Supriya Sule : दादा आत्ताच आपली पब्लिसिटी करु, दुपारनंतर राऊत सगळे चॅनल टेक ओव्हर करतील : सुप्रिया सुळे
भाजपचे प्रदेशाध्यक्ष चंद्रकांत पाटील आणि राष्ट्रवादीच्या खासदार सुप्रिया सुळे एका कार्यक्रमानिमित्त एकत्र आले होते. त्यावेळी दोघांनीही आपल्या भाषणात संजय राऊतांच्या पत्रकार परिषदेचा उल्लेख केला.
Supriya Sule : शिवसेना खासदार संजय राऊत आज दुपारी चार वाजता पत्रकार परिषद घेणार आहेत. या परिषदेत राऊत नेमके काय गौप्यस्फोट करणार याची सर्वांना उत्सुकता लागली आहे. त्याची उत्सुकता जशी तुम्हा-आम्हाला आहे तशी ती राजकीय नेत्यांनाही आहे. आज पुण्यातल्या एका कार्यक्रमात याचा प्रत्यय आला. भाजपचे प्रदेशाध्यक्ष चंद्रकांत पाटील आणि राष्ट्रवादीच्या खासदार सुप्रिया सुळे या एका कार्यक्रमा निमित्त एकाच व्यासपीठावर होते. त्यावेळी दोघांनीही आपल्या भाषणात राऊत यांच्या पत्रकार परिषदेचा उल्लेख केला. सध्या चॅनल आमचे कॉमेंट्स चालवतात मग चॅनलने आम्हाला पैसे द्यायला हवेत. आता आमचं चालेल, आम्ही आता चॅनलवर राहू मात्र, 3 नंतर संजय राऊत सगळे चॅनेल टेक ओव्हर करतील असे वक्तव्य सुप्रिया सुळे यांनी केले.
तुम्ही तुमचं चॅनल आमच्या कॉमेंट्सवर चालवता. मग तुम्ही आम्हाला पैसे द्यायला हवेत असे सुळे यावेळी म्हणाल्या. मात्र, आता जे काही करायचे आहे ते तीन वाजण्याच्या आत करु, 3 नंतर संजय राऊत सगळे चॅनल टेक ओव्हर करतील असे सुप्रिया सुळे म्हणाल्या. 3 नंतर संजय राऊत यांचा सिक्सर आहे. त्यामुळे दादा आपण आत्ताच आपली पब्लिसिटी करु असे सुप्रिया सुळे चंद्रकांत पाटील यांना उद्देशून म्हणाल्या. आपण वाट बघू संजय राऊत काय बोलतात ते. ते काही तरी महत्त्वाचेच बोलतील असे वाटते, कारण त्यांनी इशारा दिला आहे. सगळा देश त्यांना बघणार आहे. मी पण बघणार असल्याचे सुप्रिया सुळे म्हणाल्या.
यावेळी बोलताना चंद्रकांत पाटील यांनी सुप्रिया सुळे यांचा राज्यसभेच्या खासदार सुप्रिया सुळे असा उल्लेख केला. नंतर मात्र, ते लोकसभेच्या खासदार म्हणाले. काल दत्ता मामा भरणे देवेंद्र फडणवीस यांना मुख्यमंत्री म्हणाले. आज मी तुम्हाला असं बोललो असे पाटील म्हणाले. आज सकाळपासूनच सारे चॅनलवाले मला विचारत आहेत की, संजय राऊत काय बोलणार. राऊत काय बोलणार हे मला कसं कळणार? असे पाटील म्हणाले.
महत्त्वाच्या बातम्या:
महत्त्वाच्या बातम्या
