BJP Manifesto Live : तीन कोटी घरे बांधणार, महिलांना लखपती करणार, वीज बिल शू्न्य करण्याचा प्रयत्न; निवडणुकीसाठी भाजपचा जाहीरनामा प्रसिद्ध
Maharashtra Political News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
भंडारा : दिव्यांग आणि ज्येष्ठ नागरिक जे मतदान केंद्रापर्यंत मतदानासाठी जाण्यास असमर्थ आहेत, अशांसाठी निवडणूक आयोगानं यावर्षी गृह मतदानाची सोय केली आहे. भंडारा जिल्ह्यातील साकोली येथील 98 वर्षीय जैनबी जब्बर कुरेशी या जिल्ह्यातीलच नव्हे तर राज्यातील पहिल्या गृह मतदार ठरल्या आहेत. मागील पाच वर्षात प्रकृती बरी राहत नसल्यानं त्यांनी मतदान केलं नव्हतं. मात्र, यावर्षी निवडणूक आयोगाच्या आदेशानुसार मतदान अधिकारी त्यांच्या घरी पोहचलेत आणि त्यांचं मतदान करून घेतलं. राज्यातील लोकसभेचं पहिल्या टप्प्यातील मतदान पूर्व विदर्भात होत आहे. त्याअनुषंगानं भंडाऱ्यात 7 एप्रिलला झालेल्या गृह मतदान प्रक्रियेत जैनबी कुरेशी यांचं मतदान झालं.
Sudhir Mungantiwar : चंद्रपूर आर्णी लोकसभा मतदारसंघात महायुतीचे उमेदवार सुधीर मुनगंटीवार यांच्या समर्थनार्थ मनसे प्रचारकार्यात उतरली असून, मनसेचे नेते राजू उंबरकर यांनी शेकडो कार्यकर्त्यांना घेऊन उपमुख्यमंत्री देवेंद्र फडणवीस यांच्या विजय संकल्प सभेला हजेरी लावली. शेतकऱ्यांचे प्रश्न आणि वेकोलीमध्ये स्थानिकांचे प्रश्न सोडविण्याचे वचन फडणवीस आणि सुधीर मुनगंटीवार यांचेकडून मिळाले असल्याने आणि राज ठाकरे यांनी आदेश दिल्याने मनसे पूर्ण ताकदीनिशी महायुतीच्या उमेदवाराला बहुमताने विजयी करेल असा विश्वास राजू उंबरकर यांनी व्यक्त केला. यवतमाळच्या वणी उपविभागात मनसेची मोठी ताकद असून चंद्रपूर मध्येही मनसेचा कार्यविस्तार आहे. त्यामुळे महायुतीच्या उमेदवाराला बळ मिळाले आहे.
Thane News : अमरावतीच्या लोकसभेसाठी इच्छुक असणारे अभिजीत अडसूळ मुख्यमंत्री यांच्या भेटीसाठी दाखल
मुख्यमंत्री एकनाथ शिंदे यांच्या ठाण्यातील शुभ-दीप निवासस्थानी अभिजीत अडसूळ आणि मुख्यमंत्री एकनाथ शिंदे यांच्यात चर्चा सुरू
अपक्ष निवडणूक लढवण्याची तयारी देखील अभिजीत अडसूळ दर्शवली आहे
अमरावतीचा लोकसभेचा तिढा अजून देखील कायम
बच्चू कडू यांच्यानंतर अभिजीत अडसूळ यांचा नवनीत राणांनाच्या विरोधात लढण्याची तयारी
सिंधुदुर्ग : केंद्रीयमंत्री नारायण राणे आणि दिपक केसरकर यांची केसरकर यांच्या सावंतवाडीतील निवासस्थानी भेट घेतली आहे. तब्बल दहा वर्षांनंतर राणे केसरकर यांच्या निवासस्थानी पोहोचले. 2014 च्या लोकसभा निवडणुकी दरम्यान केसरकर आणि राणे यांच्यात राजकीय मतभेद झाल्यानंतर केसरकर यांनी राष्ट्रवादीला सोडचिठ्ठी देत शिवसेनेत प्रवेश केला होता. त्यानंतर राणे केसरकर यांचा राजकीय संघर्ष तब्बल दहा वर्ष पाहायला मिळाला. मात्र राज्यात सत्तांतर झाल्यानंतर केसरकर यांनी नारायण राणेंच्या कणकवली निवासस्थानी दाखल होत मैत्रीच एक पाऊल पुढे टाकलं होतं. दरम्यान आज खुद्द नारायण राणेचं केसरकर यांच्या निवासस्थानी दाखल होत केसरकर यांची सदिच्छा भेट घेतली. राणे आणि केसरकर दोघेही एकत्रच आज सावंतवाडी मतदारसंघात प्रचार करणार आहेत.
अमरावती : काँग्रेस नेत्या आमदार यशोमती ठाकूर यांचा राणा दाम्पत्यावर हल्लाबोल केला आहे. अमरावतीत डॉ. बाबासाहेब आंबेडकर यांच्या जयंती निमित्त काँग्रेस नेत्या यशोमती ठाकूर यांच्याकडून संविधानाच्या प्रस्ताविकेच सामूहिक वाचन करण्यात आलं. अमरावतीची लढाई ही बदमाशाच्या विरुद्ध इमानदारीची लढाई अमरावतीची लढाई चोरा विरुद्ध लढाई आहे. अमरावतीची लढाई राणा विरुद्ध आणि अस्तित्वाची लढाई आहे. आज जर आपण चुकलो तर, गुंडाची लँडमाफीयांची अमरावती ओळखल्या जाईल, अशी यशोमती ठाकूर यांनी राणा दाम्पत्यावर सडकून टीका केली आहे.
मुंबई : नाशिकचे खासदार हेमंत गोडसे मुख्यमंत्री एकनाथ शिंदे यांच्या ठाण्यातील शुभ- दीप निवासस्थानी दाखल
दोन दिवसांपूर्वी केली होती खासदारश्रीकांत शिंदे यांच्यासोबत चर्चा..
नाशिकची जागा शिवसेनेला सुटावी असा हेमंत गोडसे यांचा आग्रह..
नाशिकचा जागेवरचा तिढा अजून देखील कायम..
जागावाटप संदर्भात चर्चा होण्याची शक्यता.
बुलढाणा : मुख्यमंत्री एकनाथ शिंदे आज बुलढाणा जिल्ह्याच्या दौऱ्यावर आहेत महायुतीचे उमेदवार प्रतापराव जाधव यांच्या प्रचारार्थ महायुतीच्या पदाधिकाऱ्यांच्या मेळाव्यासाठी ते येत आहेत. दुपारी दोन वाजता मुख्यमंत्री बुलढाण्यात पोहोचतील आणि त्यानंतर बुलढाणा शहराच्या धाड नाका परिसरात असलेल्या ओमकार लॉन्स येथे महायुतीचा पदाधिकारी मेळावा आयोजित करण्यात आलेला आहे.
BJP Manifesto Live : भाजप देशाच्या कानाकोपऱ्यात वंदे भारत ट्रेनचा विस्तार करणार आहे. वंदे भारतचे तीन मॉडेल देशात धावतील. वंदे भारत स्लीपर, वंदे भारत चेअरकार आणि वंदे भारत मेट्रो. आज अहमदाबाद मुंबई बुलेट ट्रेनचे काम जोरात सुरू असून ते जवळपास शेवटच्या टप्प्यात आले आहे. त्याचप्रमाणे उत्तर भारतात एक बुलेट ट्रेन, दक्षिण भारतात एक बुलेट ट्रेन आणि पूर्व भारतात एक बुलेट ट्रेन धावणार आहे. त्यासाठी सर्वेक्षणाचे कामही लवकरच सुरू करण्यात येणार आहे, असं पंतप्रधान मोदींनी सांगितलं आहे.
PM Modi BJP Manifesto Live : भाजप सरकारने गरिबांसाठी चार कोटी पक्की घरे बांधली आहेत. आता, राज्य सरकारांकडून मिळणाऱ्या अतिरिक्त माहितीचा विचार करून, त्या कुटुंबांची काळजी करताना आणखी तीन कोटी घरे बांधणार आहे, अशी घोषणा पंतप्रधान मोदींनी केली आहे.
BJP Manifesto 2024 : आतापर्यंत आम्ही प्रत्येक घरापर्यंत स्वस्त गॅस सिलिंडर पोहोचवले आहेत, आता आम्ही प्रत्येक घरात स्वस्त पाईपचा स्वयंपाक गॅस पोहोचवण्यासाठी वेगाने काम करू, असं भाजपच्या जाहीरनाम्याच्या लोकार्पण कार्यक्रमात पंतप्रधान मोदी म्हणाले आहेत.
BJP Manifesto Live : पंतप्रधान मोदी म्हणाले की, गेल्या दहा वर्षांत सुमारे 10 कोटी महिला स्वयं-सहायता गटांमध्ये सामील झाल्या आहेत. आम्ही या बचत गटांना माहिती तंत्रज्ञान, शिक्षण, आरोग्य, किरकोळ आणि पर्यटन या क्षेत्रात प्रशिक्षण देण्याचा निर्णय घेतला आहे. खऱ्या अर्थाने सामाजिक विकास आणि सामाजिक समावेशासाठी भाजप अथक प्रयत्न करत आहे. आम्ही ज्येष्ठ नागरिक आणि ट्रान्सजेंडर समुदायाला आयुष्मान भारत योजनेच्या कक्षेत आणण्याचा निर्णय घेतला आहे.
BJP Manifesto Live : ट्रान्सजेंडर समुदाय आयुष्मान भारत योजनेच्या कक्षेत येईल असे भाजपने ठरवले आहे, असे पंतप्रधान मोदींनी म्हटले आहे.
PM Modi Live : भाजपचं संकल्पपत्र विकसित भारताच्या सर्व चार मजबूत स्तंभांना - युवा शक्ती, महिला शक्ती, गरीब आणि शेतकरी सक्षम करते. राहणीमान, जीवनाचा दर्जा आणि नोकऱ्या वाढवण्यावर आमचं लक्ष आहे, असंही मोदींनी म्हटलं आहे.
पंतप्रधान मोदींची गॅरंटी मोदींची गॅरंटी 24 कॅरेट सोन्यासारखी आहे, असं राजनाथ सिंह यांनी म्हटंल आहे.
नांदेड : भाजपाचे आमदार राजेश पवार हे खासदार प्रतापराव पाटील चिखलीकर यांच्या प्रचारार्थ नायगाव मतदारसंघात गाठीभेटी घेत आहेत. नायगाव मधील गोदमगाव या गावात राजेश पवार प्रचारासाठी गेले असता, गेल्या पाच वर्षात तुम्ही गावाला कितीदा भेट दिली, असा सवाल करत गावकऱ्यांनी प्रश्न विचारले, आमदार राजेश पवार चर्चेला तयार झालेला असतानाही गावकऱ्यांनी मात्र विरोध दर्शवत कोणतीही चर्चा केली नाही, गावकऱ्यांच्या नाराजी मुळे आमदार राजेश पवार यांनाआल्या पावली गावातून बाहेर पडावे लागले आहे.
सांगली : विशाल पाटील मंगळवारी आधी काँग्रेस पक्षाच्या वतीने अर्ज भरणार
जर काँग्रेस चिन्हावरच्या उमेदवारीचा निर्णय झालाच नाही तर पुन्हा विशाल पाटील अपक्ष अर्ज भरण्याची शक्यता
काँग्रेसकडून उमेदवारी मिळण्याची विशाल पाटील यांना अजूनही आशा
मंगळवारी गणपती मंदिर पासून काँग्रेस भवन रॅली काढून शक्तिप्रदर्शन करत विशाल पाटील अर्ज भरणार
BJP Manifesto Live : समाजातील प्रत्येक वर्गांसाठी भाजप सरकारने काम केलं. राम मंदिरासाठी पंतप्रधान मोदींचं मोठं योगदान आहे. पंतप्रधान मोदींच्या नेतृत्वात देशाचा विकास झाला, गावागावात रस्ते झाले, असं जे.पी. नड्डा यांनी म्हटलं आहे.
BJP Manifesto Lok Sabha Election 2024 : आज प्रसिद्ध होणार भाजपचा जाहीरनामा, डॉ. बाबासाहेब आंबेडकर यांच्या जयंतीचं निमित्त साधून मतदारांसमोर जाहीरनामा मांडणार
छत्रपती संभाजीनगर : लोकसभा निवडणुकीच्या अनुषंगाने एमआयएम पक्षाचे प्रमुख असदुद्दीन ओवेसी हे आज संभाजीनगर दौऱ्यावर आहेत. विद्यमान खासदार इम्तियाज जलील यांच्या प्रचारासाठी आज शहरात बैठका घेणार आहेत. गेल्या महिन्याभरात ते चौथ्यांदा आज संभाजीनगर दौरा करत आहे. एकीकडे वंचितने दिलेला उमेदवार मुस्लिम समुदायातील असल्याने जलील यांच्यासाठी ही निवडणूक महत्त्वाची आहे. त्यामुळे येणाऱ्या निवडणुकीत वंचित आघाडी जलील यांच्यासाठी डोकेदुखी ठरते की काय, हे पाहाणं तितकच महत्त्वाचं ठरणार आहे. त्यामुळे एमआयएमला संभाजीनगरची जागा टिकवणं हे मोठं आव्हान असणार आहे.
Bollywood Actor Govinda Road Show in Yavatmal : यवतमाळ-वाशिम लोकसभा मतदार संघात महायुतीच्या उमेदवार राजश्री पाटील यांच्या प्रचारार्थ शिंदे गटाचे नेते सिनेअभिनेते गोविंदा यांची आज यवतमाळ शहरात रोडशो रॅली काढण्यात आली. यावेळी नागरिक मोठ्या संख्येने गोविंदा याला पाहण्यासाठी गर्दी केली. अनेकांनी गोविंदासोबत सेल्फी काढला.
यवतमाळ : निर्माल्य विसर्जनासाठी गेलेल्या काकूसह दोन मुलींचा पैनगंगा नदी पात्रात बुडून मृत्यू झाला आहे. ही घटना आर्णी तालुक्यातील कवठा बाजार येथे घडली. प्रतीक्षा प्रवीण चौधरी (35), कु. अक्षरा निलेश चौधरी (13), कु. आराध्य निलेश चौधरी (11) अशी मृतकांची नावे आहेत. नदी पात्रात अवैध रेती उत्खननमुळे खोल खड्डे पडल्याने यात पडून मृत्यू झाल्याचं बोललं जात आहे.
Ratnagiri-Sindhudurg Lok Sabha Election 2024 : रत्नागिरी - सिंधुदुर्ग या लोकसभा मतदारसंघात महायुतीचा उमेदवार कोण? याचा निर्णय अद्यापही झालेला नाही. एकीकडे नारायण राणे यांनी जोरात प्रचाराला सुरूवात केली आहे. तर, दुसरीकडे इच्छुक उमेदवार किरण सामंत यांनी मुंबईत ठाण मांडलं आहे. पण, इकडे नारायण राणे यांनी मात्र उमेदवारी अर्ज निवडणूक अधिकाऱ्यांकडून घेतले आहेत. मिळालेल्या माहितीनुसार नारायण राणे यांच्या प्रतिनिधींनी चार उमेदवारी अर्ज घेतले आहेत. नारायण राणेंच्या नावाची अद्याप तरी घोषणा नाही. पण, भाजपकडून महायुतीचे उमेदवार राणेच असतील असा दावा केला जात आहे. दरम्यान, राणे यांच्यासह विनायक राऊत यांनी चार, वंचितच्या उमेवाराकडून एक, अपक्ष उमेदवाराकडून एक असे एकूण 17 उमेदवारी अर्ज निवडणूक अधिकाऱ्यांकडून घेतले गेले आहेत.
नांदेड : काँग्रेसचे उमेदवार वसंतराव चव्हाण यांनी आज मरळक येथे प्रचाराचा नारळ फोडत सभा घेतली त्यात त्यांनी अशोक चव्हाण यांनी मला भाजपात येणाची ऑफर दिल्याचा दावा केला. माझं अभिनंदन करणार की नाही, असे सुद्धा चव्हाण म्हणाल्याचे देखील त्यांनी सांगितले. त्यानंतर मी तुमच्या सोबत कसायाला येऊ, असे देखील मी अशोक चव्हाण यांना सांगितल्याचा दावा वसंत चव्हाण यांनी मरळकच्या सभेत केला आहे.
Parbhani News : परभणीत मी विकासाच्या मुद्द्यावर निवडणूक लढवायला आलेलो आहे, जातीपातीच्या नाही, इथला खासदार ना निधी खर्च करतो, ना संसदेत जातो, असा खोचक टोला महायुतीचे उमेदवार महादेव जानकर यांनी महाविकास आघाडीचे उमेदवार संजय जाधव यांना लागवलाय. पंतप्रधान नरेंद्र मोदी स्वतः माझ्या प्रचारासाठी येत्या 20 एप्रिल रोजी परभणीत येणार असल्याची माहिती ही महादेव जानकर यांनी भर सभेत दिली आहे.
नाशिक : लोकसभा निवडणुकीत मतदानाची टक्केवारी वाढावी यासाठी भारत सरकार मार्फत विविध जनजागृतीचे उपक्रम राबविले जात असतांना नाशिकच्या नितीन पाटील या उपक्रमशील शिक्षकाने आदियोगी फाऊंडेशन च्या माध्यमांतून लग्न पत्रिकेद्वारे मतदानाची जनजागृती करत आहेत. चि.मतदान आणि चि.सौ.का.लोकशाही यांचा शुभ विवाह असल्याने ' आम्ही भारताचे लोक ' यांच्या विनंतीला मान देवून मतदान करायला यायचं हं असे आग्रहाचे निमंत्रण दिले जात आहे. नाशिक लोकसभा मतदारसंघात गेल्या 15 दिवसांपासून ही अभिनव लग्नपत्रिका ते वाटत असून लोकशाहीच्या अनोख्या लग्नपत्रिकेने मतदारांचे लक्ष वेधून घेतले आहे.
Kolhapur News : मुख्यमंत्री एकनाथ शिंदे पहाटे मुंबईच्या दिशेनं रवाना
धैर्यशील माने यांना विजयी करण्यासाठी मुख्यमंत्री एकनाथ शिंदे यांनी कंबर कसली
हातकणंगले लोकसभा मतदार संघात रात्रभर लावल्या जोडण्या
मध्यरात्री आमदार विनय कोरे आणि आमदार राजेंद्र पाटील यड्रावकर यांची घेतली भेट
रात्री 1 वाजता मुख्यमंत्री वारणानगर इथं विनय कोरे यांच्या घरी
तर रात्री अडीच वाजता जयसिंगपूर इथं आमदार राजेंद्र पाटील यड्रावकर घरी भेट
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
- - - - - - - - - Advertisement - - - - - - - - -