मला अटक करण्याची तयारी सुरु आहे, भाजप नेत्याचा दावा 

Mohit Kamboj : गेल्या काही दिवसांपासून राज्यात सत्ताधारी आणि विरोधकांमध्ये खडाजंगी सुरु आहे. आरोप प्रत्यारोपांच्या फैरी सुरु आहेत.

mohit_kambhoj_nawab_malik

Mohit Kamboj : गेल्या काही दिवसांपासून राज्यात सत्ताधारी आणि विरोधकांमध्ये खडाजंगी सुरु आहे. आरोप प्रत्यारोपांच्या फैरी सुरु आहेत. नवाब मलिक यांना अटक केल्यानंतर राज्यातील राजकारण अधिकच तापले आहे. नवाब मलिक यांना सात मार्चपर्यंत ईडी कोठडी सुनावण्यात आली आहे. त्यानंतर राज्यातील वातावरण अधिकच तापलेय. आता भाजप नेत्याने मला अटक करण्याची तयारी सुरु असल्याचे ट्वीट केले आहे. या ट्वीटमुळे खळबळ उडाली आहे. 

भाजप नेते मोहित कंबोज यांनी ट्वीट करत अटक करण्यात येणार असल्याचा दावा केला आहे. 'बहुतेक मला अटक करण्याची तयारी सुरु आहे... जय शिवाजी जय भवानी' असे ट्वीट मोहित कंबोज यांनी केले आहे. मोहित कंबोज यांच्या ट्वीटनंतर सोशल मीडियात सत्ताधारी पक्षाचे कार्यकर्ते आणि विरोधकांचे कार्यकर्ते यांच्यात शाब्दिक चकमक सुरु झाली आहे. 

नवाब मलिक यांना ईडी ने अटक केल्यानंतर भाजपा नेते मोहित कंबोज(Mohit Kambhoj) यांनी जल्लोष करत म्यानातून तलवार काढली होती. याप्रकरणी त्यांच्यावर गुन्हा दाखल झाला आहे. याप्रकरणी आता त्यांना अटक करण्याची तयारी सुरू असल्याचं स्वत: कंबोज यांनी सांगितले आहे.

मोहित कंबोज यांचे ट्विट - 

गुनाह तय नहीं , लेकिन गुनाहगार तय हो गए।

आघाड़ी सरकार की अंधेरगर्दी !

— Mohit Kamboj Bharatiya - मोहित कंबोज भारतीय (@mohitbharatiya_) March 5, 2022

लगता हैं मुझे Arrest करने की तैयारी चालू हैं !

जय भवानी जय शिवाजी !

— Mohit Kamboj Bharatiya - मोहित कंबोज भारतीय (@mohitbharatiya_) March 5, 2022

मलिकांच्या अटकेनंतर तलवार नाचवणं भाजप नेत्याला पडलं महागात! 
मलिकांच्या अटकेनंतर काल मोहित कंबोज यांच्याकडून जल्लोष साजरा करण्यात आला होता. मोहित कंबोज यांच्या घराबाहेर भाजप कार्यकर्त्यांनी जल्लोष साजरा केला होता. कंबोज यांनी तलवारही नाचवली होती. याप्रकरणी कंबोज यांच्यावर गुन्हा दाखल करण्यात आला होता. सार्वजनिक ठिकाणी तलवार काढल्याप्रकरणी गुन्हा दाखल झाला होता. तसंच लोकांची गर्दी जमवत कोविड (covid) नियमांचं उल्लंघन केल्याचाही ठपका त्यांच्यावर ठेवण्यात आलाय. मलिक यांना ईडीनं अटक केल्यानंतर भाजप नेते मोहित कंबोज यांनी तलवार नाचवत आणि फटाके फोडत जल्लोष केला होता.