Maharashtra News Updates 25 October 2022 : मुख्यमंत्री एकनाथ शिंदे शेतकऱ्यांसोबत करणार दीवाळी साजरी, प्रत्येक जिल्ह्यातील शेतकऱ्यांना आमंत्रण
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू.
आज खंडग्रास सूर्यग्रहण
पश्चिम महाराष्ट्रात खंडग्रास सूर्यग्रहण आहे. मुंबईतून संध्याकाळी 4.49 वाजता सूर्यग्रहणास प्रारंभ होईल. ग्रहणाचा मध्य संध्याकाळी 5.43 वाजता होईल. त्यावेळी चंद्रबिंब सूर्यबिंबाचा 36 टक्के भाग झाकून टाकील. सूर्यास्त ग्रहणातच होईल. सूर्यग्रहणच्या पार्श्वभूमीवर नाशिक शहरातही चांदीचा गणपतीसह इतर महत्वाची मंदिर बंद रहाणार आहेत.
मुख्यमंत्री एकनाथ शिंदे भामरागडच्या दौऱ्यावर
मुख्यमंत्री एकनाथ शिंदे भामरागडच्या दोडराजमध्ये दिवाळी साजरी करणार आहेत. मुख्यमंत्री दुपारी 12 वाजेपर्यंत दोडराजला जाणार आहेत. तिथे ते अर्धा तास दिवाळी साजरी करतील.
शरद पवार हे इंदापूरच्या दौऱ्यावर
राष्ट्रवादीचे अध्यक्ष शरद पवार हे इंदापूरच्या दौऱ्यावर असणार आहेत, दुपारी 1 वाजता इंदापूर तालुक्यातील शेटफळ हवेली येथे शरद पवार शेतकऱ्यांशी संवाद साधणार आहेत.
शंभूराज देसाई सातारा दौऱ्यावर
साताऱ्याचे पालकमंत्री शंभूराज देसाई आज पाटण तालुक्यातील तारळे, वेखंडवाडी, पांढरवाडी येथे अतिवृष्टीने झालेल्या नुकसानाची पहाणी करणार आहेत. सकाळी 11.30 वाजता.
काँग्रेस नेते जयराम रमेश यांची पत्रकार परिषद
काँग्रेस नेते जयराम रमेश आज दिल्लीतील काँग्रेस मुख्यालय दुपारी 12 वाजता पत्रकार परिषदेला संबोधित करतील.
पश्चिम बंगाल मध्ये सितरंग चक्रावादळ येण्याची शक्यता
पश्चिम बंगाल मध्ये सितरंग चक्रावादळ येणार आहे. काल पावसाच्या हलक्या सरी पडल्यात. आज जोरदार पावसाची शक्यता आहे.
अल्पवयीन मतिमंद मुलीसोबत बलात्कारच्या आरोपाखाली एका आरोपीला अटक
अल्पवयीन मतिमंद मुलीसोबत बलात्कारच्या आरोपाखाली एका आरोपीला अटक, मात्र दुसऱ्या आरोपीचा शोध पोलीस घेत आहेत
या प्रकरणी एम आर ए मार्ग पोलीस ठाण्यात आय पी सी कलम 376 , 34 आणि पॉक्सो कलम अंतर्गत गुन्हा दाखल
अधिक तपास एम आर ए मार्ग पोलीस करत आहेत
रशिया युक्रेनवर मोठा हल्ला करण्याच्या तयारीत? मागील 10 दिवसात कीव्हमधील भारतीय दूतावासाकडून तिसरी ॲडव्हायजरी जारी
रशिया युक्रेनवर मोठा हल्ला करण्याच्या तयारीत? मागील 10 दिवसात कीव्हमधील भारतीय दूतावासाकडून तिसरी ॲडव्हायजरी जारी
भारतीयांना तात्काळ युक्रेन सोडण्याच्या सूचना
काही भारतीय नागरिक आणि विद्यार्थी युद्धाची तीव्रता परतले होते, मात्र मागील काही दिवसात युक्रेनमध्ये रशियाकडून जोरदार हल्ल्यांना सुरुवात
मोठ्या हल्ल्याची शक्यता लक्षात घेता भारतीय नागरिकांना युक्रेन सोडण्याच्या सूचना
युक्रेनच्या शेजारी राष्ट्रातील टेलिफोन क्रमांक दूतावासाकडून जारी
कीव्हमधील दूतावासासोबत संपर्क न झाल्यास रोमानिया, स्लोव्हाकिया, पोलंड, हंगेरीमधील दूतावासांना संपर्क करण्याच्या सूचना
ओझर विमानतळावरुन उड्डाण करणाऱ्या प्रवाशांना नाहक मनस्ताप, 12 वाजून 40 मिनिटाच्या स्पाईस जेटच्या विमानाने 2 वाजता घेतले उड्डाण
ओझर विमानतळावरुन उड्डाण करणाऱ्या प्रवाशांना नाहक मनस्ताप, 12 वाजून 40 मिनिटाच्या स्पाईस जेटच्या विमानाने 2 वाजता घेतले उड्डाण, प्रवासी पोहोचले दिल्ली विमानावर मात्र त्याचे लगेज राहिले ओझर विमानतळावर, अजूनही प्रवासी दिल्ली विमानतळावर सामानाच्या प्रतीक्षेत, विमानतळ आणि स्पाईस जेट प्रशासनाच्या ढिसाळ नियोजनाचा प्रवाश्यांना फटका
कृषीमंत्री अब्दुल सत्तार मुख्यमंत्र्यांच्या वर्षा निवास्थानी पोहचले, थोड्याच वेळात शेतकऱ्यांसोबत साजरी होणार दीवाळी
थोड्याच वेळात वर्षा निवासस्थानी मुख्यमंत्री शेतकऱ्यांसोबत दीवाळी साजरी करणार आहे. कृषीमंत्री अब्दुल सत्तार वर्षा निवास्थानी पोहचले आहेत. प्रत्येक जिल्ह्यातून दोन ते तीन शेतकऱ्यांना सहकुटुंब वर्षावर आमंत्रित करण्यात आलं आहे.
मुख्यमंत्री एकनाथ शिंदे शेतकऱ्यांसोबत करणार दीवाळी साजरी, प्रत्येक जिल्ह्यातील शेतकऱ्यांना आमंत्रण
मुख्यमंत्री एकनाथ शिंदे शेतकऱ्यांसोबत दीवाळी साजरी करणार आहेत. त्यासाठी त्यांनी प्रत्येक जिल्ह्यातील शेतकऱ्यांना आमंत्रण दिले आहे. मुख्यमंत्र्यांच्या वर्षा या निवास्थानी शेतकऱ्यांसोबत दीवाळी साजरी करण्यात येणार आहे.
महत्त्वाच्या बातम्या
ट्रेंडिंग न्यूज
