भिवंडीत भीषण अपघात! डंपरच्या धडकेत दुचाकीस्वाराचा दुर्दैवी मृत्यू, घटना सीसीटीव्हीत कैद
भिवंडीतील अंजूर फाटा परिसरात हायवा डंपरने दुचाकीस्वाराला चिरडल्याची घटना घडली आहे. या अपघातात दुचाकीस्वाराचा जागीच मृत्य झाला आहे.
Bhiwandi Accident News : भिवंडीतील अंजूर फाटा परिसरात हायवा डंपरने दुचाकीस्वाराला चिरडल्याची घटना घडली आहे. या अपघातात दुचाकीस्वाराचा जागीच मृत्य झाला आहे. भार्गव पाटील (वय 24 रा. खारबाव) असे अपघातात मृत झालेल्या तरुणाचे नाव आहे. दरम्यान अपघाताचा संपूर्ण प्रकार सीसीटीव्ही कॅमेरात कैद झाली आहे. तसेच अपघातानंतर नारपोली पोलिसांनी पंचनामा करीत मृतदेह शवविच्छेदना करिता शहरातील शासकीय स्व.इंदिरा गांधी रुग्णालयात पाठवण्यात आला आहे.
नेहमीप्रमाणे भार्गव कामावरून आपल्या घरी जात असताना रस्त्यावर अचानक भरधाव डंपरने धडक दिल्याने दुचाकीसह भार्गव थेट डंपरच्या खाली पडल्याने टायर खाली येऊन चिरडला गेला. ज्यामुळं त्याचा जागीच मृत्यू झाल्याचे धक्कादाय घटना घडली आहे. या घटनेमुळं परिसरात हळहळ व्यक्त केली जात आहे. या घटनेनंतर स्थानिकांनी घटनेची माहिती नारकोली पोलिसांना दिली मात्र पोलीस घटनास्थळी दाखल होत पंचनामा करून मृतदेह शव विच्छेदनासाठी शासकीय रुग्णालयात पाठवण्यात आला आहे. तर वाहन चालकाच्या विरोधात नारपोली पोलिस ठाण्यात गुन्हा दाखल करण्याची प्रक्रिया सुरु आहे. या अपघाताची घटना सीसीटीव्हीत कैद झाली असून पोलीस अधिक तपास करत आहेत.
अहिल्यानगर–मनमाड रस्त्यावर भीषण अपघात, दोन जण जखमी
अहिल्यानगर–मनमाड रस्त्यावर सामाजिक न्याय भवन समोर विचित्र अपघात झाला आहे. एका भरधाव स्कॉर्पिओ चालकाने एक दुचाकी, एक चारचाकी आणि रिक्षाला जोरदार धडक दिल्याने भीषण अपघात झाला आहे. या धडकेत दुचाकीस्वार, चारचाकीतील व्यक्ती आणि रिक्षामधील प्रवासी जखमी झाले आहेत. त्यांना तातडीने खासगी रुग्णालयात दाखल करण्यात आले आहे. घटनेनंतर परिसरात एकच गोंधळ उडाला आहे. संबंधित स्कॉर्पिओ चालक हा मद्यधुंद असल्याचे प्रत्यक्षदर्शींचे म्हणणे आहे. संतप्त नागरिकांनी वाहनचालकांवर कठोर कारवाई करण्याची मागणी केली आहे. दरम्यान तोफखाना पोलीस स्टेशनचे पोलीस घटनास्थळी दाखल झाले असून चालकाविरोधात गुन्हा दाखल करण्याची प्रक्रिया सुरु झाली आहे.
वसमत ते नांदेड रोडवर टाकळगाव शिवारामध्ये कारचा अपघात, एकाचा जागीच मृत्यू
महत्त्वाच्या बातम्या
