Maharashtra Breaking News 7 August 2022 : राज्यभरातील महत्त्वाच्या बातम्या एका क्लिकवर...

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

07/08/2022 23:21:13

Kolhapur : करुळ घाटामध्ये संरक्षक भिंत खचल्यामुळे अवजड वाहतूक बंद, चारचाकी वाहतूक मात्र सुरू

Kolhapur News :  करुळ घाटामध्ये संरक्षक भिंत खचल्यामुळे अवजड वाहतूक बंद करण्यात आला आहे.  गगनबावडा येथे अवजड वाहतूक थांबवण्यात आली चारचाकी वाहतूक मात्र सुरू आहे

07/08/2022 18:19:01

Nagpur Covid Update : दिवसभरात 153 कोरोना पॉझिटिव्ह, 49 बाधित रुग्णालयात भरती

नागपूरः रविवारी प्राप्त अहवालानुसार जिल्ह्यात दिवसभरात 153 नव्या कोरोना बाधितांची नोंद झाली. तर 169 जणांना कोरोनावर मात केली आहे. जिल्ह्यात 1788 आरटीपीसीआर चाचण्या करण्यात आल्या. सध्या जिल्ह्यात 1228 सक्रिय कोरोना बाधित आहेत. बाधितांपैकी 49 बाधितांवर रुग्णालयात उपचार सुरु असून 1179 बाधित गृहविलगीकरणात आहेत.

07/08/2022 12:15:58

धुळे : खान्देशात आज कानुमातेचा उत्सव पार पडणार

खान्देशाचे आराध्य दैवत असणा-या कानुमातेचा उत्सव आज मोठ्या जल्लोषात साजरा होणार आहे. तर उद्या सोमवारी सकाळी वाजत-गाजत कानुमातेचे विसर्जनाचा कार्यक्रम पार पडणार आहे. या उत्सवाचे वैशिटये म्हणजे परिवारातील सर्वाना तसेच मित्रमंडळी, नातेवाईकांना एकत्र आणून मोठया उत्साहात साजरा केला जातो. या उत्सवात ना गरीब, ना श्रीमंत, सगळे सारखेच केवळ मानवतेच्या भावनातून माणूसकी जोपासत एकत्र येऊन उत्सवात नातेसंबंध, भाऊबंदकी जपली जाते आणि विशेष म्हणजे अनेक वर्षाचे वैरही कानुमातेच्या साक्षीने नाहीसे होतात असे म्हटले जाते.

 

07/08/2022 12:14:29

सांगली : शेतकऱ्यांची 17 लाखांची फसवणूक, शिवाई ॲग्रो कंपनीच्या संचालकांना अटक

पलूसच्या काही शेतकऱ्यांची 17 लाखांची फसवणूक करणाऱ्या शिवाई ॲग्रो कंपनीच्या संचालकांना अटक करण्यात आलीय. फसवणूक करणाऱ्या शिवाई ॲग्रो हेल्थ कंपनीचे संचालक मनोज दिगबंर काळदाते (वय 49, रा. धायरी श्री अपार्टमेंट पुणे) आणि गणेश अशोक निंबाळकर (वय 32, रा. चिट, ता. करमाळा, जि. सोलापूर) या दोघांना पुणे आणि सोलापूर येथून अटक करण्यात आली. पलूस न्यायालयाने त्यांना 08 ऑगस्टपर्यंत पोलीस कोठडी ठोठावण्यात आली आहे.

07/08/2022 12:12:08

जळगाव : खडसेंच्या बालेकिल्ल्यात राष्ट्रवादीच्या शेकडो कार्यकर्त्यांचा शिंदे गटात प्रवेश

एकनाथ खडसे यांच्या बालेकिल्ल्यात राष्ट्रवादी काँग्रेसच्या शेकडो कार्यकर्त्यांचा चंद्रकांत पाटील यांच्या उपस्थितीत एकनाथ शिंदे गटात प्रवेश केल्याने एकनाथ खडसे यांना धक्का मानला जात आहे. बोदवड तालुक्यातील राष्ट्रवादीच्या शेकडो कार्यकर्त्यांनी अपक्ष आमदार चंद्रकांत पाटील यांच्या उपस्थित केला शिंदे गटात प्रवेश केला. मुक्ताईनगरचे शिंदे गटाचे अपक्ष आमदार चंद्रकांत पाटील यांच्यावर विश्वास ठेवत शेकडो कार्यकर्त्यांनी राष्ट्रवादीला राम राम ठोकला आहे. जळगाव जिल्हा दूध संघानंतर शिंदे गटाकडून एकनाथ खडसे यांना आपल्या बालेकिल्ल्यातच मोठा धक्का दिला आहे. बोदवड तालुक्यातील साळशिंगी येथील शेकडो राष्ट्रवादीच्या कार्यकर्त्यांनी मुक्ताईनगरचे शिंदे गटाचे अपक्ष आमदार चंद्रकांत पाटील यांच्या नेतृत्वावर विश्वास ठेवत शिंदे गटात प्रवेश केल्याने एकनाथ खडसेंना हा मोठा धक्का मानला जात आहे.

07/08/2022 12:10:20

रत्नागिरी : मुसळधार पावसामुळे गुहागरमधील साकरी पूल पाण्याखाली

सतत पडणाऱ्या मुसळधार पावसामुळे गुहागरमधील साकरी पुल पाण्याखाली गेला आहे. त्यामुळे साकरी गावात जाण्याचा मार्ग बंद झाला आहे. त्याचबरोबर लागलेली शेतीही पाण्याखाली गेली असून शेतकऱ्यांचे मोठ नुकसान झालं आहे.

07/08/2022 12:09:12

मुख्यमंत्र्यांना शेतकऱ्यांचा विसर, शेतकऱ्यांच्या नुकसानीची पाहणी करावी अशी शेतकऱ्यांची अपेक्षा

गेल्या महिन्यात जोरदार झालेल्या पावसाने हिंगोली जिल्ह्यातील शेतकऱ्यांचे मोठ्या प्रमाणात नुकसान झाले आहे. शेतातील सर्व पिकांचे पावसाने नुकसान झाले आहेत. तर अनेक गावांमध्ये सुद्धा पुराचे पाणी शिरले होते. तेव्हा मुख्यमंत्री एकनाथ शिंदे यांनी जिल्हाधिकाऱ्यांना फोनवरून उपाययोजना करण्यासंदर्भात सूचना सुद्धा दिल्या होत्या. परंतु उद्या हिंगोली जिल्ह्याच्या दौऱ्यावर राज्याचे मुख्यमंत्री एकनाथ शिंदे येणार आहेत. एकनाथ शिंदे यांच्या दौऱ्यामध्ये शेतकऱ्यांच्या नुकसान पाहणीचा साधा उल्लेख सुद्धा नसल्याचा दिसून आला आहे. जिल्ह्यातील शेतकऱ्यांच्या अपेक्षा होती की, मुख्यमंत्री जिल्हा दौऱ्यावर असताना त्यांनी नुकसानीची पाहणी करावी. परंतु मुख्यमंत्र्यांनी त्यांच्या दौऱ्यामध्ये असा कुठलाही उल्लेख नसल्याचे दिसून आले आहे. त्यामुळे मुख्यमंत्र्यांना शेतकऱ्याचा विसर पडला की काय असा प्रश्न निर्माण झाला आहे

07/08/2022 12:07:48

वर्सोवा : गांजा पिण्याच्या वादातून एकाची हत्या

वर्सोवा पोलिसांनी एका 22 वर्षीय तरुणाला त्याच्या जवळच्या मित्रावर पेव्हर ब्लॉकने हल्ला करून ठार मारल्याप्रकरणी अटक केली आहे. आरोपीनं गांजा पिण्यावरुन झालेल्या वादातून रागाच्या भरात खून केला आहे. 

07/08/2022 12:05:24

सांगली : हिंदू मुस्लिम ऐक्याचे सण असलेल्या मोहरमची पहिली भेट संपन्न

सांगलीत हिंदू मुस्लिम एक्याचे सण असलेल्या मोहरमची पहिली भेट मोठ्या उत्साहात संपन्न झाली.  झांशी चौकामध्ये हिंदू मुस्लिम ऐक्याचे सण मोहरम पहिली भेट विद्युत रोषणाईमध्ये प्रचंड उत्साहात पार पडली. ही पहिली भेट मोठ्या उत्साहात विद्युत रोषणाईसह पार पडली. सांगली पटवर्धन संस्थान मान्यतेचे मानाचे पांजाचे भेटी झाल्या. यावेळी वाजत-गाजत  भव्य मिरवणुक काढण्यात आली. यात सांगली मधील सर्व मोहरम मंडळाने सहभाग घेतला होता.

07/08/2022 12:03:55

बीड : अवैध गर्भपातासाठी वापरलेल्या गोळ्यांचा बॅच क्रमांक एकच

बीड तालुक्यातील बकरवाडी येथे झालेल्या अवैध गर्भात प्रकरणी एका महिलेचा मृत्यू झाला होता याच प्रकरणात आता एक नवा खुलासा झाला असून महिलेच्या गर्भपातासाठी वापरल्या जाणाऱ्या गोळ्या आणि उपजिल्हा रुग्णालयातील गोळ्याचा बॅच क्रमांक एकच असल्याचा धक्कादायक प्रकार चौकशीतून समोर आला आहे. या गर्भपात प्रकरणात मनीषा सानप या अंगणवाडी सेविकेला पोलिसांनी गेवराईतून अटक केली होती. मनीषा सानप हिच्याकडे गर्भपातासाठी वापरल्या जाणाऱ्या गोळ्याचा बॅच क्रमांक आणि उपजिल्हा रुग्णालयात वापरल्या जाणाऱ्या गर्भधारणा च्या गोळ्याचा बॅच क्रमांक एकच आढळून आल्याने बीड जिल्ह्यामध्ये खळबळ उडाली आहे. या सर्व प्रकरणानंतर आता औषध प्रशासनाने बीडच्या जिल्हा शल्यचिकित्स यांना पत्र लिहून गेवराईच्या उपजिल्हा रुग्णालयासह इतर आरोग्य केंद्राची तपासणी करण्याचे आदेश दिले आहेत.

07/08/2022 12:03:49

संजय राऊत यांना वैद्यकीय तपासणीसाठी जेजेला घेऊन गेले, ईडी अधिकाऱ्यांसह पोलिसांचा चोख बंदोबस्त

संजय राऊत यांना वैद्यकीय तपासणीसाठी जेजेला घेऊन गेले, ईडी अधिकाऱ्यांसह पोलिसांचा चोख बंदोबस्त

07/08/2022 12:02:39

प्रतिक पवार हल्लाप्रकरणी मिरजगावमधअये आज बंदची हाक

कर्जत येथील प्रतिक पवार हल्लाप्रकरणी मिरजगाव येथे आज बंदची हाक देण्यात आली आहे. या हल्ला प्रकरणात आतापर्यंत सहा संशयितांना अटक करण्यात आली आहे. दरम्यान कर्जत येथील सर्व पक्षीयांच्या आणि व्यापाऱ्यांची एक बैठक झाली त्यात या प्रकरणाला राजकीय वळण दिला जात असल्याचा  आरोप करण्यात आलाय...प्रतीक पवार हल्ला हा आपआपसातील जुन्या वादातून झाल्याचं त्यांचं म्हणणं आहे. 

07/08/2022 12:01:24

रत्नागिरी-गणपतीपुळे मार्गावरची वाहतूक बंद

रत्नागिरी-गणपतीपुळे मार्गावरची वाहतूक बंद, भांडरपुळे पुलावरून पाणी जात असल्याने वाहतूक बंद, मुसळधार पावसामुळे ओढ्याला पूर...

07/08/2022 11:54:33

सांगली : सावकारच्या तगाद्याला कंटाळून सलून व्यावसायिकाची आत्महत्या

खासगी सावकाराच्या तगाद्याला आणि जाचाला कंटाळून एका सलून व्यावसायिकाने आत्महत्या केल्याची घटना सांगली जिल्ह्यातील कडेगाव तालुक्यात घडलीय. कडेगाव तालुक्यातील हिंगणगाव खुर्दमधील मनोज सीताराम शिंदे (वय 40) असे या सलून व्यावसायिकाचे नाव असून त्याने सलून व्यवसायासाठी व्याजाने पैसे घेतले होते. मात्र याच पैशातून खासगी सावकाराच्या तगाद्याला आणि जाचाला कंटाळून त्याने आत्महत्या केली. ही घटना रविवारी 31 जुलैरोजी पहाटे पाच वाजता हिंगणगाव खुर्द येथे घडली.याप्रकरणी संशयित आरोपी, खासगी सावकार प्रदीप किसन यादव (वय 33, रा. कडेपूर, ता. कडेगाव) याच्याविरोधात कडेगाव पोलीस ठाण्यात गुन्हा दाखल झाला आहे. पोलिसांनी त्याला अटक करून न्यायालयात हजर केले असता, त्याला 14 दिवसांची न्यायालयीन कोठडी मिळालीय.

07/08/2022 07:44:01

नवी मुंबईतील 363 कोटी रूपयांचे हेरॅाईन जप्त प्रकरण ATSकडे!

Navi Mumbai Drugs Case : नवी मुंबई पोलिसांकडून (Navi Mumbai Police) गेल्या महिन्यात तब्बल 363 कोटी रूपयांचे हेरॅाईन जप्त (Heroin) करण्यात आलं होतं. दुबई येथून कंटेनरमधून आलेले हेरॅाईन जप्त करत मोठी कारवाई केली होती.  यामध्ये पंजाब पोलीसांकडून नवी मुंबई पोलीसांना मदत करण्यात आली होती. हे प्रकरण आता महाराष्ट्र दहशतवादी विरोधी पथक (ATS) कडे वर्ग करण्यात आले आहे. या प्रकरणाची आंतरराष्ट्रीय कनेक्शन असल्याने आता प्रकरणाचा पुढील तपास महाराष्ट्र एटीएस करणार आहे.

सविस्तर वृत्त वाचण्यासाठी येथे क्लिक करा 

07/08/2022 07:42:53

Maharashtra Rains : मराठवाड्यासह कोकण आणि पश्चिम महाराष्ट्रात पावसाची रिपरिप

Maharashtra Rains : राज्याच्या विविध भागात पावसाचा (Rain) जोर चांगलाच वाढला आहे. मराठवाड्यातील काही जिल्ह्यांसह, कोकण आणि पश्चिम महाराष्ट्रात पावसाची रिपरिप सुरु आहे. तसेच मुंबई शहरासह उपनगरात देखील पावसाचा जोर वाढला आहे. काही दिवस विश्रांती घेतलेल्या पावसानं पुन्हा एकदा सुरुवात केली आहे. दरम्यान, महाराष्ट्रात पुढील चार दिवस मुसळधार पावसाचा (Maharashtra Rain Update ) अंदाज भारतीय हवामान विभागाने  वर्तवला आहे. 

सविस्तर वृत्त वाचण्यासाठी येथे क्लिक करा 

07/08/2022 07:41:20

Vice President Election : जयदीप धनखड देशाचे नवे उपराष्ट्रपती

Vice President Election : उपराष्ट्रपतीपदाच्या निवडणुकीत  जगदीप धनखड   यांनी बाजी मारली आहे. त्यांनी विरोधकांचे उमेदवार मार्गारेट अल्वा यांचा पराभव केला आहे. धनकड यांना 528   टक्के मतं तर मार्गारेट अल्वा  यांना  182  मतं मिळाली आहेत.  जगदीप धनखड 11 ऑगस्टला नवे उपराष्ट्रपती ची शपथ घेतील. देशाचे   सध्याचे उपराष्ट्रपती व्यंकय्या नायडू यांचा कार्यकाळ 10 ऑगस्टला संपतोय. समाप्त होणार आहे. 

07/08/2022 07:40:29

इस्त्रोच्या ताफ्यात नवा प्रक्षेपक, आज होणार उड्डाण

भारतीय अंतराळ संशोधन संस्था म्हणजेच इस्त्रोच्या ताफ्यात आता नवीन रॉकेट-प्रक्षेपक दाखल होणार आहे. Small Satellite Launch Vehicle (SSLV) असं या नव्या प्रक्षेपकाचे नाव असून कमी वजनाचे उपग्रह, 500 किलोग्रॅमपेक्षा कमी वजनाचे उपग्रह अवकाशात प्रक्षेपित करण्यासाठी या प्रक्षेपकाचा वापर केला जाणार आहे.  या रॉकेट प्रक्षेपकाची निर्मिती इस्रोने केली असून याचे पहिले उड्डाण हे आज होणार आहे. 

07/08/2022 07:40:05

Acasa Air's First Flight : अकासा एअरचं पहिलं विमान उडणार

Acasa Air's First Flight : राकेश झुनझुनवाला यांच्या मालकीचे अकासा एअर कंपनीचे (Akasa Air) पहिलं विमान उडणार आहे. पहिले विमान हे 7 ऑगस्ट 2022 पासून मुंबई ते अहमदाबादला (Mumbai To Ahmedabad) उड्डाण करणार आहे. पहिल्या टप्प्यात मुंबई, अहमदाबाद, बंगळुरू, कोची या चार शहरांना जोडले जाणार आहे.

पार्श्वभूमी

राष्ट्रीय-आंतरराष्ट्रीय तसेच स्थानिक पातळीवरील घडणाऱ्या सर्व घडामोडींची सर्वात पहिली बातमी 'एबीपी माझा' आपल्या प्रेक्षक-वाचकांना देण्याचा प्रयत्न करत आहे. त्यामध्ये आज राजकीय, सामाजिक, आर्थिक घडामोडींपासून ते खेळ आणि मनोरंजनाच्या बाबतीत अपडेट्स देण्याचा प्रयत्न असतो. आपल्या प्रेक्षक-वाचकांना अप-टू-डेट ठेवण्याचा एक भाग म्हणून आम्ही आज दिवसभरात काय-काय महत्त्वाच्या घडामोडी घडणार आहेत याची माहिती देत आहोत... 

अकासा एअरचं पहिलं विमान उडणार

राकेश झुनझुनवाला यांच्या मालकीचे अकासा एअर कंपनीचे (Akasa Air) पहिलं विमान उडणार आहे. पहिले विमान हे 7 ऑगस्ट 2022 पासून मुंबई ते अहमदाबादला (Mumbai To Ahmedabad) उड्डाण करणार आहे. पहिल्या टप्प्यात मुंबई, अहमदाबाद, बंगळुरू, कोची या चार शहरांना जोडले जाणार आहे.

इस्त्रोच्या ताफ्यात नवा प्रक्षेपक, आज होणार उड्डाण

भारतीय अंतराळ संशोधन संस्था म्हणजेच इस्त्रोच्या ताफ्यात आता नवीन रॉकेट-प्रक्षेपक दाखल होणार आहे. Small Satellite Launch Vehicle (SSLV) असं या नव्या प्रक्षेपकाचे नाव असून कमी वजनाचे उपग्रह, 500 किलोग्रॅमपेक्षा कमी वजनाचे उपग्रह अवकाशात प्रक्षेपित करण्यासाठी या प्रक्षेपकाचा वापर केला जाणार आहे.  या रॉकेट प्रक्षेपकाची निर्मिती इस्रोने केली असून याचे पहिले उड्डाण हे आज होणार आहे. 

जयदीप धनखड देशाचे नवे उपराष्ट्रपती

उपराष्ट्रपतीपदाच्या निवडणुकीत  जगदीप धनखड   यांनी बाजी मारली आहे. त्यांनी विरोधकांचे उमेदवार मार्गारेट अल्वा यांचा पराभव केला आहे. धनकड यांना 528   टक्के मतं तर मार्गारेट अल्वा  यांना  182  मतं मिळाली आहेत.  जगदीप धनखड 11 ऑगस्टला नवे उपराष्ट्रपती ची शपथ घेतील. देशाचे   सध्याचे उपराष्ट्रपती व्यंकय्या नायडू यांचा कार्यकाळ 10 ऑगस्टला संपतोय. समाप्त होणार आहे. 

आज इतिहासात

1941 साली नोबल पारितोषिक विजेता भारतीय राष्ट्रगीताचे जनक कवी, संगीतकार, कलाकार आणि भारतीय उपखंडातील आयुर्वेद-संशोधक रवींद्रनाथ टागोर यांचे निधन.

1947 साली मुंबईच्या महानगर पालिकेने बेस्ट कंपनी आपल्या ताब्यात घेतली.