Kirit Somaiya : किरीट सोमय्या-राज्यपालांची भेट; खोट्या FIR संदर्भात पोलीस आयुक्तांवर कारवाई करण्याची मागणी

Kirit Somaiya Governor meet : सोमय्या म्हणाले, महाराष्ट्रात राज्य सरकारच्या माध्यमातून पोलीसांवर दबाव आहे. या सगळ्या गोष्टी लोकशाहीला घातक आहेत.

Kirit Somaiya-Governor's visit

Kirit Somaiya Governor Meet : भाजप नेते किरीट सोमय्या यांच्या गाडीवर 23 एप्रिल रोजी झालेल्या हल्ला, पोलिसांची बघ्याची भूमिका आणि खोट्या सहीप्रकरणी सोमय्यांनी आज भाजपच्या शिष्टमंडळासह राज्यपाल भगतसिंह कोश्यारी यांची भेट घेतली. महाराष्ट्रात राज्य सरकारच्या माध्यमातून पोलीसांवर दबाव आहे. या सगळ्या गोष्टी लोकशाहीला घातक आहेत. खोट्या FIR संदर्भात पोलीस आयुक्तांवर कारवाई करा, अशी मागणी राज्यपालांकडे केलीय. पोलिसांनी दाखल केलेली एफआयआर (FIR) खोटी असून आपण त्यावर स्वाक्षरी केलेली नाही, असा दावा किरीट सोमय्यांकडून करण्यात येतं आहे. तसेच मुख्यमंत्र्यांच्या सांगण्यावरून मुंबई पोलीस आयुक्तांनी एफआयआर नोंदवण्यास नकार दिला, असा आरोप सोमय्यांनी केला आहे. 

पोलीस आयुक्त संजय पांडे यांच्यावर गंभीर आरोप
दरम्यान, किरीट सोमय्या यांनी पोलीस आयुक्त संजय पांडे यांच्यावर गंभीर आरोप केले आहेत. दाखल करण्यात आलेली एफआयआर चुकीची असून त्यावर माझी स्वाक्षरी नाही, पोलीस आयुक्तांनी माझी खोटी सही केली का असा प्रश्न सोमय्या यांनी यावेळी विचारला आहे. आपल्या नावाने बोगस एफआयआर दाखल करणाऱ्यांवर कारवाई करण्याची मागणीही सोमय्या यांनी केली आहे.

दोन्ही पक्षांतला संघर्ष अधिक तीव्र
भाजप नेते किरीट सोमय्या यांच्या गाडीवर 23 एप्रिल रोजी हल्ला झाल्यानंतर दोन्ही पक्षांतला संघर्ष अधिक तीव्र झाला आहे. राणा दाम्पत्याच्या अटकेच्या प्रकरणात आता किरीट सोमय्यांच्या एन्ट्रीनंतर वाद अधिकच चिघळला. किरीट सोमय्या खार पोलीस स्टेशनला पोहोचताच शिवसैनिकांनी गोंधळ घातला. पोलीस स्टेशनमधून बाहेर पडल्यानंतर शिवसैनिकांनी सोमय्यांच्या कारवर चपला फेकल्या. किरीट सोमय्या बनावट एफआयआरबाबत तक्रार करण्यासाठी मंगळवारी खार पोलीस स्टेशनमध्ये पोहोचले होते. यावेळी ते सुमारे दीड तास खार पोलीस स्थानकात होते. त्यानंतर त्यांनी बाहेर येत माध्यमांना प्रतिक्रिया दिली होती. पोलिसांनी दाखल केलेली एफआयआर खोटी असल्याचा आरोप सोमय्यांनी केला होता.

महत्त्वाच्या इतर बातम्या :