दुचाकी घसरली, कारने चिरडले! पुण्यात रस्त्यांवरील खड्ड्यानं घेतला ज्येष्ठ नागरिकाचा बळी

पुण्यात (Pune) रस्त्यांच्या खड्ड्याने एका ज्येष्ठ नागरिकाचा बळी घेतल्याची घटना घडली आहे. पुण्यातील औंध परिसरातील राहुल हॉटेलसमोर ही घटना घडली आहे.

Pune Accident

Source : Getty Images

Pune Accident : पुण्यात (Pune) रस्त्यांच्या खड्ड्याने एका ज्येष्ठ नागरिकाचा बळी घेतल्याची घटना घडली आहे. पुण्यातील औंध परिसरातील राहुल हॉटेलसमोर ही घटना घडली आहे. रस्त्यांवर असणाऱ्या खड्ड्यामुळं या ज्येष्ठ नागरिकाची गाडी घसरली अशातच मागून आलेल्या कारने त्यांना चिरडले. जगन्नाथ काशिनाथ काळे (वय 61) असं त्यांचं नाव होते. या संपूर्ण अपघाताचा थरार सीसीटीव्हीत कैद झाला आहे. 

काल दुपारी पुण्यातील औंध परिसरातील राहुल हॉटेलसमोर धक्कादायक घटना घडली आहे. पुण्यातील रस्त्यावरील खड्ड्याने एका ज्येष्ठ नागरिकाचा जीव घेतला आहे. औंध परिसरातील राहुल हॉटेलसमोरुन गाडी चालवत असताना रस्ता आणि पेविंग ब्लॉकच्या मध्ये खड्डा निर्माण झाल्यामुळे या खड्ड्यातून गाडी घसरली. यामुळे ज्येष्ठ नागरिकाचा तोल गेला. मात्र तेवढ्यात मागून आलेल्या कारच्या खाली ते चिरडले गेले. 

दोनच दिवसापूर्वी संत तुकाराम महाराज पालखी महामार्गावर झाला होता भीषण अपघात  

 

संत तुकाराम महाराज राष्ट्रीय महामार्गवर भीषण अपघात झाला होता. या अपघातात दोन जण ठार तर एक महिला गंभीरित्या जखमी झाले आहेत. मंगळवारी सायंकाळी पाचच्या सुमारास बारामतीकडून पाटसकडे जात असताना बारामती तालुक्यातील जराडवाडी आणि खराडवाडीच्या हद्दीवर दोन दुचाकी स्वरांची समोरासमोर धडक झाली.  यामध्ये दोन जण जागीच ठार झालेत तर एक महिला गंभीररित्या जखमी झाली आहे. शरद दत्तात्रय मोरे आणि ज्ञानेश्वर बबन ओलेकर अशी मयताची नावे आहे तर जखमी  महिलेवर रुग्णालयात उपचार सुरू आहेत. काही दिवसांपूर्वी याच संत तुकाराम महाराज पालखी महामार्ग उंडवडी  सुपे येथे भीषण अपघात झाला होता यामध्ये दोन जण जागीच ठार झाले होते. राष्ट्रीय महामार्गावर ती अपघाताचे प्रमाण वाढू लागले आहे. 

नागपुरात एका इमारतीतून काही दगड खाली पडल्यामुळे अनेक वाहनांचे नुकसान

नागपुरातील सिविल लाईन्स परिसरात नागपूर प्रेस क्लब जवळ एका निर्माणाधीन इमारतीतून काही दगड खाली पडल्यामुळे अनेक वाहनांचे नुकसान झाले आहे. प्रेस क्लब जवळ एका उंच इमारतीचे बांधकाम सुरू असून निर्माणाधीन इमारती लगतच्या रस्त्यावर काही चारचाकी वाहन आणि दुचाकी पार्क केलेल्या होत्या. मात्र उंचावरुन दगड खाली पडल्यामुळे त्याचे काही तुकडे कार आणि दुचाकी वर पडले. त्यामुळं काही कारचे काच व सनरुफ तुटले आहे.

महत्वाच्या बातम्या: