Maharashtra Coronavirus Cases Today : बुधवारी राज्यात 1847 नव्या रुग्णांची नोंद, सात जणांचा मृत्यू

Maharashtra Coronavirus Cases Today : राज्यात बुधवारी एक हजार 847 नव्या रुग्णांची नोंद झाली आहे. तर सात कोरोनाबाधितांचा मृत्यू झाला आहे.

coronavirus

Maharashtra Coronavirus Cases Today :  गेल्या काही दिवसांपासून राज्यातील दैनंदिन कोरोना रुग्णांची संख्या कमी जास्त होत आहे. आरोग्य विभागाने दिलेल्या माहितीनुसार, राज्यात बुधवारी एक हजार 847 नव्या रुग्णांची नोंद झाली आहे. तर सात कोरोनाबाधितांचा मृत्यू झाला आहे. तसेच गेल्या 24 तासांमध्ये राज्यात एकूण 1840 रुग्ण बरे होऊन घरी परतले आहेत. दरम्यान, मंगळवारी राज्यात 1782 नव्या रुग्णांची भर पडली होती. 

आरोग्य विभागाने दिलेल्या माहितीनुसार, बुधवारी राज्यात 1840 रुग्णांनी कोरोनावर मात केली आहे.  राज्यात आजपर्यंत एकूण 79,04,320 करोना बाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) 98.02% एवढे झाले आहे. आज राज्यात 1847 नवीन रुग्णांचे निदान झाले आहे. तर राज्यात आज सात करोना बाधित रुग्णाच्या मृत्यूची नोंद झालेली आहे. सध्या राज्यातील मृत्यूदर 1.83% एवढा आहे.

आजपर्यंत तपासण्यात आलेल्या 8,35,16,877 प्रयोगशाळा नमुन्यांपैकी 80,64,366 (09.66 टक्के) नमुने पॉझिटिव्ह आले आहेत. राज्यात आज रोजी एकूण 11889 ॲक्टिव्ह रुग्ण आहेत.  

 सर्वार्धिक सक्रीय रुग्ण कुठे? -
आरोग्य विभागाने दिलेल्या माहितीनुसार, राज्यात सध्या 11 हजार 889 सक्रीय रुग्ण आहेत. यामध्ये सर्वाधिक सक्रीय रुग्ण मुंबई, पुणे, ठाणे आणि नागपूरमध्ये आहेत. मुंबईमध्ये तीन हजार 545 सक्रीय रुग्ण आहेत. तर ठाण्यात 1157 पुण्यात 2564, नागपूर 920 सक्रीय रुग्ण आहेत. त्याशिवाय गडचिरोली आणि वाशिमध्ये सर्वात कमी सक्रीय रुग्ण आहेत. गडचिरोलीमध्ये 10 तर वाशिममध्ये 11 रुग्ण आहेत. 

आज कुठे किती रुग्ण आढळले? -
आरोग्य विभागाने दिलेल्या माहितीनुसार, राज्यात आज 1847 नवे रुग्ण आढळले आहेत. यामध्ये सर्वाधिक रुग्ण मुंबई महानगरपालिकामध्ये आढळले आहेत. मुंबईमध्ये 852 आणि पुणे मनपामध्ये 181 रुग्ण आढळले आहेत. यवतमाळ, परभणी,  जालना, जळगाव मनपा, धुळे मनपा, आणि धुळ्यात आज एकही रुग्ण आढळळा नाही.

गेल्या 24 तासांत 16,047 नवे कोरोनाबाधित -
देशात कोरोना व्हायरसचा (Covid-19) प्रादुर्भाव अद्याप सुरुच आहे. गेल्या 24 तासांत देशात 16 हजार 47 नव्या कोरोनाबाधितांची नोंद करण्यात आली होती. सध्या 1,28,261 सक्रिय रुग्ण देशात आहेत. तर, नव्या आकड्यांनुसार, गेल्या 24 तासांत 19,539 रुग्ण कोरोनामुक्त झाले आहेत. देशात काल, म्हणजेच, 9 ऑगस्ट रोजी 12,751 नव्या रुग्णांची नोंद झाली होती, 8 ऑगस्ट रोजी 16167 नव्या कोरोनाबाधितांची नोंद, 7 ऑगस्ट रोजी 18,738 नव्या रुग्णांची नोंद, 6 ऑगस्ट रोजी 19,406 नवीन प्रकरणे, 4 ऑगस्ट रोजी 19,893 नवीन प्रकरणे आणि 3 ऑगस्ट रोजी 17,135 नवीन प्रकरणे नोंदवण्यात आली आहेत.