![ABP Premium](https://cdn.abplive.com/imagebank/Premium-ad-Icon.png)
Kolhapur | जेवणामध्ये सापडली पाल, जाब विचारल्याच्या रागातून हॉटेल व्यवस्थापनाकडून जबर मारहाण
कोल्हापूरातील एका हॉटेलमध्ये जेवणामध्ये पाल सापडली. त्याचा जाब विचारल्यानंतर हॉटेल व्यवस्थापनाकडून संबंधित तरुणांना जबर मारहाण केल्याचा प्रकार घडलाय.
![Kolhapur | जेवणामध्ये सापडली पाल, जाब विचारल्याच्या रागातून हॉटेल व्यवस्थापनाकडून जबर मारहाण Kolhapur news lizard found in meal violent fighting at the hotel Kolhapur | जेवणामध्ये सापडली पाल, जाब विचारल्याच्या रागातून हॉटेल व्यवस्थापनाकडून जबर मारहाण](https://static.abplive.com/wp-content/uploads/sites/4/2021/02/28180020/Kolhapur-Pal.jpg?impolicy=abp_cdn&imwidth=1200&height=675)
कोल्हापूर: शहरात जेवणामध्ये मेलेली पाल सापडल्यावर त्याचा जाब विचारणाऱ्या तरुणांना एका हॉटेलमध्ये जबर मारहाण करण्यात आली आहे. कोल्हापूर शहरातील राजेंद्रनगर परिसरामध्ये एका हॉटेलमध्ये शनिवारी रात्री हा प्रकार घडला. यामुळे खवय्यांचे शहर म्हणून ओळखणाऱ्या कोल्हापुरात एकच खळबळ उडाली.
याबाबत जखमी तरुणांनी दिलेल्या माहितीनुसार, शनिवारी रात्री नऊच्या सुमारास ते जेवणासाठी राजेंद्रनगर परिसरातील एका हॉटेलमध्ये गेले होते. त्यांनी शाकाहारी आणि मांसाहारी पदार्थ मागवले. त्यामधील शाकाहारी पदार्थात मेलेली पाल सापडली. याबाबत हॉटेल व्यवस्थापकाला त्या तरुणांनी जाब विचारायला सुरुवात केली.
नाही तटत, नाही अडत, एव्हरी बडी से खच्याक, विषय संपला! कोल्हापुरातील खच्याक मामाने घेतला जगाचा निरोप
हा सगळा शाब्दिक वाद सुरू असताना काही तरुणांनी त्याचे व्हिडिओ शूटिंग केले. त्याचाच राग आल्याने हॉटेलमधील व्यवस्थापक, तेथील बाऊन्सर त्याचबरोबर वेटर यांनी त्या तरुणांना बेदम मारहाण केल्याचं सांगण्यात येतंय. या मारहाणीमध्ये जखमी झालेल्या तरुणांना कोल्हापूरच्या सीपीआर रुग्णालयामध्ये दाखल करण्यात आलं आहे.
या घटनेनंतर जखमी तरुणांच्या नातेवाईकांनी राजारामपुरी पोलीस स्टेशनसमोर मोठी गर्दी केली. तरुणांना मारहाण करणाऱ्यांवर कारवाई करावी अशी मागणी करण्यात आली. रात्री उशिरापर्यंत दोन्ही बाजूचे संबंधित व्यक्ती राजारामपुरी पोलीस स्टेशनमध्ये ठाण मारून बसले होते.
संबंधित हॉटेलमधील मेलेल्या पालीचा व्हिडिओ बघता-बघता कोल्हापूर जिल्ह्यातील अनेक तरुणांच्या मोबाईलवर व्हायरल झालाय. शेवटी राजारामपुरी पोलीस ठाण्यात दोन्ही बाजूच्या नागरिकांनी कोणतीही तक्रार न देता सामंजस्यपणे हा वाद मिटवला.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)