Maharashtra News LIVE Updates : देश विदेशातील महत्वाच्या बातम्यांचा आढावा एका क्लिकवर
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
अमर काळे यांचा राष्टवादी काँग्रेस शरद पवार गटात पक्ष प्रवेश
अमर काळे यांनी राष्टवादी काँग्रेस शरद पवार गटात पक्ष प्रवेश केला आहे. शरद पवार, जयंत पाटील, अनिल देशमुख यांच्या उपस्थितीत सिल्व्हर ओकवर हा पक्षप्रवेश झाला. त्यामुळे वर्ध्यातून महाविकास आघाडीकडून अमर काळे यांची लोकसभेसाठी उमेदवारी जवळपास निश्चित झाली आहे.
काही सांगता येत नाही, 18 तारीख लांब आहे - पंकजा मुंडे
प्रीतम मुंडे यांच्या विरोधात राष्ट्रवादीकडून निवडणूक लढलेले बजरंग सोनवणे हे सध्या तरी विरोधक आहेत मात्र आणखी काही सांगता येत नाही 18 तारीख आणखी लांब आहे असं म्हणत पंकजा मुंडे यांनी दरवेळी भाजपच्या विरोधात निवडणूक लढणारा पुन्हा भाजपमध्ये येतो या प्रश्नाला उत्तर देताना काहीही होऊ शकतं, असा सूचक इशारा दिला आहे.
परभणीच्या बदल्यात राष्ट्रवादीला धाराशिवची जागा मिळणार?
परभणीच्या बदल्यात राष्ट्रवादीला धाराशिवची जागा मिळणार, अशी शक्यता वर्तवली जात आहे. धाराशिव लोकसभा जागेसाठी अजित पवारांच्या घरी झालेल्या बैठकीत तीनही पक्ष आग्रही होते. मात्र ही जागा राष्ट्रवादीला देण्याबाबत जवळपास निश्चिती झाल्याचे समजते. तीन पक्षाच्या नेत्यांच्या बैठकीनंतर मतदारसंघात येणाऱ्या सर्व आमदारांची आज अजित पवार यांच्या बंगल्यावर बैठक झाली. म्हाडाची जागा राष्ट्रवादीला दिल्यास राष्ट्रवादी धाराशिव सोडू शकते. राहुल मोठे, विक्रम काळे, सतीश चव्हाण आणि सुरेश बिराजदार यांच्या नावाची धाराशिव राष्ट्रवादीसाठी चर्चा आहे.
रत्नागिरी सिंधदुर्ग लोकसभेसाठी इच्छुक असणारे किरण सामंत मुख्यमंत्र्यांच्या निवासस्थानी दाखल
रत्नागिरी सिंधदुर्ग लोकसभेसाठी इच्छुक असणारे किरण सामंत मुख्यमंत्र्यांच्या निवासस्थानी दाखल झाले आहेत. हेमंत गोडसे यांच्याशी चर्चा झाल्यानंतर खासदार श्रीकांत शिंदे यांची किरण सामंत यांच्या सोबत चर्चा केली आहे. रत्नागिरी सिंधदुर्ग जागेसाठी शिवसेना आणि भाजप आग्रही आहेत. मात्र किरण सामंत आणि मुख्यमंत्री एकनाथ शिंदे यांची भेट झाली नाही.
नाशिक लोकभेच्या जागेवरून शिवसेना-राष्ट्रवादीमध्ये संघर्ष सुरू असताना भाजपाची उडी
- नाशिकच्या जागेवरून भाजप पुन्हा आक्रमक
- भाजप पदाधिकाऱ्यांचा राजीनामा देण्याचा इशारा
- नाशिक लोकसभा मतदारसंघातील काही मंडळ अध्यक्षांनी दिला राजीनाम्याचा इशारा
- नाशिकची जागा भाजपाला नाही दिली तर राजीनामा देणार, असे पदाधिकाऱ्यांनी म्हटले आहे.
महत्त्वाच्या बातम्या
ट्रेंडिंग न्यूज
