांनी गोळीबार केल्याचा त्यांच्यावर आरोप केला जातोय.

sada sarvankar

मुंबई : "सोशल मीडियाला सोशल मीडियावरूनच उत्तर द्यायचं असतं. घरी जाऊन  मारहाण करणं योग्य नाही. मला बदनाम करण्यासाठी हा सर्व प्रकार आहे. मी कामं करून आमदार झालो आहे. एकनाथ शिंदे यांच्यासोबत गेलो म्हणून मला बदनाम करण्याचा प्रयत्न करण्यात आलाय, असा आरोप शिंदे गटाचे आमदार सदा सरवणकर (Sada Sarvankar) यांनी शिवसेनेवर केलाय. 

मुंबईतील प्रभादेवीत (Prabhadevi) शिवसेना (Shivsena) आणि शिंदे गटात रात्री राडा झालाय. यावेळी आमदार सदा सरवणकर (Shinde Group MLA Sada Sarvankar) यांनी गोळीबार केल्याचा त्यांच्यावर आरोप केला जातोय. प्रभादेवीत सदा सरवणकर यांनी दोन वेळेस गोळीबार केला असल्याचा आरोप त्यांच्यावर होत आहे. शिवसेनेने केलेल्या दाव्यानुसार सरवणकर यांच्या गोळीबारात शिवसेनेचे विभागप्रमुख महेश सावंत (Mahesh Sawant) आणि एक पोलीस अधिकारी बचावलाय. परंतु,  सरवणकर यांनी पत्रकार परिषद घेऊन त्यांच्यावरील आरोप फेटाळून लावले आहेत. माझ्याकडे बंदुकीचा परवाना आहे. परंतु, मी गोळीबार केलेला नाही. एकनाथ शिंदे यांच्यासोबत गेलो म्हणून मला बदनाम करण्याचा प्रयत्न केला जातोय, आसा आरोप सरवणकर यांनी शिवसेनेवर केलाय.  

सरवणकर म्हणाले, "सणावेळी असे एकमेकांना डिवचण्याचे प्रकार व्हायला नको पाहिजेत. परवा रात्री पोलिसांनी मध्यस्ती केल्यानंतर आम्ही घरी आलो होतो. परंतु, काल रात्री आमच्या एका कार्यकर्त्याला मारहाण करण्यात आल्याची घटना घडली. त्यामुळे मी तिकडे गेलो.  असे वाद व्हायला नको पाहिजेत. गणपती विजर्सनादिवशी जे झालं ते  तेथेच संपलं होतं मग पुढे विषय वाढवायला नको होता.  ठाकरे गटातील कार्यकर्त्यांनी आमच्या कार्यकर्त्यांवर हल्ला केला. ही माहिती मिळाल्यानंतर मी तेथे गेलो होतो.  

"मला कितीही बदनाम करण्याचा प्रयत्न केला तरी बदनामीला कामातून उत्तर देऊ. परिस्थिती शांत करण्यासाठी आम्ही प्रभादेवी येथे गेलो होतो. मी कोणताही गुन्हा केलेला नाही. माझ्याकडे बंदुकीचा परवाना आहे. पोलीस आपलं काम करतील. वर्षानुवर्षे एका कुटुंबात असलेल्या लोकांनी वाद करणं बरोबर नाही. भविष्यात असे वाद होणार नाहीत याची काळजी घेतली नाही. माझ्या हातून गोळीबार झालेला नाही. परंतु, याला वेगळं स्वरूप देऊन मला बदनाम करण्याचा प्रयत्न केला जातोय, असे सरवणकर यांनी म्हटले आहे.  

महत्वाच्या बातम्या