Aaditya Thackeray: नव्या नियमावलीला आदित्य ठाकरेंच्या उपस्थितीत अवघ्या चोवीस तासांत तिलांजली

ओमयक्रोनच्या पार्श्वभूमीवर राज्य सरकारने नवी नियमावली जाहीर केली. अन अवघ्या चोवीस तासांत पर्यावरण आणि वातावरणातीय बदल मंत्री आदित्य ठाकरेंच्या उपस्थितीत या नियमांना तिलांजली घालण्यात आली.

aaditya_thackeray

Aaditya Thackeray: ओमयक्रोनच्या पार्श्वभूमीवर राज्य सरकारने नवी नियमावली जाहीर केली. अन अवघ्या चोवीस तासांत पर्यावरण आणि वातावरणातीय बदल मंत्री आदित्य ठाकरेंच्या उपस्थितीत या नियमांना तिलांजली घालण्यात आली. पुण्यातील युवासेना मेळावा पार पडतोय. नव्या नियमावली नुसार राजकीय कार्यक्रमांना शंभर जणांच्या उपस्थितीला परवानगी देण्यात आलीये. मात्र युवासेनेच्या या मेळाव्यात शंभर हुन अधिकांची उपस्थिती होती, अनेकजण विनामस्क होते. स्वतः आदित्य ठाकरे जिथं आसनस्थ होते, तिथल्या दोन्ही बाजूच्या खुर्च्या रिकाम्या होत्या, पण सभागृहात बहुतांश ठिकाणी ही काळजी घेतल्याचं निदर्शनास आलं नाही.

गर्दी बाबत नवे नियम कायम आहेत

- लग्न समारंभासाठी बंदिस्त सभागृहांमध्ये एकावेळी उपस्थितांची संख्या 100 च्या वर नसेल आणि खुल्या जागेत ही संख्या 250 च्या वर नसेल किंवा या जागेच्या क्षमतेच्या 25 टक्के यापैकी जे कमी असेल ते.

- इतर सामाजिक, राजकीय, धार्मिक कार्यक्रमांसाठी देखील  उपस्थितांची संख्या 100 च्या वर नसेल आणि खुल्या जागेत ही संख्या 250 च्या वर नसेल किंवा या जागेच्या क्षमतेच्या 25 टक्के यापैकी जे कमी असेल ते.

- उपरोक्त दोन्ही कार्यक्रमांव्यतिरिक्तच्या कार्यक्रमांसाठी बंदिस्त जागेत जिथे आसनक्षमता निश्चित आहे अशाठिकाणी  क्षमतेच्या 50 टक्क्यांपेक्षा जास्त नसेल तसेच जिथे आसनक्षमता निश्चित नाही अशा ठिकाणी 25 टक्के उपस्थिती असेल.  अशा प्रकारच्या सर्व कार्यक्रमांमध्ये ते जर खुल्या जागेत होत असतील तर आसनक्षमतेच्या 25 टक्के पेक्षा जास्त उपस्थिती नसेल.

- क्रीडा स्पर्धा, खेळाचे समारंभ यासाठी कार्यक्रम स्थळाच्या आसन क्षमतेच्या 25 टक्क्यांपेक्षा जास्त उपस्थिती नसेल.

- वरीलपैकी कोणत्याही प्रकारात न मोडणाऱ्या समारंभ किंवा एकत्र येण्याच्या कार्यक्रमात जिल्हा आपत्ती व्यवस्थापन प्राधिकरण उपस्थितांची संख्या किती असावी हे निश्चित करेल. असे करतांना 27 नोव्हेंबर 2021 चे आपत्ती व्यवस्थापनाच्या आदेशाचे पालन होईल असे बघितले जाईल.

- उपहारगृहे, जीम, स्पा, चित्रपटगृहे, नाट्यगृहे या ठिकाणी क्षमतेच्या 50 टक्के उपस्थिती राहील. या सर्वांना त्यांची संपूर्ण क्षमता तसेच 50 टक्के क्षमतेची संख्या जाहीर करावी लागेल.

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha

हे देखील वाचा-