लाडकी बहीण योजनेसाठी 'नारीशक्ती दूत' ॲपवरुन अर्ज भरताना ही काळजी घ्या, तो एरर नाही
नारीशक्ती दूत अॅप डाऊनलोड केल्यानंतर सर्वप्रथम अर्जदार महिलेचे फ्रोफाईल बनवून घ्यावे लागणार आहे.
मुंबई : राज्य सरकारची महत्वाकांक्षी योजना असलेल्या मुख्यमंत्री माझी लाडकी बहीण योजनेसाठी ऑनलाईन पद्धतीने व ऑफलाईन पद्धतीने अर्ज भरण्यात येत आहे. मात्र, ऑफलाईन पद्धतीने भरलेला अर्जही पुन्हा ऑनलाईन पद्धतीने भरावा लागणार आहे. त्यामुळे, शक्यतो ऑनलाईन पद्धतीनेच हा अर्ज भरावा असं आवाहन प्रशासनाकडून केलं जात आहे. सध्या सेतू केंद्रावर आणि नारीशक्ती दूत अॅपवरुन ऑनलाईन पद्धतीने अर्ज भरला जात आहे. या अॅपवरुन अर्ज भरताना काही प्रश्न अर्ज भरणाऱ्यांच्या मनात येत असून तांत्रिक एररही येत आहेत. त्यामुळे, अर्ज भरताना अर्जदाराने काही गोष्टींची अगोदरच काळजी घ्यायला हवी. त्यामध्ये, कागदपत्रे अगोदरच स्कॅन करुन आपल्या मोबाईलच्या फोल्डरमध्ये ठेवायला पाहिजे. तसेच,
नारीशक्ती दूत अॅप डाऊनलोड केल्यानंतर सर्वप्रथम अर्जदार महिलेचे फ्रोफाईल बनवून घ्यावे लागणार आहे. त्यामध्ये, अर्जदार महिलेचे नाव, ई-मेल आयडी आणि मोबाईल नंबर द्यावा लागतो. तसेच, तुमचं गावाचे नाव, जिल्हा याचीही माहिती द्यावी लागणार आहे. अर्ज भरताना अर्जदार महिलेल्या आधार कार्डवर असलेलं नाव आणि आधार कार्डवरील जन्मतारीख अर्जात नमूद करायची आहे. अर्जात तुम्हाला वैवाहिक स्थिती टाकायची असून विवाहित महिलांनी विवाहित लिहायचं आहे. त्यानंतर, तुमच्या बँक खात्याची तपशीलवार माहिती भरायची आहे.
अर्ज भरल्यानंतर अर्जदाराने कागदपत्रे अपलोड करायची आहेत. ही सर्व कागदपत्रे स्कॅन करुन घ्यायची आहेत. त्यामध्ये,
1. उत्पन्न प्रमाणपत्र किंवा पिवळं रेशनकार्ड, केशरी रेशन कार्ड
2.हमीपत्र डाऊनलोड करुन, त्याची प्रिंट काढून, त्यावर सही करुन अपलोड करायचे आहे.
3.यामध्ये बँक पासबुकची फोटोची स्कॅनकॉपी अपलोड करायची आहे.
4.अर्जदार महिलेने आपले रहिवाशी अधिवास प्रमाणपत्र किंवा जन्मदाखला, शाळेचा दाखला अपलोड करायचा आहे.
ही सर्व कागदपत्रे अपलोड केल्यानंतर तिथे अर्जदाराचा फोटो हा ऑप्शन येईल. त्यावेळी, फोटो अपलोड न करता, ऑनलाईन फोटो काढायचा आहे. तेथील बटण प्रेस करुन मोबाईलवरुनच हा फोटो काढता येतो. मोबाईल कॅमेऱ्याने लाईव्ह फोटो काढल्यानंतर, अॅक्सेप्ट हमीपत्र डिस्क्लेमर क्लिक करायचं आहे.
image not supported on this device हा एरर नाही
सर्वकाही सबिमिट केल्यानंतर तुम्हाला image not supported on this device असा मेसेज तुमच्या अर्जात दिसून येईल. या एररमुळे आपली कागदपत्रे अपलोड झाली नाहीत का, कागदपत्रे अपलोड होताना काही तांत्रिक अडचण निर्माण झाली आहे का, असा प्रश्न तुम्हाला पडेल. मात्र, तसा मेसेज दिसून आल्यावरही घाबरण्याचं कारण नाही. कारण, तो अॅपचा एरर असून तुमची कागदपत्रे अपलोड झाली आहेत, असेच समजा. डॉक्युमेट अपलोड केल्यानंतर फॉर्म सबमिट करा, या बटणावर क्लिक करुन तुम्हाला फॉर्म सबमिट करायचा आहे. सबमिट केल्यानंतर तुमच्या मोबाईलवर 4 अंकी ओटीपी येईल. तो ओटीपी टाकल्यानंतर व्हेरीफाय ओटीपीवर क्लिक करायचं आहे. तुमचा फॉर्म सक्सेसफुली सबमिट झाला असून तुम्हाला स्क्रीनवर सर्व्हे नंबर दिसून येईल. या सर्व्हे नंबरचा स्क्रीनशॉट काढून तुम्ही जवळ ठेऊ शकता.
अर्ज या वेळेत भरणे अधिक सोयीचे
दरम्यान, मोबाईलवरील नारीशक्ती दूत अॅपवरुन फॉर्म भरताना लोडिंग किंवा बफरिंग होत असल्यास जास्त लोकं एकाचवेळी फॉर्म भरत असल्याने ती तांत्रिक अडचण येते. त्यामुळे, दिवसा तशी तांत्रिक अडचण आल्यास रात्री 10 नंतर किंवा सकाळी 7 वाजण्यापूर्वी अर्ज भरल्यास ती देखील अडचण येणार नाही, त्यामुळे, अर्ज भरताना या काही गोष्टींची काळजी घेतल्यास सहज व सुलभपणे अर्ज भरला जाऊ शकतो.
Before You Go
Nashik Potholes Special Report:नाशिकच्या खड्ड्यांवरुन राजकारण तापलं, राऊतांची टीका, महाजनांचा पलटवार
महत्त्वाच्या बातम्या
