एक्स्प्लोर

सोलापुरात सामूहिक विवाह सोहळ्यात मंचावर CAA आणि NRC चा विरोध

सोलापुरात सामूहिक विवाह सोहळ्याच्या मंचावर CAA आणि NRC चा विरोध पाहायला मिळाला. हातात NRC आणि CAA विरोधातील पोस्टर घेत केला नव वधू आणि वर यांनी विरोध दर्शवला.

Written By : आफताब शेख, एबीपी माझा | Updated at : 04 Feb 2020 08:57 AM (IST)

CAA and NRC against protest on stage at mass wedding ceremony in Solapur सोलापुरात सामूहिक विवाह सोहळ्यात मंचावर CAA आणि NRC चा विरोध

सोलापूर : नागरिकत्व सुधारणा कायदा व NRC च्या विरोधात ठिकठिकाणी विविध पद्धतीने आंदोलनं सुरु आहेत. सोलापुरातही नागरिकत्व सुधारणा कायदा व NRC वेगळं आंदोलन पाहायला मिळालं. सोलापुरात आयोजित सामूहिक विवाह सोहळ्यात नव वर-वधू यांनी मंचावरच नागरिकत्व सुधारणा कायदा आणि NRC चा विरोध केला. या नवीन वधू-वरांनी हातात नागरिकत्व सुधारणा कायदा आणि NRC विरोधातील पोस्टर घेत निषेध व्यक्त केला.

सोलापूरतील मिलन फाउंडेशनच्यावतीने सामूहिक विवाह सोहळ्याचे आयोजन करण्यात आलं होतं. यावेळी नागरिकत्व दुरुस्ती कायदा रद्द करण्यात यावा अशी मागणी देखील केली नव वर-वधु यांनी केली. सोलापुरातील पानगल हायस्कूल परिसरात रविवारी संध्याकाळी हा विवाह सोहळा पार पडला. यावेळी शहर काझी मुफ्ती अमजद अली काझी हे देखील उपस्थित होते. नागरिकत्व सुधारणा कायदा लागू झाल्यापासूनच सोलापुरात या कायद्याच्या विरोधात आंदोलने सुरु आहेत. विविध संघटनांच्यावतीने मोर्चे, रॅली, धरणे करत कायद्याचा विरोध करण्यात आला. मात्र या अनोख्या पद्धतीने केलेल्या आंदोलनाने सर्वांचेच लक्ष वेधलं आहे.

दिल्लीच्या धर्तीवर सोलापुरात ही शाहीनबाग

दिल्लीतील शाहीनबाग परिसरात नागरिकत्व सुधारणा कायदा आणि NRC विरोधात गेल्या 50 हून अधिक दिवसांपासून आंदोलन सुरु आहे. याच धर्तीवर आता सोलापुरात ही नागरिकत्व सुधारणा कायदा आणि NRC च्या विरोधात महिला रस्त्यावर आल्या आहेत. गेल्या 4 दिवसांपासून सोलापूर जिल्हाधिकारी कार्यालयासमोर महिलांनी बेमुदत धरणे आंदोलन सुरू केलं आहे. विशेष म्हणजे या आंदोलनात एमआयएम, काँग्रेस, वंचित बहुजन आघाडी, भीम आर्मी या सर्व पक्ष आणि संघटनांच्या कार्यकर्त्या आणि महिला नगरसेविका देखील सहभागी झाल्या आहेत.

पोलिसांनी या आंदोलनासाठी तीनच दिवसांची परवानगी दिली होती. मात्र परवानगी संपली तरी हे आंदोलन सुरूच ठेवणार असल्याची भूमिका महिलांनी घेतली आहे. मागील 4 दिवसांपासून सुरू असलेल्या आंदोलनात सर्व पक्षीय नेत्यांनी देखील हजेरी लावली. काँग्रेसच्या आमदार प्रणिती शिंदे, माकपचे ज्येष्ठ नेते नरसय्या आडम, एमआयएमचे नेते फारुख शाब्दी, वंचित बहुजन आघाडीचे आनंद चंदनशिवे यांच्यासह अनेक नेत्यांनी हजेरी लावत आंदोलनांला पाठिंबा दिला.

संबंधित बातम्या

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 04 Feb 2020 08:57 AM (IST)

Tags :

Mass Wedding Ceremony CAA-NRC Protest CAA NRC Solapur