Shiv Sena : शिवसेना-धनुष्यबाणावर शरद पवार स्पष्टच बोलले, म्हणाले...
Sharad Pawar : शिवसेना पक्षाचं नाव आणि चिन्ह एकनाथ शिंदे गटाला मिळालं. त्यानंतर राज्यातील राजकीय वातावरण चांगलेच तापलेय.
Sharad Pawar On Bow-Arrow Row : शिवसेना पक्षाचं नाव आणि चिन्ह एकनाथ शिंदे गटाला मिळालं. त्यानंतर राज्यातील राजकीय वातावरण चांगलेच तापलेय. विरोधकांनी टीकास्त्र सोडलं. तर सत्ताधारी भाजपने एकनाथ शिंदे यांचं अभिनंदन केलेय. यावर आज शरद पवार यांनी स्पष्टच शब्दात आपली भूमिका स्पष्ट केली. त्या वादात मी पणडणार नसल्याचं शरद पवार यांनी सागितलं. ते गोविंदबागेत बोलत होते.
शिवसेना आणि धनुष्यबाण यावरून राज्यात सध्या सुरू असलेल्या वादात मी पडणार नाही. मी त्याबाबत परवाच माझी भूमिका स्पष्ट केली आहे, असं म्हणत राष्ट्रवादीचे अध्यक्ष शरद पवार यांनी धनुष्यबाणाच्या मुद्द्यावर आपली भूमिका स्पष्टच सांगितली. केंद्रीय गृहमंत्री अमित शहा यांच्या दौऱ्याबाबत बोलताना पवार म्हणाले, सहकार परिषदेच्या समारंभासाठी पुण्यात आले होते. सहकार परिषदेचे उद्घाटन माझ्या हस्ते पार पडलं. त्यामुळे आमच्यात कोणतेही मतभेद नाही. धोरणात्मक विषयांवर आणि सविस्तर चर्चा केली. त्यांनी केलेल्या भाषणातील मुद्दे आज योग्य वाटले. बाकी राज्यात सुरू असलेल्या धनुष्यबाणाच्या वादात मी पडणार नाही एकदाच सांगितलं आहे, असे शरद पवार म्हणाले.
मुख्यमंत्रीपदासाठी एकनाथ शिंदेचे नाव - भुजबळ
आमच्या माहितीप्रमाणे उद्धव ठाकरे यांनी मुख्यमंत्रीपदासाठी एकनाथ शिंदे, सुभाष देसाई अशी काही नावं पुढे केली होती, असा खळबळजनक दावा राष्ट्रवादीचे नेते छगन भुजबळ यांनी केला आहे. अगदी सुरुवातीला एकनाथ शिंदे यांचे नाव मुख्यमंत्रीपदासाठी सुचविण्यात आले होते. पण सिनियर म्हणून ठाकरे यांना गळ घालण्यात आली. शिवाय पवारसाहेबांनी तसा आग्रह केला. म्हणून उद्धव ठाकरे यांना मुख्यमंत्रीपदी बसवण्यात आल्याचे भुजबळ म्हणाले.
मुख्यमंत्री एकनाथ शिंदेंचा मास्टरप्लॅन -
शिवसेना पक्षाचं नाव आणि धनुष्यबाण एकनाथ शिंदे यांना निवडणूक आयोगानं दिलं आहे. हा उद्धव ठाकरेंना मोठा धक्का मानला जातोय. निवडणूक आयोगानं उद्धव ठाकरे गटाला मोठा धक्का दिला आहे. शिवसेना हे नाव एकनाथ शिंदे यांना दिलं आहे. त्याशिवाय पक्षाचं चिन्ह धनुष्यबाण हेही एकनाथ शिंदे यांना देण्यात आले आहे. निवडणूक आयोगाच्या या निर्णयानंतर एकनाथ शिंदे आता आपल्या सर्व आमदार आणि खासदारांना सोबत घेऊन आयोध्या दौऱ्यावर जाणार आहेत. त्यांचा हा आयोध्या दौरा पुढच्याच आठवड्यात नियोजित केला असल्याची माहिती मिळाली आहे. आयोध्या दौऱ्यावरून आल्यानंतर तेथील महंतांनी दिलेला धनुष्यबाण राज्यभर फिरवले जाणार आहे.
आणखी वाचा :
Chhagan Bhujbal : उद्धव ठाकरेंनी मुख्यमंत्रीपदासाठी एकनाथ शिंदे यांचं नाव सुचवलेलं, भुजबळांचा दावा
महत्त्वाच्या बातम्या
