Pandharpur and Belgaum By Election Results 2021 Live Updates : प्रतिष्ठेच्या पंढरपूर पोटनिवडणूकीत भाजपच्या समाधान आवताडे यांचा विजय

Pandharpur By Election Belgaum, Lok Sabha Results 2021 LIVE Updates: पंढरपूर मंगळवेढा पोटनिवडणुकीची मतमोजणी आज सकाळी आठ वाजता पंढरपूर येथील शासकीय गोदामात सुरु होणार आहे. बेळगाव लोकसभा पोट निवडणुकीची मतमोजणीला आज सुरुवात होत असून भाजपच्या मंगला अंगडी, काँग्रेसचे सतीश जारकीहोळी आणि समितीचे शुभम शेळके हे निवडणुकीतील प्रमुख उमेदवार आहेत.

Background

अत्यंत चुरशीच्या झालेल्या पंढरपूर पोटनिवडणुकीसाठी रविवारी सकाळी आठपासून मतमोजणी
पंढरपूर मंगळवेढ्याचे दिवंगत आमदार भारत भालके यांच्या निधनानंतर रिक्त जागी झालेल्या पोटनिवडणुकीच्या निवडणुकीची मतमोजणी आज सकाळी आठ वाजता पंढरपूर येथील शासकीय गोदामात सुरु होणार आहे. कोरोनाच्या संकटामध्ये 24 ऐवजी एकूण 38 फेऱ्यांमध्ये ही मतमोजणी होत असल्याने निकाल येण्यास उशीर होणार असला तरी मतमोजणीच्या कल दुपारी बारापर्यंत स्पष्ट होण्याची शक्यता आहे. या निवडणुकीत एकूण 19 उमेदवारांच्या भवितव्याचा फैसला उद्या होणार असला तरी मुख्य लढत ही भाजपचे समाधान अवताडे आणि राष्ट्रवादीचे भगीरथ भालके यांच्यात होणार आहे. ही झलेली निवडणूक अतिशय अटीतटीची झाल्याने मतमोजणीतही काट्याची टक्कर शेवटच्या फेरीपर्यंत राहायची शक्यता आहे. 

या निवडणुकीत एकूण 2 लाख 24 हजार 68 मतदारांनी मतदान केले होते. याशिवाय ८० वर्षावरील व दिव्यांग आदी 3252 मतदारांनी पोस्टाने मतदान केले आहे. याशिवाय 73 सैनिकांनी देखील पोस्टाने आपला मतदानाचा हक्क बजावला असून सकाळी आठपर्यंत सैनिकांची येणारे पोस्टाची मतदान गृहीत धरली जाणार आहेत. 

 बेळगाव लोकसभा पोटनिवडणुकीची मतमोजणी, तयारी पूर्ण
बेळगाव लोकसभा पोट निवडणुकीची मतमोजणी रविवारी  होणार असून सकाळी सात वाजता मतमोजणीला प्रारंभ होत आहे. बेळगावच्या आर पी डी कॉलेजमध्ये मतमोजणी होणार आहे. तिथेच मतदान यंत्रे कडेकोट सुरक्षेत ठेवण्यात आली आहेत. भाजपच्या मंगला अंगडी, काँग्रेसचे सतीश जारकीहोळी आणि समितीचे शुभम शेळके हे निवडणुकीतील प्रमुख उमेदवार आहेत.

मतमोजणीची तयारी पूर्ण झाली असून कोरोना आणि निवडणूक आयोगाच्या नियमानुसार ही मतमोजणी होणार आहे. उमेदवार आणि त्यांचे प्रतिनिधी यांना  48 तास अगोदर केलेले कोरोना निगेटीव्ह प्रमाणपत्र मतमोजणी केंद्रात प्रवेश करताना दाखवणे आवश्यक आहे.

बेळगाव लोकसभा पोटनिवडणुकीसाठी 54.02 टक्के इतके मतदान झाले आहे. एकूण 9 लाख 79 हजार 693 इतक्या मतदारांनी लोकसभा पोटनिवडणुकीत मतदानाचा हक्क बजावला. उन्हाचा तडाखा, पोटनिवडणुकीबाबत असलेला जनतेचा निरुत्साह, कोरोनाचे सावट या बाबींमुळे लोकसभा पोटनिवडणुकीतील मतदानाचा टक्का घसरला आहे.

 

17:29 PM (IST)  •  02 May 2021

Pandharpur Election Results 2021 : पंढरपूर पोटनिवडणूकीत समाधान आवताडे यांचा विजय

Pandharpur Election Results 2021 LIVE UPDATE : संपूर्ण महाराष्ट्राचं लक्ष लागून राहिलेल्या पंढरपूर पोट निवडणुकीत भाजपचे समाधान आवताडे विजयी झाले असून राष्ट्रवादीच्या भगीरथ भालके यांना धक्का बसला आहे. 

• अंतिम निकाल

समाधान आवताडे
ईव्हीएम मतं : 107774
पोस्टल मतं : 1676
एकूण 109450

भगीरथ भालके
ईव्हीएम मतं : 104271
पोस्टल मतं : 1446
एकूण मतं : 107717

एकूण 3733 मतांनी समाधान अवताडे विजयी

16:50 PM (IST)  •  02 May 2021

Pandharpur Election Results 2021 : पंढरपूर पोटनिवडणूक पोस्टल मतमोजणीतही भाजपच्या समाधान आवताडे यांचीच बाजी

Pandharpur Election Results 2021 LIVE UPDATE : पंढरपूर पोटनिवडणूक पोस्टल मतमोजणीतही भाजपच्या समाधान आवताडे यांनी बाजी मारली आहे. त्यांनी तब्बल 230 जागांवर आघाडी मिळवली आहे.

• पोस्टल मतमोजणी :

भाजप : समाधान आवताडे : 1676 

राष्ट्रवादी : भगीरथ भालके : 1446

भाजप 230 जागांवर आघाडीवर