नाशिक जिल्ह्यातील पदाधिकाऱ्यांशी पक्षप्रमुख उद्धव ठाकरेंची चर्चा, पदाधिकाऱ्यांकडून निष्ठेचं शपथपत्र
शिवसेनेशी एकनिष्ठ असल्याचं शपथपत्रही भरून घेण्यात आलं. आता याबैठकीतला एक उद्धव ठाकरेंचा एक व्हीडिओ समोर आलाय. ज्यात सर्व नाशिकचे माजी नगरसेवक उद्धव ठाकरेंच्या बाजूने घोषणा देत आहेत.
मुंबई : शिवसेनेतील बंडानंतर आज नाशिक आणि मालेगावच्या नगरसेवकांनी मुंबईत मातोश्री निवासस्थानी पक्षप्रमुख उद्धव ठाकरे यांची भेट घेतली. मालेगाव शहर आणि नांदगावच्या आमदारांनी बंड केल्यानं नाशिकच्या शिवसेनेत फूट पडलीय. त्यामुळे पक्ष सावरण्यासाठी नाशिक शहर आणि जिल्ह्यातील माजी नगरसेवक आणि पदाधिकाऱ्यांशी उद्धव ठाकरे यांनी मातोश्री बंगल्यावर चर्चा केली. त्यांच्याकडून शिवसेनेशी एकनिष्ठ असल्याचं शपथपत्रही भरून घेण्यात आलं. आता याबैठकीतला एक उद्धव ठाकरेंचा एक व्हीडिओ समोर आलाय. ज्यात सर्व नाशिकचे माजी नगरसेवक उद्धव ठाकरेंच्या बाजूने घोषणा देत आहेत.
विरोधी पक्षनेते अजय बोरस्ते म्हणाले, नाशिकची शिवसेना एकसंघ आहे. प्रतिज्ञापत्र देण्याची आवश्यकता खरं तर नाही मात्र कोर्टातली प्रक्रिया आहे म्हणून लिहून दिले आहे. आज मातोश्रीवर यायला मिळालं याचा आनंद आहे. ज्यांना निवडून दिलं ते गेले मात्र ज्यांनी त्यांना निवडून दिलं ते शिवसैनिक जागेवरच आहेत. आम्ही उद्धव ठाकरे यांच्या सोबत आहोत उद्धव ठाकरे यांची हीच खरी शिवसेना आहे असं प्रतिज्ञापत्रात आम्ही लिहून दिलं. शिवाय आम्ही उद्धव ठाकरे यांना आमच्या शहरासाठी वेळ मागितला आहे.
नाशिक शहर, मालेगाव, इगतपुरी, सिन्नर, मनमाड या ठिकाणच्या शिवसैनिकांनी आज मातोश्री येथे उद्धव ठाकरेंची भेट घेतली. नाशिकचे 32 नगरसेवक आणि इतर असे एकूण 39 नगसेवकांनी यावेळी मातोश्रीवर उपस्थित होते. सर्व नगरसेवकांचे प्रतिज्ञापत्र या वेळी लिहून घेण्यात आले.
ज्यात झालेल्या सत्तांतरानंतर युवा सेनाप्रमुख आदित्य ठाकरेंनी (Aditya Thakaray) शिवसंवाद यात्रा (Shivsamvad Yatra) काढली आहे. शिवसेनेचे अनेक आमदार शिंदे गटात सामील झाल्याने, त्यांच्या मतदारसंघातील दुसऱ्या फळीतील नेते आता सक्रीय होतांना पाहायला मिळत आहे. विशेष म्हणजे आदित्य ठाकरेंच्या शिवसंवाद यात्रेमुळे दुसऱ्या फळीला बळ मिळत असून, या यात्रेतील उत्साह त्यानिमित्ताने पाहायला मिळत आहे. ठिक-ठिकाणी शिवसंवाद यात्रेला होणारी गर्दी पाहता शिवसेना पुन्हा जोमाने उभा राहण्याचा प्रयत्न करत असल्याचं बोलले जात आहे.
Before You Go
Maharashtra Weather Rain Updates: पावसाचं पॅटर्न बदललं? जुलैमध्ये धो धो कोसळला, ऑगस्टमध्ये गायब; पुढे काय, हवामान विभागाची A टू Z माहिती
महत्त्वाच्या बातम्या
